Михал Апостолов - Гранити
| Михал Апостолов - Гранити | ||
| ||
| Роден | 25 ноември 1923 Крчишта, Костурско - Егејска Македонија | |
|---|---|---|
| Починал | 31 март 1948 Грамошта | |
Михал Апостолов - Гранити (25 ноември 1923 во Крчишта, Нестрамско — 31 март 1948 на Грамошта) — борец и воен раководител од Егејскиот дел на Македонија. Учесник во ЕЛАС од почетокот на 1943 година.[1]
Животопис[уреди | уреди извор]
Роден е во селото Крчишта, Нестрамско. Михал уште на 20 годишна возраст се приклучил во редовите на КПГ, бидејќи само тие ветувале слобода за македонскиот народ во Егејска Македонија. а од 1943 година веќе бил дел од единиците на ЕЛАС, во чии редови херојски се борел против фашистите за ослободување на својата татковина.[2]
Тој бил член на одредот „Лазо Трповски“ од самото негово формирање. Поради несогласувањата со раководството на КПГ (во мај 1944 година), тој преминал на територија на вардарскиот дел на Македонија, а истиот месец станал политички комесар на чета на Костурскиот македонски народно-ослободителен баталјон. Тој бил именуван за командир на вод во Костурско-леринскиот македонски народно-ослободителен баталјон „Гоче”, а потоа станал член на штабот на ДАГ за Вичо (ноември 1946) и политички комесар на баталјон на ДАГ.[1][3][4][5]
Михал, како ѝ целото свое семејство, бил целосно посветен на борбата за ослободување на народот. Неговата сестра Елефтерија служела во народната полиција и работела меѓу непријателските војски. Поради тешките услови, нејзиното здравје било влошено. Неговиот 19-годишен брат Апостол, исто така бил во редовите на ДАГ, бил убиен во 1948 година кратко време по херојската смрт на Михал.[2]
Гранити демонстрирал воени можности и набрзо станал офицер на ДАГ, комесар на баталјон. Во архивата на 14-та бригада на ДАГ, каде што тој служел како комесар на баталјон, опишан е со зборовите - „тој беше чесен, дисциплиниран, посветен борец“. На еден брифинг на кадрите на ДАГ во февруари 1948 година, одржал краток говор и меѓу другото истакнал:[2]
„Ние ќе го исполниме долгот кон нашата татковина до последната капка крв“
Гранити достоинствено го исполнил тоа негово ветување. На 31 март 1948 година, водејќи го баталјонот во нееднаквата Битка на Грамошта (Грамос), тој херојски загинал.[1][2]
Наводи[уреди | уреди извор]
- ↑ 1,0 1,1 1,2 Македонски историски речник. Скопје: ИНИ. 2000. стр. 41. ISBN 9989-624-46-1. На
|first=му недостасува|last=(help) - ↑ 2,0 2,1 2,2 2,3 Elizabeth Kolupacev Stewart, For Sacred National Freedom: Portraits Of Fallen Freedom Fighters, Politecon Publications, 2009[мртва врска]
- ↑ Личности од Македонија. Скопје: МИ-АН. 2002. стр. 27. ISBN 9989-613-28-1. На
|first=му недостасува|last=(help) - ↑ „АПОСТОЛОВ-ГРАНИТИ, Михали“. Македонска Енциклопедија. 2018-10-23.
- ↑ Д-р Александар Литовски (2008). Егејскиот дел на Македонија - Јубилеен календар 2008 (PDF). Битола: Организација на Македонците-потомци од Егејскиот дел на Македонија-Битола. стр. 21–22. Недостасува
|author1=(help)
Надворешни врски[уреди | уреди извор]
- Михал Апостолов - Гранити
- Apostolov Mihal (Graniti) Архивирано на 26 февруари 2021 г.