Мокро

Мокро Λιβαδερό
Мокро
Местоположба во областа Мокро Местоположба на Мокро во Кожанскиот округ и областа Западна Македонија
Координати: 40°2′N 21°57′E
Земја	Грција
Област	Западна Македонија
Округ	Кожански
Општина	Серфиџе
Општ. единица	Мокро
Надм. вис.	&10000000000000980000000980 м
Население (2021)
• Вкупно	912
Час. појас	EET (UTC+2)
• Лето (ЛСВ)	EEST (UTC+3)

Мокро (грчки: Λιβαδερό, Ливадеро или Χορτολίβαδο, Хортоливадо; до 1928 г. Μόκρο, Мокро) — село во Кожанско, Егејска Македонија, денес во општината Серфиџе на Кожанскиот округ во областа Западна Македонија, Грција. Населението брои 912 жители (2021).

Географија и местоположба

Селото се наоѓа во падините на планинита Амар Беј, на 18 км југозападно од градот Серфиџе и јужно од селото Метаксас, на надморска височина од 980 м.

Историја

Во Отоманското Царство

Селото за првпат е споменато во кодикот на манастирот „Св. Преображение“ на Метеора од 1592–1593 г., во кој се споменуваат имињата на верници од селото Мокрос (Μόκρος).

Според османлиски дефтер од 1528 г. во Мокро имало 37 домаќинства со 167 жители.

Во XIX век Мокро било грчко село во Серфиџенската каза на Серфиџенскиот Санџак.

На Етнографската карта на Битолскиот Вилает од 1901 г. Мокро е претставено како чисто грчко село во Серфиџенската каза на Серфиџенскиот Санџак со 55 куќи.

Според статистиката на грчкиот конзулат во Еласона, во 1904 г. во Мокрон (Μόκρον) живееле 600 Грци христијани.

Во Грција

За време на Првата балканска војна, на 9 октомври 1912 г. грчката војска ја поразила отоманската во битка кај селото. По Балканските војни во 1913 г. селото е припоено кон Грција согласно Букурешкиот договор. Селото било испуштено во пописот од 1913 година, но при формирањето на општините во 1918 г. е заведено со 909 жители, кои во 1920 г. се зголемиле на 993 лица. Во 1928 година, името на селото било променето во Ливадеро (Λιβαδερό).

Места во заедницата Мокро преименувани со службен указ на 6 август 1969 година

Име	Име	Ново име	Ново име	Опис
Вакуфски Чаир	Βακούφικο Τσαΐρι	Агии Апостоли	Άγιοι Άπόστολοι	месност на ЈИ од Мокро
Селим	Σελήμ	Григари Вриси	Γρήγαρη Βρύση	извор на ЈЈЗ од Мокро
Арименија	Άριμένια	Рахула	Ραχούλα	врв на Ј од Мокро и на ЈЗ од Бисерица (1.045 м)

Стопанство

Селото поседува богати обработливи површини, за што се должи природниот пораст на населението. Жителите произведуваат компири, жито, тутун и други земјоделски производи, а поради пространите пасишта се занимаваат и со сточарството.

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	1.491	1.714	2.185	1.638	1.517	1.588	1.645	1.232	912

Извор за 1940-1991 г.: Т. Симовски, Населените места во Егејска Македонија

Општествени установи

• Полициска станица

Самоуправа и политика

Во 1918 година, селото станало самостојна општина, чиј атар зафаќал површина од 52 квадратни километри. Општината Мокро била приклучена во општината Серфиџе во 1997 година, која била укината во 2011 година и станала дел од поголемата општина Серфиџе-Велвендо.

Селото припаѓа на општинската единица Мокро со седиште во селото, која припаѓа на поголемата општина Серфиџе, во округот Кожани. Воедно, селото е дел од општинскиот оддел Мокро, во кој е единствено село.

Културни и природни знаменитости

Цркви

• Црква „Св. Атанасиј“ — гробишна црква од XVI–XVII век;
• Црква „Пресвета Богородица“ — постара црква обновена во 1961 г. и повторно во 1991 г.;
• Црква „Св. Никола“ — подигната во 1854 г.;
• Црква „Вознесение Христово“ — подигната во 1965 г.;
• Црква „Св. Илија“ — подигната во 1966 г.;
• Црква „Св. Ѓорѓи“ — подигната во 1987–1988 г.;
• Црква „Св. Апостоли“ — најнова селска црква.

Личности

Родени во Мокро

• Калиопи Вета (р. 1961) — грчка пејачка и политичарка