Огниште (котел)

Огниште — во парна машина, просторот каде што гори горивото, произведувајќи топлина за да ја зоврие водата во котелот. Жешките гасови создадени во огништето се влечат низ низа цевки што минуваат низ котелот.^[1]^[2]

Проветрување

За да се овозможи постојано согорување, потребно е да се обезбеди одведување на димните гасови од огништето (на пр., парен котел), истовремено внесувајќи доволна количина воздух за согорување. Ова заедно се нарекува проветрување. Според начинот на кој се остварува струењето на димните гасови и воздухот, проветрувањето може да биде природно или вештачко.

Природното проветрување настанува поради дејството на поттисок (пловност), како последица на разликата во притисокот помеѓу околниот воздух и димните гасови. Разликата во притисокот, која настанува поради поттисокот, непосредно зависи од висината на оџакот и температурата на излезните димни гасови. Колку се поголеми висината на оџакот и температурата на излезните димни гасови, толку е поголема разликата во притисокот, што овозможува поголеми брзини на струење на димните гасови и воздухот, односно согорување на поголема количина гориво. Меѓутоа, со зголемувањето на висината на оџакот растат отпорите на струењето на димните гасови, а истовремено поради зголемувањето на површината се зголемува ладењето на димните гасови, што неповолно влијае на ефективната разлика во притисокот. Поради тоа, со природно проветрување можат да се постигнат само ограничени дејства, па затоа денес многу ретко се користи, односно само во одредени случаи кај помошните парни котели.

Вештачкото проветрување се остварува со дејство на вентилатори. Ако постои само вентилатор за воздух, таквото проветрување е поттисно (со притисок); ако е вграден само вентилатор за димни гасови, тогаш станува збор за вшмукувачко проветрување (со вшмукување); а ако е вграден вентилатор за воздух и вентилатор за димни гасови, таквото проветрување се нарекува урамнотежено или комбинирано.

Наводи

↑ John Daniel (April 16, 2013). „Basic features of a steam locomotive“. Part 4 - Firebox layout. The Great Western Archive. Посетено на 10 септември 2015.
↑ Steam Trains In Knoxville, Tennessee (2015). „Parts of the Steam Locomotive“. How a Steam Engine Works. Three Rivers Rambler. Посетено на 10 септември 2015.

Надворешни врски

Огниште (котел) на Ризницата ^?

[greatwestern-1] John Daniel (April 16, 2013). „Basic features of a steam locomotive“. Part 4 - Firebox layout. The Great Western Archive. Посетено на 10 септември 2015.

[threerivers-2] Steam Trains In Knoxville, Tennessee (2015). „Parts of the Steam Locomotive“. How a Steam Engine Works. Three Rivers Rambler. Посетено на 10 септември 2015.

[1]

[2]