Музеј на виното (Демир Капија)
  Местоположба во рамки на Македонија | |
 | |
| Основан | 2010 |
|---|---|
| Место | Демир Капија,  Македонија |
| Тип | музеј |
| Фонд | винарство, археологија, историја |
| Мреж. место | museumdk.mk |
Музеј на виното — музеј во градот Демир Капија посветен на лозарството и винарството. Бил отворен на 7 ноември 2010 година.[1]
Местоположба
[уреди | уреди извор]Музејот се наоѓа во средиштето на градот на ул. Маршал Тито бб.[1]
Историја
[уреди | уреди извор]Музејот свечено го отворил на 7 ноември 2010 година градоначалникот на општината во присуство на високи функционери на државни институции, претставници на странски амбасади и граѓани на Демир Капија.[2]
Лого на музејот
[уреди | уреди извор]За лого на Музејот е одбран кратер – бронзен сад за разблажување (мешање) на вино и вода. На логото е прикажан кратерот од с. Требениште – Охрид, изработен од бронза со висина од 72 см. Во горниот дел пластично е украсен со медузи и змиски глави како и прикази на коњаници во галоп, со волутести дршки на вратот и стои на троножно постоље. Потекнува од крајот на 6 век од старата ера.[2]
Одделенија
[уреди | уреди извор]Музејот се состои од три одделенија: археологија, винска галерија и галерија за изложби и презентации. Музејот рсполага со артефакти кои го отсликуваат историското минато на Демир Капија од праисторија до денес врзани со различни периоди на развојот на овој крај и многу експонати кои што зборуваат за богатата традиција на винската култура.[1]
Наводи
[уреди | уреди извор]- 1 2 3 „Музеј на виното Демир Капија“. Тиквешки вински пат. Посетено на 6 јуни 2026.
- 1 2 „За музејот“. Музеј Демир Капија. Посетено на 7 јуни 2026.