Нобелово ледено јајце (Фабержеово јајце)

Нобелово ледено јајце
Година на изработка	1914
Нарачател	Емануел Нобел
Примател	подарок на другар
Моментален сопственик
Индивидуална или; институционална	Музеј на природние науки, Хјустон
Дизајн и материјали
Мастер	Алма Пил
Употребен материјал	платина, емајл, брилијанти, бисери
Висина	7cm
Изненадување	Часовник приврзок

Нобеловото ледено јајце наречено или познато и како Снежно јајце — скапоцено Фабержеово јајце, создадено под надзор на рускиот златар и јувелир Петар Карл Фаберже за шведско–рускиот нафтен индустријалец и барон Емануел Нобел, изработено околу 1913 и 1914 година. За разлика од многуте јајца создадени во работилницата на Фаберже, ова јајце не се вбројува во „царските“ јајца и тоа не го поклонил рускиот цар^[1].

Опис

Навидум, изгледот на јајцето е едноставен, без нагласени украси и детали, со што е постигната своевидна елементарна и убедлива елеганција. Изработено е од платина со уникатни емајлирани детали во кои има избалансирана комбинација на сребрени примеси и бел и проsирен емајл. Ваквата комбинација на различните материјали создава впечаток на замрзнати површини, коишто треперливо ја прекршуваат светлината. Како додаток кон зимската ликовна поетика, на рабовите и отворите постаевени се и бели бисери.

Изненадување

Во внатрешноста на јајцето е поставен часовник–приврзок, сличен на снегулка. Изработен е од платина, горски кристали и дијаманти со висина од 6 сантиметри^[2].

Историја

Историјата за изработката на ова јувелирно јајце ја забележал уште во времето на неговата изработка, главниот мајстор во работилницата на Фаберже – Франц Бирбаум. Тој забележал во своите сеќавања дека Емануел Нобел, кој бил опседнат со подарување на скапоцени подароци, лично ја надгледувал изработката на ова јајце, вклучувајќи се и со некои совети и дизајнерски предлози. Ова јајце се смета за една од неговите позначајни порачки.

За време на Октомвриската револуција, јајцето било продадено на парискиот дилер на уметнички предмети А. А. Анара, кој пак, подоцна му го продал на Жак Золотницки од Париз. Потоа било продадено на анонимен северноамерикански колекционер^[3].

На аукцијата на „Кристи“, во Женева, во 1994 година, јајцето било продадено за 220 000 долари.

Сопственост

Сегашни сопственици на јајцето се Арти и Дороти Мекферин од Хјустон - Соединети Американски Држави. Јајцето е позајмено и се наоѓа во Музејот на природните науки во Хјустон^[4].

Наводи

↑ Nobel Ice Egg
↑ NOBEL ICE EGG FABERGE 1914
↑ „1914 Nobel Ice Egg“. Архивирано од изворникот на 2019-04-27. Посетено на 2019-04-27.
↑ Houston collectors put sensational Faberge

Надворешни врски

[1] Nobel Ice Egg

[2] NOBEL ICE EGG FABERGE 1914

[3] „1914 Nobel Ice Egg“. Архивирано од изворникот на 2019-04-27. Посетено на 2019-04-27.

[4] Houston collectors put sensational Faberge

[1]

[2]

[3]

[4]