Норботен

Норботен
*Norrbotten*
Норботен; Norrbotten
	Знаме
	Знаме
Земја	Шведска
Крај	Норланд
Округ	Норботен
Површина
• Земјишна	26,671 км2 (10,298 ми2)
Население (2009)
• Вкупно	192,542
Народ
• Наречје	норландски
Култура
• Двет	арктичка малина
• Животно	сибирска сојка
• Птица	—
• Риба	мала белица
Час. појас	CET (UTC+1)
• Лето (ЛСВ)	CEST (UTC+2)

Норботен (шведски: Norrbotten = „Северна Ботнија“) — покраина (landskap) во најсеверниот дел на Шведска. Се граничи со Вестерботен на југ, Лапонија на запад и Финска на исток.

Управа

Традиционалните покраини во Шведска немаат административна и политичка улога, туку претставуваат само културно-историски целини. Меѓутоа во овој случај округот е постар од покраината. Со создавањето на Големото Кнежевство Финска како дел од Русија, се јавило потреба од формирање на нов округ. Така, во 1810 е создаден округот Норботен, сочинет од северните делови на Лапонија и Вестерботен. Со текот на времето северен Вестерботен прераснал во посебна покраина.

Историја

Во средниот век Норботен се сметал за „ничија земја“ поради големите пространства и слабата населеност (релативно мал број на Лапонци, Квени и племенски народи сродни на Финците). Шведските кралеви правеле напори да ја колонизираат и христијанизираат областа, но ова потрајало доста долго време. Дури и денес локалните малцинства ја имаат задржано својата култура и обичаи.

Историски, под „северна Шведска“ се подразбирале покраините Вестерботен и Лапонија.

Грбот ги симболизира четирите големи реки во Норботен што се Одлеваат во Ботнискиот Залив: Турне, Каликс, Луле и Пите.

Летата се необично топли за една ваква северна област, дотолку што во покраината е забележана највисоката температура во целиот Норланд (+37 °C).

Население

Норботен има 192.542 жители^[1] кои живеат на површина од 26.671 км², што значи густината изнесува 7,2 жители на [[км²]].

Култура

Покраината има над 8.000 археолошки наоѓалишта. Се говорат повеќе јазици: шведски, мејанкиели, фински и лапонски. Некои говорници на мејанкиели постепено почнале да сметаат дека припаѓаат на народот Квени, кои се доселиле во подрачјето многу порано од шведските доселеници.

Црковното село Гамелстад близу Лулео е прогласено за светско наследство на УНЕСКО.