Општина Језерско

Од Википедија — слободната енциклопедија
Прејди на прегледникот Прејди на пребарувањето
Општина Језерско
Občina Jezersko
општина
Jezersko1.jpg
Грб на Општина Језерско
Местоположба во Словенија
Местоположба во Словенија
Земја Словенија
СедиштеЗгорње Језерско
Управа
 • ГрадоначалникАндреј Карничар
Површина
 • Вкупна68,8 км2 (266 ми2)
Население (2020)[1]
 • Вкупно625
 • Густина0,91/км2 (2,4/ми2)
Часовен појасCET (UTC+01)
 • Лете (ЛСВ)CEST (UTC+02)
Мреж. местоjezersko.si
Вештачкото Планшарско Езеро.
Широк поглед на Згорње Језерско.

Општина Језерско (словенечки: Občina Jezersko) — општина во северна Словенија. Сместено е во историската област Корушка, но административно се води Горењскиот регион. Седиште е селото Згорње Језерско. Во 1995 г. Језерско влегло во состав на Општина Преддвор, а во 1998 г. станало самостојна општина.[2]

Језерско е сместено во зафрлена долина на реката Кокра на Камничко-савињските Алпи, јужно од превојот Језерски Врх на границата со австриската сојузна покраина Корушка, поточно со округот Фелкермаркт (Великовец).

Населени места[уреди | уреди извор]

Покрај општинското седиште Згорње Језерско, општината ги опфаќа и следните населени места:

Историја[уреди | уреди извор]

Подрачјето го носи своето име според ледничкото езеро близу селото Згорње Језерско кое почнало да се губи по земјотресот од 1348 г. Сепак, во 1689 г. Јанез Вајкард Валвазор го опишува како сè уште големо езеро.[2] Според тоа, на местото му е дадено германското име Зеланд (Seeland) (првпат посведочено како Seelant во 1496 г.), а словенечкиот истоветник „Језерско“ влегол во употреба кон крајот на XIX век. Сепак, поимот во словенечкиот е доста постар, што се гледа од документ од 1391 г. во кој се спомнува црква „Св. Озвалд кај Езерото“ (Sv. Ožbolt pri Jezeru).

Сè до 1919 г. зафрленото село било во состав на Војводството Корушка како административен дел од Ајзенкапел (Железна Капла) на север; сепак, мештаните не се сметале за „вистински“ корушци.[3] Затоа, тоа било единственото населено место кое Корушкото собрание му го отстапило на Кралството СХС, пред да биде споено заедно со долината на Межа и Дравоград согласно Договорот од Сан Жермен од 1919 г.

Стопанство[уреди | уреди извор]

Земјоделство[уреди | уреди извор]

Мештаните претежно се занимаваат со туристичко угостителство, сточарство и шумарство. Сточарството се одвива во големи размери, како на поединечни фарми, така и од големи претпријатија. Одовде потекнува автохтоната језерско-солчавска овца. Секоја година во средината на август се одржува овчарскиот празник наречен „Овчи бал“.

Туризам[уреди | уреди извор]

Језерско има долга туристичка традиција. Тука се наоѓа хотелот „Планика“[4] како и пансиони на поединечни фарми.[5] Селото нуди исклучителен поглед на околните планини, и одовде поажѓаат планинарските патеки до Гринтовец, Кочна и Велики Врх. Добро познати се планинарските домови „Крањска коча на Лединах“ и „Чешка коча на Сподњих Равнех“.[6] Планшарското Езеро во Згорње Језерско е вештачко, изградено по Втората светска војна. Зимно време постои можност за скијање.

Наводи[уреди | уреди извор]

  1. „Prebivalstvo po naseljih, podrobni podatki, Slovenija, 1. januar 2020“. Statistični urad Republike Slovenije. 8 јуни 2020. Посетено на 8 јуни 2020.
  2. 2,0 2,1 Alpe Adria Vita, d. o. o. (јули 2009). „Jezersko“ (PDF). Priloga št. 1 k Strategiji razvoja in trženja sonaravnega turizma na Gorenjskem 2010 - 2015. стр. 128–129.
  3. Kačičnik Gabrič, Alenka (2009). „Jezersko - pozabljeni delček Koroške“. Kronika. Zveza zgodovinskih društev Slovenije. 57 (1): 29–46. ISSN 0023-4923.
  4. Hotel Planika Jezersko
  5. Makek vacation farm site Архивирано на 25 декември 2008.
  6. Slovenian Tourist Board

Надворешни врски[уреди | уреди извор]