ОУ „Страшо Пинџур“ - Јосифово
Страшо Пинџур | |
|---|---|
 Поглед на училиштето
| |
| Место | |
| Општина: | Општина Валандово |
| Наречено по: | Страшо Пинџур |
| Нас. место: | Валандово |
| Адреса: | Ул. „“ бб, Јосифово |
| Местоположба | |
|
| |
| Основни информации | |
| Основано: | 1963 |
| Директор: | Антонио Дилберов |
| Број на ученици: | 292 (2023/24) |
| Настава на: | македонски и турски |
| Контактни информации | |
| Мреж. место | ooustrasopindzur.edu.mk/ |
| Е-пошта | oustrasopindzur@yahoo.com |
| Телефон | 034/386-181 |
| Факс | 034/386-181 |
Основно училиште „Страшо Пинџур“ (официјално: Основно општинско училиште „Страшо Пинџур“ - Јосифово; скратено: ООУ „Страшо Пинџур“) — централно основно училиште во валандовското село Јосифово.[1][2]
Училиштето е именувано по македонскиот партизан Страшо Пинџур.
Историја[уреди | уреди извор]
Во 1963 година, во Јосифово било основано осумгодишното училиште. Прв директор на училиштето бил Никола Колев. При создавањето имало само четири учители, чиј број се зголемил со порастот на бројот на децата.
Во средината на осумдесеттите е изградено ново училиште, веднаш до старата зграда, со што се создадени услови за нормално изведување на наставата. Наставата се изведува на македонски јазик, а факултативно се изучува и српскиот. Од странските јазици, во ова основно училиште традиционално се изучува францускиот јазик.
Благодарение на љубовта кон францускиот јазик со која се стекнаа со помош на професорката Весна Аризанова, многу од тие некогашни ученици, денес се дипломирани филолози - професори, преведувачи и толкувачи на францускиот јазик. Освен францускиот се изучува и англискиот јазик, а како курсна настава од неодамна и италијанскиот.
Во 1998 година почна да се работи на оспособување на старата училишна зграда и проширување на наставата во истата. Најпрво, беше изградена мини-спортска сала која адекватно ги задоволи потребите за одржување на наставата по фискултура. Во наредните години беа направени библиотеката и останатите училници. Во денешни услови, училиштето претставува модерна установа во која јосифовските ученици можат да се стекнат со квалитетно основно образование.
Настава[уреди | уреди извор]
Во училиштето наставата се изведува на турски и македонски наставен јазик.[1]
Подрачни училишта[уреди | уреди извор]
Во составот на училиштето влегуваат следниве подрачни училишта:[1]
- ПУ „Страшо Пинџур“ - Удово, подрачно петгодишно училиште на македонски наставен јазик;
- ПУ „Мито Симеонов“ - Марвинци, подрачно петгодишно училиште на македонски наставен јазик;
- ПУ „Јане Сандански“ - Грчиште, подрачно деветгодишно училиште на македонски наставен јазик; и
- ПУ „29 Ноември“ - Калково, подрачно петгодишно училиште на турски наставен јазик.
Галерија[уреди | уреди извор]
-
Училиштето во 1931 година -
Помошниот објект -
Поглед на училиштето -
Влезот -
Спортското игралиште -
Поглед на училиштето -
Спортската сала -
Спомен-бистата на патронот Страшо Пинџур
Наводи[уреди | уреди извор]
Надворешни врски[уреди | уреди извор]
ОУ „Страшо Пинџур“ - Јосифово на Ризницата ?
