Ново Русилово

Од Википедија — слободната енциклопедија
Прејди на прегледникот Прејди на пребарувањето
Ново Русилово
Άρνισσα
Црквата „Св. Илија“ во Ново Русилово
Црквата „Св. Илија“ во Ново Русилово
Ново Русилово се наоѓа во Грција
Ново Русилово
Координати: 40°49′ СГШ 21°50′ ИГД / 
Земја Грција
Област Централна Македонија
Округ Постол
Општина Воден
Општ. единица Островско Езеро
Надм. вис. 570 м
Население (2011)[1]
 • Вкупно 90
Часовен појас EET (UTC+2)
 • Лете (DST) EEST (UTC+3)

Ново Русилово (грчки: Νέα Ξανθόγεια, Неја Ксантогија) — новоизградено село во Воденско, Егејска Македонија, денес во општината Воден на Постолскиот округ во Централна Македонија, Грција. Населението е македонско, преселено од старото село Русилово.[2]

Географија и местоположба[уреди | уреди извор]

Селото се наоѓа 2-3 км северно од старото Русилово и 4 км североисточно од Острово.[2] Лежи на надморска височина од 570 м.

Историја[уреди | уреди извор]

Селото Русилово (Старо Русилово) настрадало во Граѓанската војна, поради што неколку семејства и поединци морале да се преселат во Р. Македонија.[3] По војната започнало иселување во Воден.[4] Во 1950-те жителите постепено почнале да го основаат Ново Русилово на 2-3 км од старото и да го напуштаат дотогашното село.

Старото село е напуштено во 1980-тите, а населението е преселено во денешното, поради поповолната местоположба (крај патот од Воден за Суровичево и Лерин)

Население[уреди | уреди извор]

Како нова населба, Ново Русилово за првпат се јавува во пописот од 1991 г.[2]

Година 1991 2001 2011
Население 150 114 90

Самоуправа и политика[уреди | уреди извор]

Селото припаѓа на општинската единица Островско Езеро со седиште во Острово, која припаѓа на поголемата општина Воден, во округот Постол. Воедно, селото е дел од општинскиот оддел Острово, каде спаѓаат и гратчето Острово и селата Друшка, Кадрево и Русилово.

Наводи[уреди | уреди извор]

  1. „Попис на населението од 2011 г. Трајно население“. Државен завод за статистика на Грција. http://www.statistics.gr/documents/20181/1210503/resident_population_census2011rev.xls. 
  2. 2,0 2,1 2,2 Симовски, Тодор (1998). Населените места во Егејска Македонија : географски, етнички и стопански карактеристики. I. Скопје: Институт за национална историја. стр. 53. 
  3. Симовски, стр. 57
  4. Симовски, Тодор. Населените места во Егејска Македонија, Скопје 1998.