Оливера Трајкова (музичар)
| Оливера Трајкова | |
|---|---|
| Роден(а) | Битола, СР Македонија |
| Потекло |  Македонија |
| Жанрови | Класична музика |
| Занимања | виолинистка, музичар, педагог |
| Инструменти | виолина |
Оливера Трајкова - музичар, виолинистка, педагог од Битола.
Животопис
[уреди | уреди извор]Оливера Трајкова завршила Државно Музичко училиште – Битола во класите на проф. Христина Трајановска и проф. Зоран Маневски. Дипломира во класата на проф. Михајло Куфојанакис на Факултет за музичка уметност - Скопје.[1]
Музичка дејност
[уреди | уреди извор]Како солист настапува на многубројни солистички концерти како и на концерти меѓу кои :
- Солист со Македонска филхармонија,
- Солист со Камерен Оркестар на Битола,
- Концерт со „Солисти на ФМУ-Скопје“
- Член на „Алеа“ со настапи во Дубровник, Киев, Скопје, Грција
- Член на Камерен Оркестар на Битола од самото негово основање
- Учество на „Охридско лето“, „Скопско лето“, „Битолско лето“, „Интерфест“- Битола,
- Член на Симфонискиот оркестар на Едмонтон, Канада (Youth Simphonic orkestar - Edmonton)
- Настапувала и во Србија , Украина , Грција , Канада.
Оливера Трајкова е блиска по род со Кирил Македонски, македонскиот композитор, авторот на првата македонска национална опера „Гоце“. Покрај тоа, таа своите концертни настапи ги изведува со виолината која била соственост и на која музицирал самиот Кирил Македонски. Благодарение на нејзиниот суптилен, „ненаметлив“ изведувачки дар, од неа успева да извлече прекрасен кадифест, нежен и убедлив звук, карактеристичен за позначајните концертни музички и виолински колорити низ светските музички центри. Само по себе ова е своевиден музички раритет и културен екстракст за македонската уметност со оглед и на тоа што на самата виолина е обележано и -Страдивариус 1724.
Нејзините одлични изведби се: прецизни, јасни, со особен авторски влог, емотивни и медитативно одмерени.[2]
Педагошка дејност
[уреди | уреди извор]Својата педагошка дејност ја започнува во 2005 год. како професор по виолина во музичките училиште во Охрид и Прилеп. а денес е редовен проф.по виолина во Државно Музичко училиште – Битола.
Својот посветен педагошки ангажман го докаужва и со бројни државни, меѓународни и интернационални истакнати награди, на нејините ученици забележани на бројни натпреварувања и концерти низ светот.[3], [4], [5],[6]
Награди
[уреди | уреди извор]Добитник е на повеќе награди, помеѓу кои се истакнува и Специјалната награда на Државниот натпревар во Скопје-Настапот како солист со Македонската филхармонија во Скопје и Младинскиот симфониски оркестар на Едмонтон – Канада.