Млади и неуморни
| Млади и неуморни | |
|---|---|
| Податотека:Theyoungandtherestlesslogo.jpg | |
| Создадена од | Вилијам Бел Ли Филип Бел |
| Бр. на епизоди | 9.106 (до 18 март 2009) |
| Производство | |
| Извршен продуцент(и) | Лин Мари Лејтам Џош Грифит Ентони Морина Џош Фишер Џош О’Конел Метју Олсен |
| Дистрибутер | Sony Pictures Television Bell Dramatic Serial Company Corday Productions |
| Прикажување | |
| Првична мрежа | CBS |
| Првично прикажување | 26 март 1973 |
| Надворешни врски | |
| Мрежна страница | theyoungandtherestless.com |
Млади и неуморни (англиски: The Young and the Restless) е популарна американска телевизиска сапуница, која се емитува секој работен ден на телевизијата CBS, од 26 март 1973. Создадена е од Вилијам Бел и Ли Филип Бел, кои ја сместија драмата во серијата во измислениот град Џеноа Сити, Висконсин.
На почетокот, серијата се фокусираше на семејните и професионалните животи на две семејства во Џеноа Сити, богатите Брукс и сиромашните Фостерс. По многубројни промени на глумците во раните 1980-ти, главна тема на серијата станаа семејствата Абот и Њуман, нивните две поединечни компании и соперништвото меѓу нив. Меѓутоа, една главна приказна владее во серијата уште од скоро самиот почеток, а тоа е соперништвото помеѓу Џил Фостер Абот и Кетрин Кенселор.
На почетокот, Млади и неуморни беше емитувана во полчасовни епизоди, пет пати неделно. Од 1 февруари 1980, се емитуваат едночасовни епизоди. Млади и неуморни е најгледаната дневна драма на американска телевизија. Во 2006, екипата што ја снима серијата ги прослави нејзините 900 недели (18 години) по ред на врвот на гледаноста на дневните серии и програми.
Млади и неуморни има освоено седум Дневни Еми Награди за најдобра драмска серија. Само Главна болница има освоено повеќе (девет).
Во 2001, Млади и неуморни почна да се снима и симултано емитува во висока дефиниција (HDTV), и со тоа стана првата сапуница што го направила овој чекор.
Пред неколку години, Сител телевизија прикажа две сезони, вкупно 280 епизоди од оваа сапуница. Прикажаните епизоди беа од 25 мај 1998 - 1999.
Сегашни глумци
[уреди | уреди извор]Насловна мелодија
[уреди | уреди извор]“Nadia’s theme” е музичката тема на Млади и неуморни од самиот почеток на серијата во 1973. Мелодијата била оригинално наречена “Cotton’s Dream” и напишана од Бери Де Ворзон и Пери Боткин Јр. за филмот Благословете ги ѕверовите и децата. Подоцна, мелодијата била прекрстена во “Nadia’s theme” по настапот на романската гиманстичарка Надиа Команечи на Летните олимписки игри во 1976 и прикажувањето на овој настап на ABC со музиката од популарната сапуница.
Гледаност
[уреди | уреди извор]На самиот почеток во 70-тите, серијата беше на дното на гледаноста, како и сите серии при дебутот. Веќе по една-две сезони, гледаноста порасна, а во 1988-1989, се искачи на врвот и досега ни една сапуница ја нема симнато.
Историја на дневната гледаност: Најгледана недела (Ноември 16-20 1981)
| Сапуница | Домаќинства | (Термин) Телевизија | Гледачи |
|---|---|---|---|
| Главна болница | 16.0 | (3-4pm) ABC | 30 милиони |
| Сите мои деца | 10.2 | (1-2pm) ABC | 14 милиони |
| Еден живот за живеење | 10.2 | (2-3pm) ABC | 13.9 милиони |
| Водечко светло | 7.9 | (3-4pm) CBS | 8.3 милиони |
| Млади и неуморни | 7.3 | (12:30-1:30pm) CBS | 8 милиони |
1995 гледаност
| Сапуница | Милиони гледачи |
|---|---|
| Млади и неуморни | 4.155 |
| Сите мои деца | 3.891 |
| Главна болница | 3.343 |
| Смели и убави | 3.247 |
| Еден живот за живеење | 3.152 |
Надворешни врски
[уреди | уреди извор]- Официјална страна
- CBS Daytime: Y&R
- "Млади и неуморни" Архивирано на 6 октомври 2010 г. на Yahoo! TV