Обична ѕвезденка
| Common chickweed | |
|---|---|
 | |
| Научна класификација [ у ] | |
| Непознат таксон (попр): | Stellaria |
| Вид: | Common chickweed |
| Научен назив | |
| Stellaria media (L.) Vill. | |
| Синоними | |
| |
Обична ѕвезденка (науч. Stellaria media) е едногодишно цветно растение од семејството каранфили. Потекнува од Евроазија и е натурализиран низ целиот свет, како плевел на обработливо земјиште и градини. Понекогаш се одгледува како култура за салата или за консумирање од живина.
Опис
[уреди | уреди извор]Ова е издржливо едногодишно растение кое цвета во текот на целата година во северна Европа, при благи временски услови.[1] Стеблата се рамни и голи, со лабав и раширен раст, до 40 см во дијаметар, со линија од влакна што се протега право по неговата должина, наизменично менувајќи ги страните кај јазлите. Лисните дршки се од 5 до 8 мм долги со влакнести рабови. Листовите се зелени, без влакна, овални и спротивни.[2][3]
Цветовите се мали, помалку од 1 см во дијаметар, со 5 бели ливчиња, 1–3 мм долги, сместени во поголеми чашкини ливчиња.[4]
Слични видови
[уреди | уреди извор]
Обичната ѕвезденка се препознава по линијата на влакна по стеблото. Видовите што најверојатно ќе се помешаат со неа се видови од родот рожец, Cerastium, кои се влакнести насекаде (и на лисјата и на стеблата).
Распространетост и живеалиште
[уреди | уреди извор].jpg)
Stellaria media е широко распространета во Азија, Европа, Северна Америка и други делови од светот.
Во Македонија расте на влажни места покрај патишта, населби, ендеци, бразди, јазови, оризишта, по градини и ѓубришта. Ова е многу често растение, и се среќава речиси насекаде до 1600 метри надморска височина, и се посочува за многу места низ Македонија.[5]
.jpg)
Потенцијална токсичност
[уреди | уреди извор]Обичната ѕвезденка содржи растителни хемикалии познати како сапонини, кои можат да бидат токсични за некои видови (особено за рибите). Малку е веројатно дека повеќето копнени животни ќе бидат погодени, бидејќи количествата што ги содржи не се големи. Сепак, не се препорачува да се јаде за време на бременост или доење.[6]
Употреба
[уреди | уреди извор]Обичната ѕвезденка е јадлива и хранлива, и се користи како лиснат зеленчук, често суров во салати. Тоа е една од состојките на симболичното јадење што се консумира на јапонскиот пролетен фестивал, Нанакуса-но-секу. Некои сорти или слични видови може да бидат премногу влакнести за јадење.[7]
Се вели дека има лековити својства и се користи во народната медицина. Се користи како лек за лекување на чешање на кожата и белодробни заболувања.[8] Билкарот од 17 век , Џон Џерард, го препорачувал како лек за шуга.
Наводи
[уреди | уреди извор]- ↑ „Stellaria media“. RHS. Посетено на 25 October 2020.
- ↑ Stace, C.A. (2019). New Flora of the British Isles. Suffolk. ISBN 978-1-5272-2630-2.
- ↑ Poland, John; Clement, Eric (2009). The Vegetative Key to the British Flora. Southampton: John Poland. ISBN 978-0-9560144-0-5.
- ↑ Stellaria media var. apetala (Ucria ex Roem.) Gaudin. „Global Biodiversity Information Forum“. Посетено на 3 March 2023.
- ↑ Мицевски, Кирил (1993). Флора на Република Македонија. Том I св.2. Скопје: Македонска академија за науките и уметностите. стр. 248.
|access-date=бара|url=(help) - ↑ „Stellaria media“. PFAF.org. Plants for a future. Посетено на 28 April 2021.
- ↑ Benoliel, Doug (2011). Northwest Foraging: The Classic Guide to Edible Plants of the Pacific Northwest (Rev. and updated. изд.). Seattle, WA: Skipstone. стр. 63. ISBN 978-1-59485-366-1. OCLC 668195076.
- ↑ Hensel, Wolfgang (2008). Medicinal plants of Britain and Europe. London: A&C Black. ISBN 9781408101544.
Надворешни врски
[уреди | уреди извор]
Обична ѕвезденка на Ризницата ?
Stellaria media на Викивидовите ?
| ||||||||||