Неготино и Неготинско во НОБ

Од Википедија — слободната енциклопедија
Прејди на прегледникот Прејди на пребарувањето
Формирање на батаљонот „Страшо Пинџур“ на 24 септември 1943 година на планината Кајмакчалан.

Неготино и Неготинско во НОБ се вклучиле уште во 1941 година. Одиграле клучна улога во борбата против фашизмот.

Позадина[уреди | уреди извор]

По окупацијата на Кралството Југославија, во Тиквешко се нашол 19-от пешадиски полк „Војвода Путник“ на Кралството Југославија, кој го оставил целото оружје на теренот.[1] Според претходен договор меѓу Германија и Италија, вардарскиот дел на Македонија ѝ припаднал на Бугарија, но во Неготино и во селата од 6 до 26 април 1941 година немало никаква власт. Членовите на КПЈ стапиле во акција, кои притвориле неколкумина српски жандарми и чиновници. На 26 април 1941 година бил направен обид свечено да се пречекаат бугарските војски во Неготино. На собирот меѓу другите присуствувал и Страшо Пинџур, кој одржал говор велејќи дека доаѓањето на Бугарите значи нова окупација за Македонија.

Во текот на НОБ[уреди | уреди извор]

На слободните територии од партизанските единици, 1944 година: собирање храна за партизанските единици.

На 3 мај 1941 година, во куќата на Александар Донев бил формиран месен комитет на КПЈ во Неготино, а кон крајот на 1941 година во Неготино веќе имало три партиски ќелии. Во текот на 1943 година, формиран е партизански одред во Тиквешко, два баталјона и една бригада на НОВ и ПОМ. Тиквешкиот партизански одред е формиран на 14 мај 1943 година под името „Добри Даскалов“.

Наводи[уреди | уреди извор]

  1. „Неготино во виорот на војната“, Неготино; 1974 г., стр. 24-25