Наткасна
Наткасна[1] (исто така позната и како ноќно масиче) — мала комода или маса што се поставува или закачува на ѕид покрај креветот, или пак е споено со таблата од главата на креветот.[2]
Конструкција
[уреди | уреди извор]Наткасната обично се изработува од дрво; горната плоча („капакот“) исто така е дрвена, има пластична обвивка или е заштитена со стакло, а понекогаш и со мермер. Под капакот често има плитка фиока или отворена ниша (понекогаш и двете) за складирање ситници.
Типични размери на наткасна:
- ширина 0,35 — 0,50 м;
- длабочина 0,45 — 0,60 м;
- висина 0,60 — 0,75 м.
Местоположба
[уреди | уреди извор]Во семејната спална соба се поставуваат една или две наткасни. Во случај на единечни кревети, понекогаш се користи една наткасна меѓу нив; за брачен кревет вообичаено е да се стави по една наткасна на секоја страна. Наткасната може да се закачи и на таблите од креветот или на ѕидот.
Историја
[уреди | уреди извор]Наткасните се појавиле во XVIII век во Франција. Првично се користеле за сокривање на нокширот, што било неопходен дел од спалната соба во тоа време.
