Ненад Јолдески

Од Википедија — слободната енциклопедија
Прејди на прегледникот Прејди на пребарувањето

Ненад Јолдески (р. 26 ноември 1986 во Струга) — македонски писател.

Биографија[уреди | уреди извор]

Ненад Јолдески е роден на 26 ноември 1986 година, во Струга. Дипломирал на Економскиот факултет при „Универзитетот Св. Кирил и Методиј“ во Скопје.

Творештво[уреди | уреди извор]

Ненад Јолдески е автор на книгата: „Штамата на Енхалон[1] („Темплум“, 2009), збирка раскази напишани на струшки дијалект и сленг, која ја освои наградата„Новите“ за најдобро дебитантско дело на конкурсот распишан издавачката куќа „Темплум“ во 2009 година.

Во 2012 Ненад Јолдески ја издаде својата втора книга - збирка раскази со наслов „Секој со своето езеро[2][3] („Темплум“, 2012 / „Или-Или“, 2016 - второ издание) за која во 2016 година ја доби „Наградата за литература на Европска Унија“.

Неговиот прв кус роман „Пливање спротоводно“ ја следи приказната за враќањето на Артемида, од Њујорк во Струга. Патување кое е епизодна, но клучна потрага по идентитетот, оној биолошкиот, запоставениот, заборавениот. Романот е поделен на два дела: Зараснато навнатре (Њујорк) и Над површина (Струга).

Уредник е на збирката раскази „Николај (фикција. вода. вистина)“ која содржи шест раскази од шест македонски автори, инспирирани од животот на руските емигранти доктор Никола Незлобински и неговата жена Софија Незлобинска.

За потребите на уметничката група „Везденски“ од која и самиот беше дел – Јолдески адаптирал неколку сценарија за различни аматерски театарски претстави. Тој е еден од основачите на ИНКА (Иницијатива за независен културен активизам) и на фестивалот ДРИМON кој секоја година се одржува во Струга.

Неговите раскази се преведени на неколку јазици во најразлични антологии, магазини и онлајн списанија.

Наводи[уреди | уреди извор]

  1. Ненад Јолдески Wezdensky, Штамата на Ехалон (Мемоари), Скопје: Темплум, 2009.
  2. Ненад Јолдески, Секој со своето езеро, Скопје: Темплум, 2012
  3. Ненад Јолдески, Секој со своето езеро (раскази од вода), Скопје: Или-Или, 2016, второ издание