Ново Скилич

Од Википедија — слободната енциклопедија
Прејди на прегледникот Прејди на пребарувањето
Ново Скилич
Καλοχώρι
Ново Скилич is located in Грција
Ново Скилич
Ново Скилич
Местоположба во областа
Ново Скилич is located in Гида (општина)
Ново Скилич
Местоположба на Ново Скилич во општината Гида и областа Централна Македонија
Координати: 40°36′N 22°22′E / 40.600° N; 22.367° E / 40.600; 22.367Координати: 40°36′N 22°22′E / 40.600° N; 22.367° E / 40.600; 22.367
ЗемјаГрција
ОбластЦентрална Македонија
ОкругИматија
ОпштинаГида
Општ. единицаАнтигониди
Надм. вис.&1000000000000002000000020 м
Население (2011)[1]
 • Вкупно232
Часовен појасEET (UTC+2)
 • Лете (DST)EEST (UTC+3)

Ново Скилич (грчки: Καλοχώρι, Калохори; до 1970 година: Нео Скилици, Ново Скилици) — новосоздадено село во Берско, Егејска Македонија, дел од денешната Општина Гида, во Централна Македонија, Грција.

Географија и местоположба[уреди | уреди извор]

Селото се наоѓа на осум километри западно од градот Гида, крај самиот главен пат од Гида за градот Бер, на надморска височина од 20 метри.[2]

Сместено е во областа Урумлак.

Историја[уреди | уреди извор]

Селото претставува потполно нова бегалска населба подигната по 1928 година, во која биле сместени бегалски семејства. Првпат е забележено со пописот во 1940 година.[2] Во 1928 година биле сместени 25 бегалски семејства со вкупно 95 жители.[3].

По основањето на селото Ново Скилич, старото село Скилич започнало да се нарекува Старо Скилич. Во 1970 година, Ново Скилич е преименувано во Калохори (Καλοχώρι).[4]

Стопанство[уреди | уреди извор]

Како и во другите села во ова подрачје, и во Ново Скилич се произведува памук, шеќерна репка и пченица.[2]

Голем дел од обработливите површини се добиени по извршните мелиорации во околината, а дел од нивите и се наводнуваат.

Население[уреди | уреди извор]

Александар Синве („Les Grecs de l’Empire Ottoman. Etude Statistique et Ethnographique“) во 1878 година напишал дека во селото Скилици (Skilitzi), Камбанијска епархија, живееле 96 Грци.[5] Според Васил К’нчов („Македонија. Етнографија и статистика“) во 1900 година во Скилич (Шкиличи), Берска каза, живееле 80 Грци христијани.[6] По податоци на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година навел дека во Скилич Шкиличи (Skilitch Chkilitchi) живееле 75 Грци.[7]

Првпат селото е споменато со пописот од 1940 година, кога биле забележани 271 жител. Во 1951 година биле попишани 294, во 1961 година 353, во 1971 година 296, во 1981 година 321, а во 1991 година 283 жители.[2]

Во пописот спроведен во 2001 година, селото било попишано со 242 жители. Во најновиот спроведен попис од 2011 година во Грција, селото било забележано со 232 жители.

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 271 294 353 296 321 283 242 232
Извор за 1940-1991 г.: Т. Симовски, Населените места во Егејска Македонија

Самоуправа и политика[уреди | уреди извор]

Селото припаѓа на општинската единица Антигониди со седиште во селото Кавашла, која припаѓа на поголемата општина Гида, во округот Иматија. Воедно, селото е дел од општинскиот оддел Пископи, во кој покрај селото Ново Скилич се наоѓа и селото Пископи.

Наводи[уреди | уреди извор]

  1. „Попис на населението од 2011 г. Трајно население“. Државен завод за статистика на Грција.
  2. 2,0 2,1 2,2 2,3 Симовски, Тодор (1998). „Берски округ“. Населените места во Егејска Македонија : географски, етнички и стопански карактеристики. I. Скопје: Институт за национална историја. стр. 22.
  3. Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928
  4. Μετονομασίες των Οικισμών της Ελλάδας. Νέον Σκυλίτσιον -- Καλοχώριον
  5. Synvet, A. Les Grecs de l'Empire ottoman: Etude statistique et ethnographique, Constantinople, 1878, р. 37.
  6. К’нчов, Васил. Македонија. Етнографија и статистика, Софија, 1900, стр. 143.
  7. Brancoff, D.M. La Macédoine et sa Population Chrétienne, Paris, 1905, рр. 222 - 223.