Мице Јанкуловски

Од Википедија — слободната енциклопедија
Прејди на прегледникот Прејди на пребарувањето
Мице Јанкуловски
Роден(а)1954
Сливово, Охридско, СФРЈ СФР Југославија денес Македонија Македонија
НационалностМакедонец
Занимањесликар и карикатурист

Мице Јанкуловски (Сливово, Охридско, 1954) — македонски сликар и карикатурист. Добитник е на високата награда за животно остварување за сликарство „Лоренцо Ил Мањифико“ на 12то Меѓународно биенале на современа уметност што се одржува во Фиренца, Италија.[1]

Биографија[уреди | уреди извор]

Mice (21).jpg

Јанкуловски е мултимедијален уметник кој истражувал различни дисциплини уште од раната младост - од цртање до сликање, користејќи различни материјали и техники, вклучувајќи сатирично сликарство на стакло, од палиндром до цртан филм и анимација. Се бавел и со цртан филм и во 1978 година дебитирал во Вардар филм со анимираниот филм „Повлечи – потегни“. Дипломирал на Архитектонскиот факултет во Скопје. Живее и работи во Скопје, како директор на ОСТЕН и претседател на ЗКМ-Здружение на карикатуристи на Македонија.

Творештво и признанија[уреди | уреди извор]

Јанкуловски има над четириесет самостојни изложби во престижни места низ Македонија, како и на меѓународната сцена, меѓу кои: Палатата Ка‘ Занарди, Венеција (Италија), Градската галерија во Варна (Бугарија), Галерија Лола Николау во Солун (Грција), Архиви дела Мизерикордија, Венеција (Италија), Девлет Ресим Хукел Музејот во Анкара (Турција), Југословенскиот културен центар во Париз (Франција) – само да се споменат неколку (види ја деталната биографија на Мице Јанкуловски).

Наградата Лоренцо Ил Мањифико ја добил во рамките на ХII-тото Биенале Фиренца 2019 за извонредни постигнувања во текот на неговата животната посветеност кон уметноста, следи после повеќе од 10 награди и признанија кои веќе ги има добиено во текот на неговата 50-годишна уметничка кариера. Најскорешни се: наградата “Уметник на светот” на Биеналето Ларнака во Кипар (2018), Гран При на 19-тото Меѓународно биенале за графика во Варна, Бугарија (2017 година), каде што исто така ја освоил наградата за најдобра изложба на годината (2016) и почесната плакета од Министерството за култура на Бугарија (2012). Претходно, му било доделено Гран при на Светската галерија на карикатури Скопје (1997), Посебна награда на Светската галерија на карикатури, Прва награда од Здружението на карикатуристи на Македонија, Повелбата за ликовни уметности од Арбитражна заедница на Македонија и Наградата 13 Ноември од Град Скопје (1985) и Посебна награда на Светската галерија на карикатури во Скопје (1979).[2]

Покрај тоа, тој има придонесено за развојот на визуелните уметности во светот преку неговата посветеност како основач на ОСТЕН Музејот на цртеж, претседател на ОСТЕН Биеналето на цртеж и претседател на Здружението на карикатуристи од Македонија.

Наводи[уреди | уреди извор]

Надворешни врски[уреди | уреди извор]