Основен суд Кавадарци

Поглед на основниот суд

Основен суд Кавадарци — суд со основна надлежност сместен во градот Кавадарци и го опфаќа подрачјето на општините Кавадарци и Росоман. Воедно, овој суд има и проширена надлежност за подрачјето на судовите во Кавадарци и Неготино, што ја стекнал во 2020 година. Дотогаш, судското подрачје на судовите во Кавадарци и Неготино припаѓал на судот во Велес.

Судот во Кавадарци ја извршува судската власт во прв степен во рамките на гореспоменатите општини. Основниот суд во Кавадарци одлучува за сите дела во прв степен по кривични дела и прекршоци извршени на подрачјето на општините.

Историја

Основниот суд во Кавадарци, како и останатите судови во Македонија, бил основан со Повелбата на Президиумот на АСНОМ за устројство на првите судови во Македонија на 31 март 1945 година.

Внатрешна организација

Судот е сместен во зграда на приземје и спрат, со локација на адреса ул. Нов Белград бр. 16 во градот Кавадарци.

Основниот суд во Кавадарци е поделен на пет одделенија: приемно, граѓанско, прекршочно, кривично и извршно одделение.

Претседатели на судот

Од неговото основање во 1945 година, претседатели на ОС Кавадарци биле следниве:

• Глигор Даскалов (1945-1947)
• Ристо Талевски (1945-1955)
• Александар Мишев (1956-1960)
• Миле Ѓорѓиевски (1960-1967)
• Драги Каровски (1967-1976)
• Димитар Манчев (1978-1986)
• Мирослав Маневски (1986-1997)
• Стојан Бојков (1997-2001)
• Јордан Дафков (2001-2005)
• Лазар Нанев (2006-2010)
• Зоран Јосифовски (2010-2014)
• Зоран Јосифовски (2015-2019)
• Лазар Нанев (2019-денес)

Поврзано

• Основни судови со основна надлежност во Македонија

Надворешни врски

• Матична страница