Нуакшот (на арапски: نواكشوط или انواكشوط [прев. "Местото на ветровите"] Nawākšūṭ) е главен и најголем град на Мавританија. Доколку не се брои Каиро и градовите северно од Атласките Планини, тој е и најголемиот сахарски град. Нуакшот е административен и економски центар.
Како резултат на брзиот развиток, градот е доста проширен, со неколку висококатници. Тој е и место на соочување на урбаните Мавританци и нивните номадски сограѓани.
Нуакшот е изграден околу голема трилиниска улица - Авенија Абд ан-Насир, која оди североисточно низ градскиот центар до аеродромот. Другите главни улици се именувани (на француски јазик) по важни мавритански личности или меѓународни личности од 1960-тите: Авенија Де Гол, Авенија Кенеди и Авенија Лумумба на пример.
Температурата во Нуакшот варира од 33 °C (92 °F) и 13 °C (56 °F), а просечното количество на дожд е 178 mm годишно.
