Нордхаузен

Од Википедија — слободната енциклопедија
Прејди на прегледникот Прејди на пребарувањето
Нордхаузен
Скулптура на Роланд во Нордхаузен
Скулптура на Роланд во Нордхаузен
Знаме на Нордхаузен
Грб на Нордхаузен
Нордхаузен се наоѓа во Германија
Нордхаузен
Управа
Земја Германија
Покраина Тирингија
Округ Нордхаузен
Градски единици 12
Градоначалник Клаус Цех (CDU)
Основни податоци
Површина 105,27 км2
Надм. височина 185 м
Население 42.129 (31 декември 2016)[1]
 - Густина 400 жит/км2
Други информации
Часовен појас CET/CEST (UTC+1/+2)
Рег. табл. NDH
Пошт. бр. 99734
Повик. бр. 03631
Портал www.nordhausen.de
Местоположбата на градот Нордхаузен во рамките на округот Нордхаузен
Карта
Координати 51°30′18″ СГШ 10°47′28″ ИГД / 

Нордхаузен (германски: Nordhausen) е град на јужните падини на планините Харц, во сојузната покраина Тирингија, Германија. Градот е административен центар на истоимениот округ. Некогаш бил познат по неговата тутунска индустрија и сè уште е познат по неговиот дестилиран пијалак Nordhäuser Doppelkorn.

Историја[уреди | уреди извор]

Царски град Нордхаузен
Reichstadt Nordhausen
Град
Coat of arms of Saxony.svg
1220–1802
Нордхаузен во 17 век
Главен град Нордхаузен
Уредување Република
Историски период Доцен среден век
 -  Основана населба 650-700
 -  Царска слобода 27 јули 1220
 -  Потврдена
    царска слобода

1290
 -  Изградба на нов град 14 февруари 1375
 -  Приклучување во Ханза
1430
 -  Реформација 1523
 -  Отстапен на Прусија 1802
 -  Отстапен на Вестфалија 1807–13
Денес во  Германија

Градот е прв пат споменат на 13 мај 927 во документ на кралот Хајнрих Птичарот, но постоела и друга населба на истото место околу 650-700. Во 1220, императорот Фридрих II го прогласил за слободен царски град, а во 1430 Нордхаузен се приклучил на Ханза. Во 1500 станал дел од Долносаксонскиот круг и од истата година градот започнал да произведува ферментиран пијалак од жито, кој станал познат под името Nordhäuser Doppelkorn. Во 1523 Томас Минцер поминал некое време во градот, кога пристигнала и Реформацијата.

Главната железничка станица.
Железничка станица во Нордхаузен на железницата со тесен колосек Харц.
Катедралата на Светиот Крст.

По Вестфалскиот мир во 1648, голем дел од околината на Нордхаузен станал дел од Бранденбург-Прусија, иако самиот град останал независен. Во текот на Наполеонските војни, пруските трупи го окупирале Нордхаузен на 2 август 1802; градот го загубил својот статус како слободен царски град во текот на германската медијатизација. Станал дел од Кралството Вестфалија создадено во 1807. По поразот на Наполеон Бонапарт, Нордхаузен бил вклучен во покраината Саксонија на Кралството Прусија создадено во 1816. Нордхаузен бил урбан округ од 1882-1950.

Во 1866 била отворена железничка станица во Нордхаузен на железничката линија Хале-Касел од Хале.

Концентрациониот камп Мителбау-Дора бил сместен во близина на градот во текот на Втората светска војна со цел обезбедување работна сила за фабриката за ракети „Мителверк“ во Конштајн. На 3 и 4 април 1945, три четвртини од градот биле уништени во бомбардирањето на Кралските воздушни сили, при што загинале 8.800 луѓе, вклучувајќи 1.500 болни затвореници во касарните Белке во Нордхаузен.[2] Претходно на 24 август 1944, 11 бомбардери Б-17 го бомбардирале аеродромот во Нордхаузен како воена цел.[3] На 11 април 1945, Американците го окупирале градот, а на 2 јули го преземала Црвената армија. На 18 јули, советската администрација го основала Институтот Рабе за развој на советска ракетна технологија на основа на посовремените ракети Фау 2. Во мај 1946, Институтот бил приклучен во новиот институт Нордхаузен. На 22 октомври 1946, како дел од акцијата Осаваким во која биле депортирани околу 10-15.000 германски научници и инженери и нивните семејства, биле вклучени и 300 жители од Нордхаузен.[4] Многу од депортираните останале во Советскиот Сојуз до раните 1950-ти.

Нордхаузен бил дел од Источна Германија од 1949-1990 и бил администриран од Округот Ерфурт. По повторното обединување на Германија во 1990, Нордхаузен станал дел од повторно создадената покраина Тирингија. Неговиот средновековен центар бил повторно изграден. На 1 декември 2007, поранешните општини Петерсдорф, Родисхајн и Штемпеда биле припоени кон Нордхаузен.

Сообраќај[уреди | уреди извор]

Од јули 1897, Нордхаузен Норд е јужната крајна точка на железницата со тесен колосек Харц. Врската до важната обична железница Хале-Касел била воспоставена во 1866. Трамвајската мрежа во Нордхаузен е важен дел од јавниот превоз во градот.

Образование[уреди | уреди извор]

Нордхаузен има Универзитет за применети науки (Fachhochschule), кој нуди додипломски и постдипломски студии за бизнис-администрација, јавен менаџмент и бизнис-инженеринг.[5]

Главни знаменитости[уреди | уреди извор]

  • Скулптура на Роланд од 17 век, на надворешниот ѕид на Градското собрание. Се смета за симбол на градот.
  • Катедралата на Светиот Крст (Dom „Zum Heiligen Kreuz“). Првично постоела како црква од средината на 10 век. Во 1220, црквата била претворена во катедрала. Градбата има доцноготски наос, додека кулите, криптата и конаците во романски стил.
  • Црква Фрауенбергер (Frauenberger Kirche; „St. Maria auf dem Berg“), романска црква.
  • Кула Св. Петар (Petriturm), зачувана кула од црква од 14 век, уништена во 1945.
  • Уметничка галерија Мајенбург (Kunsthaus Meyenburg), градба од 20 век во Југендстил, во која се наоѓа мал музеј за современа уметност.
  • Театарот, изграден во 1917.

Збратимени градови[уреди | уреди извор]

Нордхаузен е збратимен со:

Наводи[уреди | уреди извор]

Надворешни врски[уреди | уреди извор]