Награда „4 Ноември“

Од Википедија — слободната енциклопедија
(Пренасочено од Награда 4- ноември)
Прејди на прегледникот Прејди на пребарувањето

Наградата „4 ноември“ која ја доделува Општина Битола по повод Денот на ослободувањето на градот Битола е највисоко општинско признание кое се доделува од 1958 година, а од 2002 година е воведена и награда за животно дело. Се доделува на физички и правни лица како знак на општествено признание за значајни остварувања во стопанството, науката, уметноста, културата, воспитанието и образованието, здравствената заштита, социјалната заштита, спортот, техничката култура, заштитата и унапредувањето на животната средина и природата, како и други сегменти од животот, трудот и творештвото, што претставуваат посебен придонес за развојот на oпштината, Република Македонија и светот. Наградата за едногодишно остварување се доделува на правни и физички лица, додека пак, наградата за животно дело се доделува само на едно физичко лице.

Добитници на наградата за животно дело[уреди | уреди извор]

Добитници на наградата за eдногодишно остварување[уреди | уреди извор]

2019[9][уреди | уреди извор]

  • Васко Михалчев, пилот во Дирекцијата за заштита и спасување, кој е предложен заради значаен придонес со своето учество во гаснење на повеќе од 90 настанати пожари, од кои само во еден месец имало повеќе од 45 пожари.
  • Ѓорѓи Лазаревски, педагог, заради остварувањата и неговата активност во полето на литературата во изминатата година, посебно за неговите издадени две книги „Педагошко-психолошката служба во Битола и Битолско (1973-2018)“ и „Шепотот на пелагониските села“.
  • д-р Јасмина Буневска-Талевска, предложена заради нејзините признанија добиени на европско ниво во изминатиот период како резултат на вложениот труд, работа и ентузијазам на полето на подигнувањето на сообраќајната безбедност, култура и мобилност.
  • Печатницата „Киро Дандаро“, го добива признанието како успешна компанија која не само во Битола туку и на европско тло опстојува како бренд повеќе од 70 години.
  • м-р Марија Младеновска-Димитровска, психолог, заради нејзините достигнувања во областа на психологијата и успешното претставување на Општина Битола и Македонија на 16. Европски конгрес за психологија каде го изложи својот истражувачки труд на Московскиот државен универзитет Ломоносов.
  • Марија Росенгрен, хуманист, заради остварувања од областа на хуманоста. Има направено повеќе хуманитарни дела, донации во училиштето Ѓорѓи Сугарев, во Заводот „Кочо Рацин“, во битолската болница и други.
  • Градинката „Мајски цвет“ ќе го добие признанието заради достигнување во областа на социјалната заштита, организирање повеќе обуки, работилници, како и ментор на студентите од прва година на Педагошкиот факултет во Битола.

2018 година[10][уреди | уреди извор]

  • доцент д-р Александар Литовски - за достигнувања во областа на литературата
  • Јован Василев - за неговите достигнувања во спортот како претседател на женскиот ракометен клуб Пелистер
  • проф. д-р Иван Додовски - за неговите достигнувања во областа на науката и културата

2017 година[6][уреди | уреди извор]

  • д-р Васо Радивоевиќ - за достигнувања од областа на здравствената заштита
  • Драган Најденовски - самостоен ликовен уметник, за неговата огромна ангажираност на полето на ликовниот живот во Битола
  • Менка Николовска - за остварувања од областа на хуманоста и филантропијата

Претходни години[уреди | уреди извор]

Доделени се повеќе од 300 награди меѓу кои и на:

  • Организација на жени на Општина Битола
  • СОУ „Јосип Броз-Тито“ - Битола, 1975
  • Ансамбл за фолклор „Гоце Делчев“
  • НУУБ „Св. Климент Охридски“
  • ХО „Самарјанин“
  • Фабрика „Цермат“
  • Огнен Дранговски
  • Болница „Плодност“
  • д-р Вангел Тодоров
  • д-р Зоран Пејковски

Наводи[уреди | уреди извор]

  1. http://www.idividi.com.mk/vesti/makedonija/358312/
  2. http://star.vest.com.mk/default.asp?id=85832&idg=5&idb=1298&rubrika=Kultura
  3. http://www.bigorski.org.mk/index.php?content_type=feljton&action=details&record_id=139
  4. http://bitolskivesnik.mk/bitolski-vesnik-dobitnik-na-4-noemvriskata-nagrada/
  5. http://sitel.com.mk/nagradata-zhivotno-delo-na-opshtina-bitola-za-milica-shperovikj-ribarski
  6. 6,0 6,1 Доделени наградите 4 ноември
  7. „Виолета Томовска, добитник на наградата за животно дело, по повод 4-ти ноември“. Bitola News. Посетено на 4 ноември 2018.
  8. „Наградата за животно дело на Битола, годинава, за Благој Стефановски-Баге“. Bitola news. Посетено на 31 октомври 2019.
  9. „Кои се добитниците на наградата „4 ноември". ТВ Тера. 31 октомври 2019. Посетено на 4 ноември 2019.
  10. Доделени 4-ноемвриските награди во Битола на семережното место на телевизија Тера