Ники Зимлинг

Од Википедија — слободната енциклопедија
Прејди на прегледникот Прејди на пребарувањето
Ники Зимлинг
Niki Zimling
Niki Zimling.jpg
Лични податоци
Роден на 8 мај 1981 (1981-05-08) (38 г.)
Роден во Тарнби, Данска
Висина &100000000000001750000001,75 м
Позиција среден ред
Клупски податоци
Сегашен клуб Мајнц
Број 7
Младинска кариера
КБ
Кариера*
Години Клуб Наст. (Гол.)
2003–2005 Брондби 17 (1)
2005-2009 Есбјерг 81 (16)
2009-2011 Удинезе 5 (0)
2010-2011Н.Е.Ц. (позајмен) 26 (4)
2011-2013 Клуб Брухе 36 (1)
2013- Мајнц 05 4 (1)
Репрезентација
2008- Данска 15 (0)
  • Сениорските учества и голови се сметаат само за домашни натпревари
податоците се од 6 јануари 2011.

† Учества (Голови).

‡ Учествата и головите за репрезентација се според податок од 17 ноември 2010

Ники Диге Зимлинг (роден на 19 април, 1985) е дански професионален фудбалер, кој во моментов игра како играч од средниот ред за Мајнц 05 во Бундеслигата. Тој бил прогласен за дански талент на годината во категоријата за играчи под 21-на година во 2006. Тој ја претставувал својата репрезентација во сите старосни категории до 16, до 17, до 19, до 20, до 21-на година како и на сениорско ниво. Досега одиграл 15 натпревари за А-селекцијата на Данска.

Кариера[уреди | уреди извор]

Клубска кариера[уреди | уреди извор]

Кариера во Данска[уреди | уреди извор]

Како младинец Зимлинг играл за АБ 70, Тарнби, Фремад Амагер и КБ пред да премине во младинските редови на Брондби. Во јануари 2003 тој бил вклучен во првиот тим на Брондби за вториот дел од сезоната 2002-03 и го направил своето деби во април 2003, во натпревар од Данскиот куп против Алборг. Во следните две години, тој одиграл вкупно 25 натпревари во сите натпреварувања и постигнал само еден гол. Не можејќи да избори постојано место во стартната постава на Брондби, во 2005 година го напуштил клубот и се преселил во нивните ривали од Суперлигата Есбјерг. Зимлинг веднаш се изборил за место во стартната постава на својот нов клуб и одиграл одлична прва сезона, што на крајот резултирала со добивање на наградата дански талент на годината. Тој одиграл уште една ипол сезона во клубот пред да ја напушти својата земја и да се пресели во итлијанскиот Удинезе во јануарскиот трансферен прозорец 2009 година, откако му истекол договорот со Есбјерг.

Удинезе[уреди | уреди извор]

Удинезе како тим кој сака да инвестира во млади и талентирани играчи го доведува со слободен трансфер Зимлинг, кој во тој момент бил на возраст од 23 години. Тој го добил дресот со број 18, и покрај тоа што често бил помеѓу повиканите 18 играчи за натпреварите, не добил можност да дебитира. Тоа сепак се случило на 22 март 2009, во натпреварот Џенова-Удинезе 2-0 во Серија А. Зимлинг бил стартер во тој натпревар, но во 67-ата минута бил заменет од Фабио Кваљарела.[1] До крајот на сезоната, Зимлинг одиграл уште три натпревари во пролетта, но неуспеал да постигне гол. Следната сезона тој одиграл само еден натпревар за Удинезе до јануари, кога бил пратен на заем во холандскиот Н.Е.Ц., за кој одиграл 26 натпрвари во кој постигнал 4 гола. Во летото 2011 Зимлинг требало да се врати во Удинезе, но клубот од Удине решил да го продаде на белгискиот ФК Клуб Брухе за половина милион евра.

Клуб Брухе[уреди | уреди извор]

Зимлинг потпишал четири-годишен договор со ФК Клуб Брухе на 27 мај 2011. Дебитирал во натпревар од квалификациите за Лига Европа, кој неговиот тим го добил со 4-1. Тој одиграл повеќе од 50 натпревари во сите натпреварувања за белгискиот клуб и постигнал еден гол.

Мајнц[уреди | уреди извор]

Во јануари 2013, Зимлинг потпишал за Бундеслигашот Мајнц за необјавена сума. Своето деби во Бундеслигата го имал против Баерн Минхен во поразот на домашен терен со 3-0, појавувајќи се како резерва на местото на Елкин Сото во 62-ата минута[2]. На 23 февруари 2013 тој го постигнал својот прв гол за Мајнц во натпревар против Волфсбург кој завршил 1-1.[3]. Само три дена подоцна тој ја погодил мрежата и на Фрајбург во натпревар од четвртфиналето на германскиот куп. Неговиот погодок во четвртата минута му донел водство на Мајнц од 2-0, но во продолжение од натпреварот петките не успеале да го сочуваат овој резултат со играч помалку и Фрајбург се пласирал понатаму по продолженија.[4]

Надворешни врски[уреди | уреди извор]

Наводи[уреди | уреди извор]