Ореховица (Кукушко)

Од Википедија — слободната енциклопедија
Прејди на прегледникот Прејди на пребарувањето
Ореховица
Ореховица is located in Грција
Ореховица
Ореховица
Координати: 41°02′N 22°35′E / 41.033° СГШ; 22.583° ИГД / 41.033; 22.583Координати: 41°02′N 22°35′E / 41.033° СГШ; 22.583° ИГД / 41.033; 22.583
ЗемјаГрција
ОбластЦентрална Македонија
ОкругКукуш
ОпштинаПајонија
Општ. единицаРугуновец
Население (2011)[1]
 • Вкупно577
Часовен појасEET (UTC+2)
 • Лете (DST)EEST (UTC+3)

Ореховица или Ореовица (грчки: Πευκοδάσος, Певкодасос, до 1927 година Ορέβιστα, Оревиста) — село во областа Бојмија, Гевгелиско, а денес во општината Пајонија на Кукушкиот округ во Егејска Македонија, Грција.

Географија и местоположба[уреди | уреди извор]

Селото Ореховица е сместено на пет километри северно од Ругуновец и околу 61 километар северозападно од Солун, крај самиот лев брег на реката Вардар[2]. Ореховица е расположено на надморска височина од 150 метри[2]. Тоа претставувало самостојна општина со вкупна површина на општинскиот атар од 14 километри квадратни[2].

Историја[уреди | уреди извор]

Кон крајот на XIX век, во селото во 1895 - 1896 година е основан комитет на ВМОРО. Во минатото, селото Ореховица било мешана населба во која живеело македонско и турско население, при што во статистиките на К'нчов од 1910 се споменува со 230 Македонци и 490 Турци, Бранков бројот на Македонците го качува на 256, додека Милоевиќ ја регистрира со 35 македонски и 30 турски куќи[2]. Како последица на настаните од Првата светска војна во 1914 голем број Македонци се иселиле во Бугарија, а преостанатите жители Турци во 1924 година, по сила на Лозанската конвенција се иселиле во Турција, а на нивно место властите населиле бегалски семејства од Понд[2].

Стопанство[уреди | уреди извор]

Основните производи на селото се памукот и пченицата, додека сточарството е слабо развиено[3].

Население[уреди | уреди извор]

Во пописот од 1913 година селото е евидентирано со 502 жители, додека во 1920 година само со 45 жители[3]. Со населувањето на бегалски семејства од Понд, бројот на жителите во 1928 нараснува на 354, во 1940 се искачува на 790, во 1951 благо опаднал на 711, во 1961 повторно пораснал на 782, за да опадне во 1971 на 475, во 1981 на 609, а во 1991 да опадне на 569 жители[3].

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 790 711 782 475 609 569 637 577
Извор за 1940-1991 г.: Т. Симовски, Населените места во Егејска Македонија

Иселеништво[уреди | уреди извор]

Под притисок на грчките власти во Бугарија биле иселени македонските семејства, а во турските во Турција.

Наводи[уреди | уреди извор]

  1. „Попис на населението од 2011 г. Трајно население“. Државен завод за статистика на Грција. 
  2. 2,0 2,1 2,2 2,3 2,4 Симовски Христов, Тодор (1998) (на македонски). Населените места во Егејска Македонија. 2. Скопје: Здружение на децата бегалци од егејскиот дел на Македонија. стр. 56. ISBN 9989-9819-4-9. 
  3. 3,0 3,1 3,2 Симовски, Тодор (1998). „Кукушки округ (XI/1)“. Населените места во Егејска Македонија : географски, етнички и стопански карактеристики. Скопје: Институт за национална историја. стр. 111.