Наташа Ковачевиќ
Наташа Ковачевиќ (Белград, 20 мај 1994) — српска кошаркарка. Играч на крилната позиција и игра речиси во сите репрезентации. Тешката сообраќајна несреќа привремено ја прекинала нејзината играчка кариера, па и покрај ампутацијата на ногата таа се вратила на паркетот како кошаркарка на Црвена звезда. По завршувањето на нејзината играчка кариера, таа станала претседател на овој клуб.
Играчка кариера[уреди | уреди извор]
Кариерата ја започнала во Партизан во 2008 година и таму играла до 2010 година. Со Партизан го освоила второто место во српското првенство.
Во јануари 2010 година се преселила во Вождовац, со кој играла и во Јадранската лига. Поради финансиските проблеми на Вождовац, во јануари 2013 година преминала во Црвена звезда. За Звезда имала просек од 16,6 поени, 6,6 скока и 2,4 асистенции, што било нејзина отскочна даска за потпишување на првиот странски ангажман со унгарскиот тим Ѓер.[1]
Несреќа[уреди | уреди извор]
На 07.09.2013 година заедно со целиот тим на Гер доживеале тешка сообраќајна несреќа. Во несреќата загинале тренерот на тимот и генералниот директор, додека на Наташа поради последиците од несреќата и бил ампутиран долниот дел од ногата.[2] Набргу по несреќата, целата српска јавност сакала да и помогне на младата кошаркарка. Помош дала и Француската кошаркарска федерација.[3] Поранешниот кошаркар на Црвена звезда Зуфер Авдија пронашол соодветна протеза во Израел[4], а само два месеци по несреќата, Наташа повторно можела да шутира на кошот.
Враќање на паркетот[уреди | уреди извор]
По неколкумесечниот тренинг со кошаркарите на Црвена звезда и добиените дозволи од ФИБА и КСС за да може да продолжи да игра со протезата, Ковачевиќ потпишала договор со Црвена звезда.[5]
Репрезентативна кариера[уреди | уреди извор]
Настапувала во речиси сите јуниорски репрезентации. За кадетската селекција се натпреварувала трипати (2008, 2009 и 2010 година) на ЕП. Со јуниорската селекција настапувала две години (2011 и 2012 година). Со јуниорската репрезентација освоиле бронзен медал на Европското првенство во 2012 година. Со селекцијата до 19 години таа учествувала на СП 2013 година.
Друго[уреди | уреди извор]
По сообраќајна несреќа и привремениот прекин на играчката кариера, Наташа се посветила на хуманитарната работа. Таа ја основала Фондацијата под свое име, чија цел е да им помогне на младите спортисти и нивното образование.[6]
Таа е избрана за младински амбасадор на Европската филијала на Меѓународната кошаркарска федерација (ФИБА) во 2014 година.[7]
Францускиот претседател Емануел Макрон и доделил „Орден на витези на националниот ред“ во 2021 година за признатиот спортски ангажман од највисоко ниво и покрај сите лични проблеми и изразената поддршка на младите спортисти кои имаат потешкотии.[8]
Мајката на Наташа е Наталија Бачановиќ, поранешна кошаркарка која со Црвена звезда го освоила Купот на европските шампиони во 1979 година нејзиниот татко е Вукашин Ковачевиќ, поранешен ракометар.
Наводи[уреди | уреди извор]
- ↑ „Наташа Ковачевић и Милица Ивановић каријеру настављају у Ђеру“. kosarka24.rs. 12. 7. 2013. Архивирано од изворникот на 28. 10. 2014. Посетено на 28. 10. 2014. Проверете ги датумските вредности во:
|accessdate=, |date=, |archive-date=
(help) - ↑ „Велика трагедија, морамо да помогнемо Наташи“. sportske.net. 8. 9. 2013. Архивирано од изворникот на 28. 10. 2014. Посетено на 28. 10. 2014. Проверете ги датумските вредности во:
|accessdate=, |date=, |archive-date=
(help) - ↑ „Moja francuska porodica“. cordmagazine.com. 11. 7. 2016. Проверете ги датумските вредности во:
|date=
(help) - ↑ „Поново ће стати на ноге“. srbin.info. Посетено на 28. 10. 2014. Проверете ги датумските вредности во:
|accessdate=
(help) - ↑ „Наташа Ковачевић поново у Звезди и на паркету“. www.kkcrvenazvezda.rs. 4. 11. 2015. Архивирано од изворникот на 07. 11. 2015. Посетено на 4. 11. 2015. Проверете ги датумските вредности во:
|accessdate=, |date=, |archive-date=
(help) - ↑ „Помоћ спортистима: Наташа Ковачевић основала фондацију“. Курир. Посетено на 13. 3. 2014. Проверете ги датумските вредности во:
|accessdate=
(help) - ↑ https://www.vesti-online.com/natasa-kovacevic-ambasador-fiba/
- ↑ https://www.rts.rs/page/sport/sr/story/37/kosarka/4229271/orden-viteza-nacionalnog-reda-francuske-natasa-kovacevic.html