Нов Чеган
Нов Чеган Νέος Άγιος Αθανάσιος | |
---|---|
Координати: 40°49.96′N 21°47.78′E / 40.83267° СГШ; 21.79633° ИГДКоординати: 40°49.96′N 21°47.78′E / 40.83267° СГШ; 21.79633° ИГД | |
Земја | Грција |
Област | Централна Македонија |
Округ | Постол |
Општина | Воден |
Општ. единица | Островско Езеро |
Надм. вис. | 706 м |
Население (2011)[1] | |
• Вкупно | 451 |
Часовен појас | EET (UTC+2) |
• Лете (ЛСВ) | EEST (UTC+3) |
Нов Чеган (грчки: Νέος Άγιος Αθανάσιος, Неос Агиос Атанасиос) — новоизградено село во Воденско, Егејска Македонија, денес во општината Воден на Постолскиот округ во Централна Македонија, Грција. Населението е македонско, преселено од старото село Чеган.[2]
Географија и местоположба[уреди | уреди извор]
Селото е сместено 4 км источно од Чеган и 8 км северозападно од Острово.[2] Лежи на надморска височина од 706 м.
Историја[уреди | уреди извор]
Населбата е подигната во 1980-тите, според властите, поради наводната „геолошката нестабилност“ на старото село и населението на Чеган во голема мера е преселено во него.[2]
Старото село Чеган значително настрадало Втората светска и Граѓанската војна, во кои многу жители загинале како активни борци во борбата против постоечкиот режим.[3] Бројни семејства биле принудени да се иселат во Р. Македонија и источноевропските земји, а самото село останало напуштено.[3] Жителите биле преселени нешто пониско, во новосоздадениот Нов Чеган. По нормализацијата на состојбите, дел од жителите се вратиле и го обновиле Чеган,[3] но населението веќе било значајно намалено и понатаму опаѓало, за што сведочи фактот што денес тоа има само 67 жители. Присилното иселување на селаните се смета за политичко-стратешка одлука, со цел да се олесни нивната асимилација поради блискоста на новото место со сообраќајниците, наместо понуденото официјално образложение.
Население[уреди | уреди извор]
Како нова населба, Нов Чеган за првпат се јавува во пописот од 1991 г.[2]
Година | 1991 | 2001 | 2011 |
---|---|---|---|
Население | 342 | 460 | 451 |
Самоуправа и политика[уреди | уреди извор]
Селото припаѓа на општинската единица Островско Езеро со седиште во Острово, која припаѓа на поголемата општина Воден, во округот Постол. Воедно, селото е дел од општинскиот оддел Чеган, каде спаѓа и селото Чеган.
Поврзано[уреди | уреди извор]
- Чеган
- Бегна — поранешно село на дел од чеганското население
- Чеганска офанзива
- Чеган Планина
Наводи[уреди | уреди извор]
- ↑ „Попис на населението од 2011 г. Трајно население“. Државен завод за статистика на Грција.
- ↑ 2,0 2,1 2,2 2,3 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 52.
- ↑ 3,0 3,1 3,2 Симовски, стр. 59-60
|