Наташа Петровска

Од Википедија — слободната енциклопедија
Прејди на прегледникот Прејди на пребарувањето
Наташа Петровска
Zoran Zaev and Natasa Petrovska.jpg
Градоначалничката Наташа Петровска со премиерот Зоран Заев, при негова работна посета на Општина Битола
Градоначалник на Општина Битола
На должноста
2017 – во служба
Претходник Владимир Талески
Лични податоци
Роден(а) 18 декември 1971 (1971-12-18) (47 г.)
Битола, СР Македонија
Партија СДСМ
Деца 2
Установа Природно-математички факултет - Скопје
Универзитет за туризам и менаџмент - Скопје
Професија професор
Вероисповед Православен христијанин

Наташа Петровска (родена на 18 декември 1971 во Битола) — актуелен Градоначалник на Општина Битола од 2017 година.

Биографија[уреди | уреди извор]

Наташа Петровска е родена на 18 декември 1971 во Битола. Има завршено основно образование во ОУ „Д-р Трифун Пановски“ - Битола, средно во гимназијата Јосип Броз Тито, дипломиран професор по математика на Природно-математичкиот факултет во Скопје при Универзитетот Св. Кирил и Методиј. М-р по менаџмент на човечки ресурси при Универзитет за туризам и менаџмент Скопје. Вработена како професор од 1995 во СОТУ Ѓорги Наумов - Битола, со дополнување на часови и во економското Јане Сандански веќе четири години. Работела и пет години во Приватна Гимназија Битола. Таа е сопруга и мајка на две деца.

Личен живот[уреди | уреди извор]

Потекнува од семејство каде најзастапена како професија е учителствувањето и музиката. После војната нејзиниот дедо образувал низа возрасни кои станале наставници во Битола, а нејзина посебна гордост е брилјантната интерпретација на Битола Бабам Битола од нејзиниот чичко Добри Ставрески.

Пред да стане градоначакник, Петровска била член на ИО на ОО Битола во два мандати, член на ИО на СДСМ Македонија 4 години и актуелен координатор на советничката група на СДСМ во Советот на општина Битола.

На локалните избори 2017 година, избрана е за градоначалник на Општина Битола со освоени 33.133 гласови од вкупно 83.692 гласачи во општината, или 59,77%.