Прејди на содржината

Норман Ридус

Од Википедија — слободната енциклопедија
Норман Ридус
Норман Ридус во 2026 г.
Роден(а)Норман Марк Ридус
Занимањеглумец
Активен1992—
Сопружник
Деца2
Мреж. местоnormanreedusonline.com

Норман Марк Ридус[1][2] (англиски: Norman Mark Reedus; р. 6 јануари 1969 г.)[3][4] — американски глумец. Своето глумечко деби го имал во 1990-тите години, глумејќи во улогата на Марфи Макманус во Светците од Бундок, проследено со споредни улоги во успешните филмови Осум милиметри, Блејд 2 и Американски гангстер. Ридус се здобил со популарност по неговата улога на Дерил Диксон во хит-драмата на ужасите на AMC, Живи мртовци (2010 — 2022). Потоа глумел во сопствената спиноф-серија, Живи мртовци: Дерил Диксон, од 2023 година. Ридус е водител на емисијата на AMC Возење со Норман Ридус (2016—). Тој исто така го глумел главниот лик Сем Портер Бриџис во видеоигрите Death Stranding и Death Stranding 2: On the Beach.

Ридус дополнително добил улоги во телевизиските серии Закон и ред и Хаваи Фајв-О, а се занимавал и со гласовна глума, играјќи го Страјкер во анимираната серија „Хелува Бос“ . Тој исто така глумел во музички видеа за Лејди Гага, Мерилин Менсон, Кит Ричардс, Рејдиохед, R.E.M. и Орвил Пек. Работел како манекен за разни модни дизајнери, вклучувајќи ја и Прада.

Ран живот, семејство и образование

[уреди | уреди извор]

Норман Марк Ридус е роден на 6 јануари 1969 година во Холивуд, Флорида, син на Маријана (родена Јарбер), наставничка и поранешна „Плејбој зајачица“,[5] и Ира Норман Ридус.[6] Бабата на Ридус по таткова линија била од италијанско и француско потекло, додека неговиот дедо имал англиско, шкотско и ирско потекло.[6][7] Неговите родители се развеле кога бил мал.[5] Тој има сестра, Лесли.[6]

Како тинејџер, Ридус живеел во Јапонија со својата мајка.[5][8]

Кариера

[уреди | уреди извор]

Ридус работел во продавница на Харли-Дејвидсон во Венеција, Лос Анџелес, Калифорнија, и придонесувал со уметнички дела на разни изложби како сликар, фотограф, скулптор и видео уметник.[1] Првпат глумел во претстава во театарот „Тифани“ на Сансет булевар.[9]

Филм и телевизија

[уреди | уреди извор]
Ридус во 2014 година

Ридус го играл Џереми во неговото големо филмско деби „Мимик“[10] и Мек во „Црвениот кањон“ на Џовани Родригез.[11] Тој го играл Марфи Мекманус во филмот од 1999 година „Светците од Бундок“ .[12] Во 2005 година, тој глумел во едночасовната епизода „Цигарите горат“, епизода од „Мајстори на хоророт“ режирана од Џон Карпентер, во која тој бара проколнат изгубен филм за еден затворен паднат ангел. Ја повторил улогата во продолжението од 2009 година „Светците од Бундок II: Денот на сите светци“.[13] Тој го играл Скад во „Блејд 2“ , бил гостин во „Волшебнички“ како Нејт, момчето на Пејџ, глумел во „Здраво Херман“,[14] глумел во ријалити серијата „Возење со Норман Ридус“, чија премиера се одржала во јуни 2016 година.[15] Неодамна, тој основал своја продукција со целосен договор со ТВ каналот АМЦ.[16]

Во март 2024 година, било објавено дека ќе се снима трет филм од „Светците од Бундок“, каде што Ридус и неговиот колега Шон Патрик Фланери ги повторуваат своите улоги од првите два филма и служат како извршни продуценти.[17]

Живи мртовци

[уреди | уреди извор]

