Никола Беровски

Од Википедија — слободната енциклопедија
Прејди на прегледникот Прејди на пребарувањето
Никола Беровски
Nikola-berovski.jpg
Роден 21 ноември 1923
Битола, Кралство СХС
Починал 1993
Тирана, Албанија

Никола Беровски (21 ноември 1923 во Битола - Тирана, 1993) — македонски просветител и преведувач, кој целиот работен век го минал меѓу Македонците во Албанија.[1]

Во 1946 година, со група македонски учители заминал во Албанија како просветен работник во селата од Мала Преспа. Познат во македонската јавност како „учителот од Пустец“. Беровски долги години работел како учител во селата на Долна Преспа, во Корча и Тирана. Останал да живее во Албанија, каде што развил богата учебникарска дејност, преведувајќи од албански на македонски јазик, повеќе учебници. Негово капитално дело е македонско-албанскиот и албанско-македонскиот речник. Има големи заслуги како автор на бројни учебници на македонски јазик за Македонците во Албанија. Уште за време на животот станал легендарен заштитник на македонскиот национален идентитет.

Една од организациите на Македонците во Албанија го носи името Фондација „Никола Беровски“.[2]

Во 2013 година, Албанија го препечатила неговиот речник во тираж од 500 примероци, во чест на 90-годишнината од неговото раѓање.[3][4][5] Во чест на овој настан активистот Никола Фоте, ги истакнал имињата на сите дејци кои работеле заедно со Никола Беровски во деветте села од Преспа. Тоа биле учителите Пере, Никол, Ѓорѓи и други, учителот Борис Малески, Кристо Тане, Гуре Дума, како и генерациите кои со грижа на Никола Беровски се подготвувале и ја продолжиле наставата на македонски мајчин јазик.[6]

Награди[уреди | уреди извор]

Добитник е на високото признание на Република Македонија „Климентова награда“, за 1991 година.

Наводи[уреди | уреди извор]

  1. Личности од Македонија. Скопје: МИ-АН. 2002. стр. 41. ISBN 9989-613-28-1. На |first= му недостасува |last= (help)
  2. Илинден, Весник (2018-02-24). „Никола Беровски (Битола 1923 - Тирана 1993) — македонски просветител кој целиот работен век го минал меѓу Македонците во Албанија“. Македонски весник Илинден -.
  3. „Препечатен Македонско-албанскиот речник на Никола Беровски“. kanal5.com.mk.
  4. „Во Корча се одбележа 90-годишнината од раѓањето на Никола Беровски“. МКД.мк.
  5. Катин, Славе. „ЛИЧНОСТИ ОД ПРЕСПА: НИКОЛА БЕРОВСКИ– НАЦИОНАЛЕН ДЕЕЦ И ДОЖИВОТЕН УЧИТЕЛ НА МАКЕДОНЦИТЕ ВО МАЛА ПРЕСПА (3) | Makedonsko Sonce“ (англиски).
  6. „ДЕВЕДЕСЕТ ГОДИНИ ОД РАЃАЊЕТО НА НИКОЛА БЕРОВСКИ (1923-1993)“. makedonium.net.