Младен Нешевски
Младен Заров Нешевски ( 1927 во Бродец (Скопско) — 13 ноември 1944 во Скопје) — македонски партизан, борец за слобода на Македонија и учесник во НОВ.[1]
Животопис[уреди | уреди извор]
Произлегува од сиромашно земјоделско семејство. Се занимавал со земјоделство и сточарство. Неговото село било изразито востаничко. Од 1941 година до крајот на војната, останало активна партизанска база. Од млади години бил приврзан кон народноослободителната борба. На 17 години му била укажана можност да стапи во Шеснаесеттата македонска ударна бригада, со која водел борби против албанските балисти. На 13 ноември 1944 година, кога веќе бил ослободен главниoт град на Македонија, храбро загинал во една борба против балистичките банди.[1]