Во 2010 година, Ридус почнал да го игра Дерил Диксон во телевизиската серија на AMЦ „Живи мртовци“, хорор драма за група пријатели и членови на семејството кои се борат да преживеат во насилен апокалиптичен свет населен со зомби што јадат месо. Ликот првично не бил дел од истоимената серија стрипови, туку бил создаден специјално за Ридус по неговата аудиција за ликот на Мерл Диксон. Создавачот на стрипот „Живи мртовци“, Роберт Киркман, се чувствувал „апсолутно благословен што Ридус ја почестил серијата со своето присуство и со начинот на кој влегол и ја презел улогата на Дерил Диксон. Голем дел од портретирањето на ликот од страна на Ридус во првата сезона ги инспирирало сите сценаристи да го прават она што го направивме ние со него во втората сезона. Обожаваме да пишуваме за овој лик, и на крајот правиме интересни работи со него“. Драмата еволуирала во највисоко оценета во историјата на кабелската телевизија, уривајќи ги сите претходни рекорди.[18] Ридус за неговата изведба бил номиниран за наградата Сатурн за најдобар спореден глумец, и генерално добил пофалби од критиката за улогата.

Ридус ја повторил својата улога на Дерил како главен лик во спиноф серијата центрирана околу неговиот лик, по завршувањето на 11-тата и последна сезона на „Живи мртовци“. Серијата дебитирала во септември 2023 година.[19]

Модел, музички видеа и уметност

[уреди | уреди извор]

Ридус работел како модел за Прада, Јоџи Јамамото, Алесандро Дел’Аква, Дурбан, Левис, Лексус и други. Во 2015 година, Ридус позирал за реклама на Круелти Фри Интернешнл во поддршка на прекинувањето на козметичките тестови врз животни.[20]

Кон средината на 1990-ти години, додека работел како модел, Ридус се појавил во музичките видеа за песни на Кит Ричардс, Бјорк, Гу гу долс, R.E.M. и Рејдиохед. Откако се стекнал со слава како актер, тој се појавил и во видеа за „Judas“ од Лејди Гага, „Gypsy Woman“ од Хилари Даф, „Curse of the Blackened Eye“ од Орвил Пек.[21]

Ридус е исто така сликар, скулптор и фотограф кој ги изложил своите уметнички дела во галерии во Њујорк, Барселона, Берлин и Франкфурт.[11] Тој објавил книга со фотографии на 31 октомври 2013 година, насловена „Сонцето доаѓа... Како голема ќелава глава“. Во септември 2014 година, Ридус најавил компилација од фан-арт наречена „Благодарам за целата љубезност“.[22]

Видеоигри

[уреди | уреди извор]

Ридус глумел во видеоиграта Death Stranding, објавена во 2019 година, во улогата на Сем Портер Бриџис, протагонистот на играта, курир задолжен за повторно поврзување на постапокалиптичните Соединети Држави.[23][24] Ридус ја повторил оваа улога во продолжението на играта, Death Stranding 2: On the Beach, кое треба да излезе во 2025 година.

Ридус, исто така, ја повторил својата улога како Дерил Диксон во видеоиграта од 2013 година „The Walking Dead: Survival Instinct“, која е заснована на телевизиската серија.[25]

Автор

[уреди | уреди извор]

Во 2022 година, Ридус го издал својот дебитантски роман „Разурканите“.[26]

Личен живот

[уреди | уреди извор]

Ридус бил во петгодишна врска со данско-перуанската поранешен модел на „Викторија Сикрет“ и супермодел Хелена Кристенсен од 1998 до 2003 година. И покрај спротивните извештаи, двајцата никогаш не се венчале.[27][28] Заедно имаат син, кој роден во 1999 година.[29][30] Тие останале пријатели и го делат заедничкото старателство над нивниот син. Ридус е исто така сопственик на дел од синџирот ресторани „Ник енд Норманс“ со 4 локации во моментов.

