Национален парк Делта на Вардар
| Делта на Вардар | |
|---|---|
| Делта на Вардар-Колудеј-Бистрица | |
МСЗП — Категорија VI (заштитено подрачје под раководство со ресурси) | |
 Лагуната на с. Гаскарка во националниот парк | |
 | |
| Место | Солунско и Берско, Егејска Македонија, Грција |
| Најблизок град | Солун, Либаново |
| Координати | 40°30′N 22°40′E / 40.50° СГШ; 22.66° ИГД |
| Површина | 33.779 ha (130,42 sq mi) |
| Создаден(а) | 2009 |
| axiosdelta.gr | |
Национален парк Делта на Вардар (грчки: Εθνικό Πάρκο Δέλτα Αξιού); полно име: Национален парк Вардар-Колудеј-Бистрица (Εθνικό Πάρκο Αξιού - Λουδία - Αλιάκμονα) — национален парк во Солунско и Берско, Егејска Македонија, денес во Грција. Во Солунско ги опфаќа лагуната во с. Гаскарка, устието на реката Галик и делтите на реките Вардар и Бистрица. Во Берско, во паркот влегуваат моклиштата на селата Нов Ахтопол и Тузла. Подрачјето првпат е заштитено во 1971 г. како влажно станиште од меѓународно значење согласно Рамскарската конвенција, а потоа е ставено и во мрежата „Натура 2000“.[1][2][3] Вбројано е и во списокот Важни птичји подрачја (IBA).
Клима[уреди | уреди извор]
Климата во овој крај е топла преку летото, без особени температурни колабања, додека пак зимите се свежи и влажни. Прекумерните врнежи од снег се ретка појава, а замрзнувањето на водата е уште поретко. Просечните годишни врнежи изнесуваат 442,5 мм, при што најврнежлива е есента.[4]
Растителен и животински свет[уреди | уреди извор]
Паркот нема ретка, ендемска или загрозена растителност, туку се состои од видовите кои често се среќаваат по моклиштата, соленикавите води и плажите.
Реките во паркот се особено богати и разновидни. Само во Вардар се забележани 26 видови риби, а Бистрица има 26 домородни и 4 доведени видови. Од нив, од особен интерес е мергурот (Pachychilon macedonicum). Меѓу цицачите се среќаваат нутријата (Myocastor coypus), стоболката (Spermophilus citellus), видрата (Lutra lutra) и биволот (Bubalus bubalis).[5]
Птици[уреди | уреди извор]
Во националниот парк се застапени многу видови птици, од кои некои постојани и многу презимки и други преселници. Еве некои од позначајните:
- блатна ластовица, (Glareola pratincola)
- голем воден бик (Botaurus stellaris)
- дива патка (Anas platyrhynchos)
- кадрав пеликан (Pelecanus crispus)
- лебед (Cygnus)
- лиска (Fulica atra)
- мал воден бик (Ixobrychus minutus)
- ноќна чапја (Nycticorax nycticorax)
- остригар (Haematopus ostralegus)
- патка ластовичарка (Anas acuta)
- патка свиркач (Anas penelope)
- пупунец (Upupa epops) посетува напролет
- рибарче (Alcedo athis) — трајно вдомено во паркот
- сива чапја (Ardea cinerea)
- црноглав галеб (Larus melanocephalus)
- чурулин (Burhinus oedicnemus)
Галерија[уреди | уреди извор]
-
Лагуната на Гаскарка со Солун во позадината -
Полски цветови во делтата на Вардар -
Диви коњи во делтата на Вардар -
Птици во делтата на Вадар. -
Биволи во делтата на Вардар -
Фламингоси во делтата на Вардар -
Рибарски куќи во делтата на Вардар
.jpg)
Наводи[уреди | уреди извор]
- ↑ votaniki (15 јануари 2019). „Δέλτα Αξιού – Λουδία – Αλιάκμονα – Αλυκή Κίτρους (GR1220010) - Βοτανική“. Посетено на 28 јуни 2019.
- ↑ „N2K GR1220002 dataforms“. natura2000.eea.europa.eu. Посетено на 28 јуни 2019.
- ↑ „Delta Axiou - Loudia - Aliakmona – Evryteri Periochi - Axioupoli“. Protected Planet. Посетено на 28 јуни 2019.[мртва врска]
- ↑ Τα Εθνικά Πάρκα της Ελλάδος, σ. 274, εκδ. Explorer, isbn 960-8303-04-4
- ↑ Βασίλης Γκούτνερ, Υδροβιότοποι «Στο Δέλτα του Αξιού», εκδ. Καθημερινής «ΕΠΤΑ ΗΜΕΡΕΣ», τόμ. ΚΕ σ. 85 (1988)
Надворешни врски[уреди | уреди извор]
 |
„Национален парк Делта на Вардар“ на Ризницата ? |
- Официјално мрежно место Архивирано на 8 ноември 2019 г. (англиски) (грчки)
- Запис за националниот парк на Натура 2000 (англиски)
- Делта на Вардар-Колудеј-Бистрица[мртва врска] — профил на Protected Planet (англиски)
- Опис на Делтата на Вардар на порталот Посетете ја Грција (англиски)