Осеновска Река
| Осеновска Река Раковица | |
|---|---|
 | |
| Местоположба | |
| Место | Горноџумајско, Пиринска Македонија |
| Физички особености | |
| Извор | |
| • место | Арамлиски Кладенец, Југозападна Рила |
| • координати | 41°58′31″N 23°21′47″E / 41.9753°N 23.3631°E |
| • надм. вис. | 2.269 м |
| Устие | |
• место | Градевска Река кај с. Градево, Општина Симитли |
• координати | 41°55′49″N 23°12′52″E / 41.9303°N 23.2144°E |
• надм. вис. | 520 м |
| Должина | 19 км |
| Големина на сливот | 88 км2 |
| Особености на сливот | |
| Течение | Градевска Река → Струма → Егејско Море |
Осеновска Река (во горното течение: Раковица) — река во Горноџумајско (Општина Симитли), Пиринска Македонија, десна притока на Градевска Река. Долга е 19 км и одводнува делови од Југозападна Рила.[1]
Река извира под името Раковица од Арамлиски Кладенец, на надморска височина од 2.269 м во југозападниот дел на Рила. Тече во релативно широка и добро пошумена долина до северното подножје на врвот Моравица на запад и северозапад, а потоа свртува на југозапад и тече во тој правец сè до устието. Завршува како десна притока на Градевска Река од сливот на Струма, до поранешниот стопански двор на селото Градево.[1]
Сливот на реката зафаќа 88 км2, што претставува 34,78 % од вкупниот слив на Градевска Река. Главна притока е Топлица (лева). Осеновска Река се напојува од снег и дожд; најполноводна е во мај и јуни, а најслабоводна во август и септември. По течението на реката има само едно населено место — село Долно Осеново во Општина Симитли.[1]
