Национален парк Мириц

Национален парк Мириц
Национален парк Мириц
	Müritz-Nationalpark
	МСЗП — Категорија II (национален парк)
	Кебеликско Езеро, Национален парк Мириц
Место	Мекленбург-Западна Померанија, Германија
Најблизок град	Нојштрелиц, Варен
Површина	318 км2
Воспоставен(а)	1 октомври 1990

За други истоимени места, погледајте Мириц (појаснување).

Национален парк Мириц (германски: Müritz-Nationalpark) — национален парк сместен отприлика во средина помеѓу Берлин и Росток, во јужниот дел на сојузната покраина Мекленбург-Западна Померанија, Германија. Се протега на големи делови од езерската област Мириц во округот Мекленбуршка Езерска Област. Националниот парк Мириц бил основан во 1990. Вкупната површина што ја зафаќа изнесува 318 км². Близу градот Варен, посетителите можат да добијат информации за националниот парк, во објактот наречен Мирицојм (Müritzeum).

Географија[уреди | уреди извор]

Националниот парк е поделен на две одвоени области, Мириц и Зеран:^[1] Првиот и поголем дел се протега од источниот брегови на езерото Мириц до градот Нојштрелиц. Вториот и помал дел е сместен источно од Нојштрелиц. 65% од територија на паркот е покриена со шума, 12% со езера. Преостанатиот дел е составен од мочуришта и ливади.

Езерото Мириц има површина од 118 км², но само неговиот источен брег е дел од националниот парк. Градовите Варен и Нојштрелиц се најблиски градови до паркот. Во рамките на националниот парк постојат околу 100 езера, како и бројни помали водени површини, потоци и канали. Реката Хафел извира во делот околу Мириц, близу поделбата на водите во различните сливови, балтичкиот и северниот.