Оренсе (покраина)
| Покраина Оренсе Provincia de Ourense | |||
|---|---|---|---|
| Покраина | |||
.jpg) | |||
| |||
 | |||
| Држава |  Шпанија | ||
| Автономна заедница | Галиција | ||
| Главен град | Оренсе | ||
| Управа | |||
| • Орган | Покраински совет на Оренсе | ||
| • Претседател | Хозе Мануел Балтар Бланко (НПГ) | ||
| Површина | |||
| • Вкупна | 7,273 км2 (2,808 ми2) | ||
| Население (2018)[1] | |||
| • Вкупно | 309.372 | ||
| • Ранг | 36. | ||
| • Густина | 43,000/км2 (110,000/ми2) | ||
| Демоним | ourensán (м), ourensá (ж) | ||
| ISO 3166 | ES-OR | ||
| Собрание | 14 пратеници (од 75) | ||
| Конгрес | 4 пратеници (од 25) | ||
| Сенат | 4 сенатори (од 19) | ||
| Мреж. место | www.depourense.es | ||
Оренсе (галициски: Ourense, шпански: Orense) ― шпанска покраина, во југоисточниот дел на автономната заедница Галиција. Се граничи со покраините Понтеведра на запад, Луго на север, Леон и Замора, (кои и двете припаѓаат на Кастиља и Леон) на исток и со Португалија на југ. Со површина од 7.278 квадратни километри, таа е единствената покраина во Галиција без излез на море. Главниот град на покраината, Оренсе, е најголемото средиште со население, а остатокот од покраината е претежно рурален.
Име[уреди | уреди извор]
Зборот Ourense (на галициски) е службеното име усвоено од Парламентот во Шпанија, според Законот 2/1998 година.[2]
Географија[уреди | уреди извор]
Оренсе е опкружен со планини од сите страни. Овие планини историски ја изолирале покраината од понаселениот галициски брег. Сè додека не бил изграден автопат во последните години што го поврзува Оренсе со Виго на запад и Бенавенте на исток, единствениот брз начин за луѓето да влезат или да ја напуштат покраината била железницата.
Главниот речен систем е Мињо-Сил, чии плодни долини произведуваат пченка и грозје за вино. Поради многуте брзаци, овие реки не се пловни, но се искористени за хидроелектрична енергија. Сил тече низ длабок кањон и стана барано туристичко место за крстарењата со реката и глетки.
Реката Лимија започнува северно од Синзо де Лимија и тече јужно кон Португалија. Реката Тамега, друга важна португалска река започнува северно од Верин.
Планинскиот терен и изолацијата ја држат покраината економски предизвик и поттикнал големо иселување во остатокот од Шпанија и во Новиот свет. Има одредено производство на вино долж долината на Мињо и во близина на Верин. Исто така, има значително одгледување свињи и одгледување компири, особено околу областа Синзо де Лимија, во исцеденото езерско корито на Антела, кое до 1960-тите било најголемото слатководно езеро во Шпанија.
Заштитени подрачја[уреди | уреди извор]
Покраината има неколку заштитени подрачја и некои природни паркови, вклучувајќи:
- Баиса Лимија-Сера до Сурес
- Природен парк да Сера де Енсиња да Ластра
- О Инвернадеиро
Демографија[уреди | уреди извор]
Од населението на покраината од 309.986 (2018), околу три десетини живеат во главниот град Оренсе со 105.000 жители.[3][4] Во Оренсе има 92 општини. Освен главниот град, најважни се О Барко де Валдеорас, Верин, Рибадавија, Алариз, А Руа, О Карбаљињо, Вјана до Боло и Синзо де Лимија. Од 2018 година, Оренсе има најниска стапка на наталитет од која било шпанска покраина, со стапка на раст на населението од -2.993.[5]
| Населението на покраината Оренсе
околу 1900 година | |||
|---|---|---|---|
| Округ | население | ||
| Град Оренсе | 15.194 | ||
| Паланки и села | 389.117 | ||
| Цела покраина (Вкупно): | 404.311 | ||
| (Encyclopædia Britannica, 1911) s:User:Tim Starling/ScanSet PNG демо | |||
Економија[уреди | уреди извор]
Индустриите вклучуваат хемиско производство, производство на млеко, полнење вода во шишиња во близина на Верин и производство на облека во близина на главниот град Оренсе. Во индустриската зона во близина на тој град се наоѓа и една од најголемите стопански друштва за преработка на живина.
Покраината има и четири вински региони, од пет во целиот регион на Галиција. Рибеиро, Рибеира Сакра, Монтереј и Валдеорас.
Иако не е голем туристичко средиште, туризмот донекаде придонесува за економијата.[6] Речните долини привлекуваат туристи, а има и неколку зачувани средновековни градови (Алариз и Рибадавија).
Наводи[уреди | уреди извор]
- ↑ Општински регистар на Шпанија 2018. Национален статистички институт.
- ↑ „Boletín Oficial del Estado“. Ministerio de la Presidencia. Посетено на 23 декември 2021.
- ↑ Iglesias, Brais. „Ourense perdió 3.173 habitantes en 2016, la mayor caída de Galicia“. laregion.es. La Region. Посетено на 23 декември 2021.
- ↑ GALÁN, PABLO. „Ourense, la provincia de España en la que más cayó la población en 40 años“. laregion.es. La Region. Посетено на 23 декември 2021.
- ↑ Galan, Pablo. „La inmigración suaviza en Ourense la peor cifra de natalidad de la historia“. laregion.es. La Region. Посетено на 23 декември 2021.
- ↑ Rodriguez, Vicente. „Ourense“. Encyclopædia Britannica. britannica.com. Посетено на 23 декември 2021.
Поврзано[уреди | уреди извор]
Надворешни врски[уреди | уреди извор]
- Туристички информации Архивирано на 4 август 2013 г.
- Фотографии од Оренсе