Обична емисија
| Обична емисија | |
|---|---|
 | |
| Жанр | комедија, трилер, црн хумор |
| Создадена од | Џеј-Џи Квинтел |
| Креативна режија |
|
| Тематски композитор | Џеј-Џи Квинтел |
| Земја на потекло |  САД |
| Првичен јазик |
|
| Бр. на сезони | 8 |
| Бр. на епизоди | 244 (список на епизоди) |
| Производство | |
| Продуцент(и) |
|
| Времетраење | 11 — 33 минути |
| Продукциска куќа | Cartoon Network Studios |
| Прикажување | |
| Првична мрежа | Cartoon Network |
| Првично прикажување | 6 септември 2010 – 16 јануари 2017 |
| Надворешни врски | |
| Мрежна страница | cartoonnetwork.co.uk/show/regular-show |
Обична емисија (англиски: Regular Show)[1] — американски анимиран ситком создаден од Џеј-Џи Квинтел за Cartoon Network. Се прикажувал од 6 септември 2010 г. до 16 јануари 2017 г., во текот на осум сезони и 244 епизоди.[2][3][4][5][6]
Серијата ги следи секојдневните животи на двајца 23-годишни другари — Мордекај, сина сојка, и Ригби, ракун — кои работат како одржувачи во местен парк. Нивните колеги се Скипс, бесмртно јети, Маслмен, зелен и дебел човек, и малиот дух Да Пукне. Други ликови се Попс, сопственикот на паркот со изглед на лижавче, и нивниот шеф Бенсон, машина за гуми за џвакање. Мордекај и Ригби ги поминуваат деновите избегнувајќи ја работата и се забавуваат на разни начини, што неочекувано води до надреални, екстремни и натприродни случувања.
Содржина
[уреди | уреди извор]Серијата раскажува за приклученијата на двајца другари — сината сојка Мордекај и ракунот Ригби. Тие работат во градски парк заедно со снежниот човек по име Скипс и секогаш веселиот Попс, под водство на нивниот шеф — машината за гуми за џвакање по име Бенсон. Во паркот работат и нивните второстепени пријатели Маслмен (Мускулестиот Човек) и духот Да Пукне. Мордекај и Ригби постојано се обидуваат да ја избегнат работата и да се забавуваат, но честопати мораат да ја платат цената за својата неодговорност. Размислувајќи само за забава, другарите секогаш западнуваат во наизглед безизлезни ситуации. Но на крајот, меѓутоа, секогаш успеваат да се извлечат од незгодата со помош на нивните верни пријатели.
Во анимираната серија често се користи преработена музика од 80-тите и порано, како што се: „Mississippi Queen“ од групата Mountain и „Holding Out for a Hero“ од Бони Тајлер.
Ликови
[уреди | уреди извор]Мордекај — 23-годишна сина сојка, главен лик во анимираната серија, најдобар другар на Ригби. Тие двајца работат во градски парк, но се многу мрзливи и ретко ги извршуваат своите обврски. Мордекај е повеќе одговорен, се обидува да ги извршува своите работни задачи, но често се наоѓа во глупави ситуации обидувајќи се да се натпреварува со Ригби. Понекогаш овие ситуации се случуваат исклучиво поради Ригби, иако и двајцата добиваат по некоја казна. Мордекај често го победува Ригби во скоро сѐ, особено кога играат „Тупаници“, знаејќи дека малиот и слаб Ригби сигурно ќе изгуби, па Мордекај секогаш го удира по рамото и го повредува. Мордекај секогаш се обидува да најде излез од безизлезна ситуација. Тајно е вљубен во црвеношијката Маргарет, келнерка во месно кафуле. По заминувањето на Маргарет, Мордекај долго ја заборава, а потоа започнува да излегува со Си-Џеј. Има две бели линии на крилјата и две црни на прстите. Во 33-та епизода од третата сезона, признава дека спие на двоен кревет, го одзел креветот на Ригби и го направил во еден од двата. Ригби не знае за тоа и спие на трамбулина. На крајот од 8-мата сезона станува уметник и ја среќава својата идна жена, која е половина лилјак.
Ригби — 23-годишен машки ракун, главен лик во анимираната серија, најдобар другар на Мордекај. Често е во судир со него. Мордекај често го спасува својот другар, но имало и мигови кога и Ригби му помагал на Мордекај. Тој лошо се бори, не може да издржи удари и лошо игра видеоигри (но во епизодата „Стручњак или лажго“ игра одлично и станува стручњак за нив). Има помал брат по име Дон, за кој Ригби постојано се чувствува љубоморен, бидејќи Дон е многу повисок, посилен и попривлечен, а Ригби секогаш се наоѓа во сенката на Дон. За четири сезони, Ригби умирал четирипати, но секојпат воскреснувал (еднаш убиен од Скипс, а во друга епизода убиен од самиот Мордекај). Тој страда од алергија на јајца. За разлика од својот помал брат Дон, Ригби мрази да се гушка. Во 33-та епизода од третата сезона признава дека има симпатии кон Ајлин кога не носи очила. Во епизодата „Стручњак или лажго“ победува во една телевизиска емисија (учествувајќи по вторпат) и изјавува дека „сака да се одмазди за сите кои биле понижени во подли телевизиски емисии“ (вклучувајќи го и Бенсон, кој бил понижен во емисијата „Кажи го овој збор“). По настаните во една од епизодите станува светски шампион по играта „Коскокршач“ заедно со Мордекај. На свадбата на Маслмен признава дека излегува со Ајлин. На крајот од осмата сезона тие се венчаат.
Наводи
[уреди | уреди извор]- ↑ „Regular Show Will End with Season 8, First Clip & Poster Unveiled“. September 13, 2016. Архивирано од изворникот 9 јануари 2017. Посетено на 21 јануари 2017.
- ↑ Wong, Calvin (2017-01-16), A Regular Epic Final Battle, Regular Show, Посетено на 2022-05-03
- ↑ Regular Show, 2009-08-14, Посетено на 2022-05-03
- ↑ Regular Show (TV Series 2009–2017) - IMDb, Посетено на 2022-05-03
- ↑ „Steven Universe Returns with a Bomb on Jan 30! Plus More Cartoon Network Premieres – The Geekiary“. December 21, 2016. Архивирано од изворникот 21 декември 2016. Посетено на 21 јануари 2017.
- ↑ „Cartoon Network Rings in 2017 with Brand New Episodes of Fan-Favorite Shows“. Архивирано од изворникот 13 јануари 2017. Посетено на 21 јануари 2017.
Надворешни врски
[уреди | уреди извор]- Обична емисија на
Семрежната филмска база на податоци (англиски)