Во февруари 2005 година, Ридус се здобил со повреда на главата кога камион се судрил со неговиот автомобил во Германија. Неговиот нос бил реконструиран со помош на четири завртки, а левата очна вдлабнатина со титан.[31][32]

Во 2015 година, за време на снимањето на филмот „Небо“, Ридус се запознал со германската глумица Дајана Кругер;[33] двајцата за првпат биле видени заедно како пар во јули 2016 година.[34] Во ноември 2018 година, Кругер ја родила нивната ќерка, Нова, негово второ и нејзино прво дете.[35][36]

Ридус живее во Њујорк од 1997 година.[37][38]

Наводи

[уреди | уреди извор]
  1. 1 2 Lucia Bozzola (2015). „Norman Reedus“. The New York Times. Архивирано од изворникот на April 3, 2015. Посетено на May 14, 2015.
  2. ↑ „Norman Reedus, Daryl Dixon, 'The Walking Dead,' Coming to Sacramento & Chicago!“. Wizard Entertainment. Архивирано од изворникот на May 12, 2015. Посетено на May 14, 2015.
  3. ↑ „UPI Almanac for Sunday, Jan. 6, 2019“. United Press International. January 6, 2019. Архивирано од изворникот на September 11, 2019. Посетено на September 10, 2019. actor Norman Reedus in 1969 (age 50)
  4. ↑ Saunders, Jeraldine (January 6, 2017). „Friday January 6, 2017 for 01/06/17“. Chicago Tribune. Посетено на July 26, 2018.
  5. 1 2 3 Santilli, Morgana (March 28, 2019). „The Untold Truth Of Norman Reedus“. Looper.com.
  6. 1 2 3 Wiese, Jason (2019-05-28). „Everything Fans Should Know About Norman Reedus And His Family“. cinemablend.com (англиски). Посетено на 2025-01-22.
  7. ↑ „Cracefissa 'Hellen' Butera“. geni.com.
  8. ↑ Ehrlich, Dimitri (August 2021). „True Grit“. thepuristonline.com. Посетено на March 18, 2025.
  9. ↑ „Biography: Norman Reedus“. TV Guide. Посетено на May 25, 2015.
  10. ↑ „Norman Reedus“. IMDb. Посетено на March 10, 2016.
  11. 1 2 „Norman Reedus web page“. Norman Reedus Online. Архивирано од изворникот на June 27, 2009. Посетено на November 5, 2009.
  12. ↑ „Who did Norman Reedus Beat out for his Role in "Boondock Saints"?“. soundcloud.com. Посетено на October 7, 2016.
  13. ↑ „Boondock Saints Interview: Norman Reedus & Sean P. Flanery – ACED Magazine“. ACED Magazine. January 5, 2012. Посетено на October 7, 2016.
  14. ↑ „Cast and Crew“. Hello Herman The Movie. Архивирано од изворникот на April 28, 2015. Посетено на May 25, 2015.
  15. ↑ Andreeva, Nellie (October 29, 2015). „AMC Orders Norman Reedus Biker Reality Series In Rare Unscripted Pickup“ (англиски). Deadline. Посетено на March 10, 2016.
  16. ↑ Patten, Dominic (September 15, 2020). „'Walking Dead's Norman Reedus Inks First-Look Deal With AMC Studios; Launches Bigbaldhead Productions + Publishing Unit“. Deadline (англиски). Посетено на September 16, 2020.
  17. ↑ Fleming, Mike Jr (21 March 2024). „'The Boondock Saints' Are Back; Norman Reedus, Sean Patrick Flanery Return As Boston Vigilantes As Thunder Road & Dragonfly Films Take Reins“. Deadline Hollywood. Посетено на 21 March 2024.
  18. ↑ Bibel, Sara (October 13, 2014). „'The Walking Dead' Season 5 Premiere Hits Series High Ratings, Delivering 11 Million Adults 18–49 & 17.3 Million Viewers“. TV by the Numbers. Архивирано од изворникот на April 19, 2015. Посетено на May 25, 2015.
