Нека почне забавата...

„Нека почне забавата...“ (француски: Que la fête commence...) – филм на режисерот Бертран Таверние (Bertrand Tavernier) од 1975 година, снимен по сценариото на Жан Оренш (Jean Aurenche) и Пјер Бост (Pierre Bost). Главните улоги ги играат: Филип Ноаре (Philippe Noiret), Мишел Галабру (Michel Galabru), Изабел Ипер (Isabelle Huppert), Жан-Клод Бријали (Jean-Claude Brialy) и Рене Фор (Renée Faure). Ова е третиот филм на Таверние, кој е снимен според вистинит настан (аферата Вахер). Освен мајсторски изградената напнатост, филмот се одликува и со одличните улоги и приказот на атмосферата на епохата и на репресивното општество. Покрај тоа, филмот ги покрива и темите поврзани со врската меѓу злосторството и менталната пореметеност, односно врската меѓу злосторството на поединецот и општеството...

Синопсис

Дејствието на филмот се одвива во француската провинција, во 1893 година. Поранешниот наредник Жозеф Бувие (го игра Галабру), по доживеаното љубовно разочарување и под влијание на анархистичките идеи, скита по селата и по планините, напаѓајќи ги и убивајќи ги овчарите. Судијата Русо (го игра Ноаре) стрпливо го следи убиецот и најпосле успева да го фати. Тогаш, започнува мачно испитување...