На портата на вечноста

„На портата на вечноста“ (англиски: At Eternity's Gate) – филм на режисерот Џулијан Шнабел (Julian Schnabel) од 2018 година, снимен по сценариото на Шнабел,ан-Клод Кариер (Jean-Claude Carrière) и Луиз Кугелберг (Louise Kugelberg). Главните улоги ги играат: Вилем Дефо (Willem Dafoe), Руперт Френд (Rupert Friend), Мадс Микелсен (Mads Mikkelsen), Матје Амалрик (Mathieu Amalric), Емануел Сење (Emmanuelle Seigner) и Оскар Ајзак (Oscar Isaac). Филмот бил премиерно прикажан на 75. Меѓународен филмски фестивал во Венеција, каде Дефо го освоил Волпиевиот пехар за најдобра машка улога. Исто така, тој бил номиниран и за наградите „Оскар“ и „Златен глобус“.

Синопсис

Во филмот се прикажани последните години од животот на Винсент ван Гог во јужна Франција. Тој се обидува да го пронајде личниот мир, но го мачат внатрешните немири и неразбирањето на средината во која работи. Во филмот се поткрепува теоријата дека сликарот не извршил самоубиство, туку дека бил убиен.