  19. ↑ Patten, Dominic (September 9, 2020). „'Walking Dead' To End After Super-Sized 11th Season; Norman Reedus & Melissa McBride Spinoff Set For 2023“. Deadline Hollywood. Посетено на September 9, 2020.
  20. ↑ „The Walking Dead star Norman Reedus joins Cruelty Free International call for global ban on animal tests for cosmetics“ (Press release). Cruelty Free International. May 8, 2013. Архивирано од изворникот на May 3, 2015. Посетено на May 25, 2015.
  21. ↑ „Norman Reedus: 13 Things You Might Not Know About The 'Walking Dead's' Daryl Dixon“. Fashion & Style. February 27, 2015. Архивирано од изворникот на 2015-02-28. Посетено на April 23, 2016.
  22. ↑ Ayers, Mike (September 15, 2014). „'Walking Dead' Star Norman Reedus Publishing Daryl Dixon Fan Art Book“. Speakeasy. The Wall Street Journal. Посетено на May 25, 2015.
  23. ↑ „Kojima Reveals New PS4 Project, Death Stranding“. GameSpot. Посетено на June 14, 2016.
  24. ↑ Bull, David (May 29, 2019). „Death Stranding release date confirmed, special editions revealed“. PlayStation.Blog. Sony Interactive Entertainment. Посетено на 22 December 2023.
  25. ↑ „The Walking Dead Survival Instinct review: Dead game walking“. CVG. Посетено на December 7, 2014.
  26. ↑ Caruso, Skyler (May 12, 2022). „Norman Reedus on How Pink Floyd Inspired His 'Love of Storytelling' and His New Novel The Ravaged“. People.com. Посетено на October 21, 2024.
  27. ↑ „Christensen Claims Marriage Was A Sham“. Female First. August 4, 2007. Архивирано од изворникот на 2015-06-25. Посетено на May 25, 2015.
  28. ↑ Lisaz (August 3, 2007). „Christensen Claims Marriage Was a Sham“. San Francisco Chronicle. Посетено на May 25, 2015.
  29. ↑ „Helena Christensen: profile“. Hello!. October 8, 2009. Посетено на May 25, 2015.
  30. ↑ Ntuen, Koko (May 25, 2015). „Interview with Norman Reedus“. LadyGunn. Посетено на May 25, 2015.
  31. ↑ Jayson, Jay (January 29, 2016). „The Walking Dead's Norman Reedus Talks About His Near Death Car Accident“. comicbook.com.
  32. ↑ Richardson, Jancy (December 15, 2015). „'My Whole Head Was Like Hamburger': Norman Reedus Nearly Died & Most Fans Never Knew“. moviepilot.com. Архивирано од изворникот на 2017-12-09. Посетено на 2025-06-23.
  33. ↑ Stone, Natalie (June 6, 2018). „Norman Reedus and ex Helena Christensen Reunite at Son's High School Graduation“. ew.com. Архивирано од изворникот на 2019-08-29. Посетено на 2025-06-23.
  34. ↑ Merriman, Rebecca (July 20, 2016). „Was Diane Kruger at Tuscan villa party with rumoured fling Norman Reedus weeks before Joshua Jackson split?“. Mirror.
  35. ↑ Juneau, Jen (November 2, 2018). „Baby Love! Diane Kruger and Norman Reedus Welcome Their First Child Together“. PEOPLE.com (англиски). Посетено на January 11, 2019.
  36. ↑ Heller, Corinne (December 24, 2018). „Norman Reedus Shares First Photo of His and Diane Kruger's Baby Girl“. E! Online. Посетено на January 11, 2019.
  37. ↑ „Interview: The Walking Dead star Norman Reedus“. Time Out New York (англиски). 2013-10-07. Посетено на 2023-09-25.
  38. ↑ „Norman Reedus' Lookalike Son Is a Total Chess Whiz -- See the Father-Son Moment on 'RIDE' (Exclusive)“. Entertainment Tonight (англиски). Посетено на 2023-09-25.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Норман_Ридус&oldid=5567872“