Мојмир Сепе
Мојмир „Мојзес“ Сепе (11 јули 1930 – 24 декември 2020 година) — словенечки композитор, диригент, аранжер и трубач.[1]
Кариера
[уреди | уреди извор]Синот на оперскиот пејач Франк Шифрер, Сепе дипломирал на Првата гимназија во Цеље во 1949 година. Подоцна студирал пијано и труба на Љубљанската академија за музика.
Во 1950 година ја започнал својата професионална музичка кариера како перспективен трубач во Танцовиот оркестар на Радио Љубљана.Тој исто така го формирал џез бендот Мојмир Сепе (словенечки: Ansambel Mojmirja Sepeta), каде што ја објавил едната од првите џез винилни плочи во социјалистичка Југославија. Неговата кариера како трубач завршила по кавгата на фестивалот во Опатија '65 кога четворица момци го нападнале и му скршиле неколку предни заби додека тој ја бранел неговата чанта за да не ја украдат.[2] Тој се посветил на компонирање и диригирање, главно под влијание на џезот и свинг музиката.[3]
Соработувал со неколку словенечки поети кои пишувале текстови за неговите аранжмани. Меѓу нив биле Фране Милчински Јежек, Грегор Стрниша, Бранко Шомен, Мирослав Кошута и Иван Минати.[4]
Евровизија
[уреди | уреди извор]Сепе двапати како композитор ја претставувал Југославија.[5]
| Година | Песна | Уметник | Текстописец | Место |
|---|---|---|---|---|
| 1966 | „Без зборови“
(сл. Brez besed) |
Берта Амброж | Елза Будау | 7 |
| 1970 | „Дојди, ќе ти дадам цвет“ (сл. Pridi, dala ti bom cvet) | Ева Сршен | Душан Велкаверх | 11 |
Сепе ги диригирал двете свои композиции на Евровизија. Дополнително,тој бил диригент на словенечките песни за Евровизија во 1997 и 1998 година.[6] Тој бил и член на словенечкото жири на предизборот на Евровизија во 1993 година.
Личен живот и смрт
[уреди | уреди извор]Од 1956 година, Сепе бил во брак со Мајда Сепе, позната словенечка пејачка, за која и пишувал музика.[7] Нивна ќерка е словенечката филмска режисерка Полона Сепе.
Сепе починал на 24 декември 2020 година, на 90-годишна возраст.[8]
Наводи
[уреди | уреди извор]- ↑ „Umrl je Mojmir Sepe“. Delo. Посетено на 25 December 2020.
- ↑ Sotošek, Gregor (2018). „Poznavanje in poslušanje skladb Mojmirja Sepeta“ [Knowledge and Listening to Songs by Mojmir Sepe] (PDF) (словенечки).
- ↑ „90 let Mojmirja Sepeta, pogovor“. MMC RTV Slovenia 4D archive. Посетено на 11 July 2020.
- ↑ „Umrl je Mojmir Sepe“. www.delo.si.
- ↑ Vodovnik, Dejan (January 24, 2019). „Kolumna Dejana Vodovnika: Bojan“. www.slovenskenovice.si.
- ↑ „And the conductor is...|...a website dedicated to all conductors of the Eurovision Song Contest“. www.andtheconductoris.eu. Архивирано од изворникот на 2018-05-13. Посетено на 2025-02-26.
- ↑ „Poslovil se je Mojzes: umrl skladatelj in dirigent Mojmir Sepe“. RTVSLO.si.
- ↑ „Umrl je skladatelj in dirigent Mojmir Sepe“. www.24ur.com.
Надворешни врски
[уреди | уреди извор]
|