Мицко Станкоски
Мицко Станкоски | ||
Роден | 1919 година Свињиште, Кичевско, Македонија под окупација на Кралство СХС | |
---|---|---|
Починал | септември, 1944 година Кичево, Македонија | |
Националност | Македонец |
Мицко Дејанов Станкоски ( 1919 во Свињиште, Кичевско — 1944 во Кичево) — македонски партизан, борец за слобода на Македонија и учесник во НОВ.[1]
Животопис[уреди | уреди извор]
По завршувањето на основното училиште, поради тешките услови за живот, бил принуден да оди на печалба во Белград. По окупацијата, се вратил во своето родно село. Станал член на СКОЈ, а во текот на 1943 година и член на КПМ. Во есента 1943 година доброволно стапил во редовите на Првата македонско-косовска бригада. Со Бригадата учествувал во повеќе борби низ Кичевско, а потоа заминал за Егејска Македонија во познатиот Февруарски поход. Во борбите на Богомила, се истакнал како доста храбар борец и бил поставен за командир на чета. По враќањето од Егејска Македонија, учествувал во борбите за Дебрца, Локов и Малесијата, но во септември 1944 година, во една борба со балистите, бил смртно погоден кај Соколаната во Кичево.[1]