Музеј на криминалистика (Скопје)

Музејот на криминалистиката претставува музеј на криминалистички експонати единствен од таков вид во Македонија. Се наоѓа во скопската населба Нова Колонија (Идризово).. Во музејот се изложени над 3.000 експонати, стари повеќе од половина век, предмети, оружје од извршени тешки кривични дела, прободени срца, извадени со обдукција на жртвите, фетуси од нелегални абортуси, домашни лаборатории за хероин, пресечени полови органи, зачувани во тегли, и сл.

Историја

Музејот е отворен на 15 јануари 1957 година. Основоположник е Властимир Маџаровски и тој бил првиот кустос. Просторно бил сместен во барака на тогашниот Републички секретаријат за внатрешни работи, каде што се денес зградите на МВР. За време на поплавите во 1962 година, а потоа скопскиот земјотрес во 1963 година, претрпел поголеми штети. По неколку месеци бил обновен. Од ноември 1977 музејот е во состав на Полициската академија во посебна музејска зграда.

Надворешни врски

• „Мерцедесот“ на Киро на хорор изложба - статија на Вест
• Експонатите во скопскиот крим-музеј сведочат ужаси Архивирано на 5 март 2016 г. - статија на Дневник