Нимбостратус (латински: nimbus — дождовит и stratus — слој) или слоевитодождовен облак – вид повеќеслојни, сиви, често темни, аморфни, скоро униформни облаци кои вообичаено даваат постојани врнежи од дожд, снег или шушлек.[1][2][3] Се нарекуваат и дождовнослојни. Се создаваат при мешање на воздушни фронтови. Се состојат од темносини слоеви заситени со водени капки и се со аморфен облик. Достигнуваат големи вертикални размери, дури и до 5.500 метри, а во хоризонтала може да се простираат и на потез од по неколку илјади километри. Се развиваат на висина од 100—3.000 метри.
