Нитокрис

Од Википедија — слободната енциклопедија
Прејди на прегледникот Прејди на пребарувањето
Нитокрис
Нитокрет
Фараон на Египет
ПретходникМеренре Немтиемсаф II
НаследникНеферкара I ако се поистоветува со Неитикерти Сиптах
СопружнициСпоред легендите: Меренре Немтиемсаф II
n
t Z5
iX7
r
t
Z4
G7
Нитокрис во хиероглифи

Нитокрис (грчки: Νίτωκρις) се тврди дека била последниот фараон од Шестата египетска династија. Нејзиното име се наоѓа во „Историите“ на Херодот и во списите на Мането, но нејзиното историско постоење е сомнително. Ако таа всушност била историска личност, тогаш можеби била кралица регент, сестра на Меренре Немтиемсаф II и ќерка на Пепи II и кралицата Неит. Алтернативно, египетологот и филолог Ким Рихолт тврди дека Нитокрис е легендарен, но потекнува од историскиот машки фараон Неитикерти Сиптах, кој го наследил Меренре Немтиемсаф II на преминот помеѓу Старото Кралство и Првиот среден период.

Старогрчки записи[уреди | уреди извор]

Според Херодот (Истории ii-100), таа ги поканила убијците на нејзиниот брат, „кралот на Египет“, на банкет, а потоа ги убила преплавувајќи ја запечатената просторија со вода од реката Нил.

Потоа, за да ги избегне другите заговорници, таа извршила самоубиство. Мането тврди дека ја изградила „третата пирамида“ во Гиза, што според денешните историчари и археолози му се припишува на фараонот Менкауре од Четвртата династија.

Египетски записи[уреди | уреди извор]

Меѓутоа, Нитокрис не се споменува во ниту еденегипетски натпис, и таа веројатно не постоела. Долго време се тврдело дека Нитокрис се појавува на фрагмент од Торинскиот кралски список, датиран од времето на Деветнаесеттата династија, под египетското име Нитикрети (nt-ỉqrtỉ). Се сметало дека фрагментот каде се појавува ова име припаѓа на делот од Шестата династија, со што се чини дека ги потврдува и Херодот и Мането. Сепак, микроскопската анализа на Торинскиот кралски список сугерира дека фрагментот бил погрешно поставен во составувањето на фрагментарниот текст и дека името Нитикрети е всушност погрешна транскрипција на јасно машкиот крал Нетјеркаре Сиптах I,[1][2] кој е именуван на Кралскиот список од Абидос како наследник на кралот на Шестата династија Немтиемсаф II. На Кралскиот список од Абидос, Нетјеркаре Сиптах е ставен на местото што Неитикрети Сиптах го има на Торинскиот кралски список.

Литература[уреди | уреди извор]

  • Newberry, Percy Edward. 1943. "Queen Nitocris of the Sixth Dynasty". Journal of Egyptian Archæology 29:51–54.
  • Zivie-Coche, Christiane M. 1972. "Nitocris, Rhodopis et la troisième pyramide de Giza". Bulletin de l’Institut français d’archéologie orientale 72:115–138. PDF

Наводи[уреди | уреди извор]

  1. Ryholt, Kim. "The Late Old Kingdom in the Turin King-list and the Identity of Nitocris", Zeitschrift für ägyptische, 127, 2000. p.91
  2. Lloyd, Alan B. (2010). A Companion to Ancient Egypt. Wiley-Blackwell. ISBN 978-1-4443-2006-0.

Надворешни врски[уреди | уреди извор]