Миров

Од Википедија — слободната енциклопедија
Миров
Црквата Св. Јован во замокот
Црквата Св. Јован во замокот
Грб на Миров
Миров is located in Германија
Миров
Управа
Земја Германија
Покраина Мекленбург-Западна Померанија
Округ Мекленбуршка Езерска Област
Месна заед. Мала Мекленбуршка Езерска Област
Градоначалник Карло Шметау
Основни податоци
Површина 156,37 км2
Надм. височина 63 м
Население 3.883 (31 декември 2020)[1]
 - Густина 25 жит/км2
Други информации
Часовен појас CET/CEST (UTC+1/+2)
Рег. табл. MST
Пошт. бр. 17252
Повик. бр. 039833
Портал http://www.amt-mecklenburgische-kleinseenplatte.de/
Местоположба на градот Миров во рамките на округот Мекленбуршка Езерска Област
Карта
Координати 53°16′N 12°48′E / 53.267° СГШ; 12.800° ИГД / 53.267; 12.800Координати: 53°16′N 12°48′E / 53.267° СГШ; 12.800° ИГД / 53.267; 12.800

Миров (германски: Mirow) — град во округот Мекленбуршка Езерска Област, во сојузната покраина Мекленбург-Западна Померанија, Германија. Градот претставува административно седиште на општинската заедница Мала Мекленбуршка Езерска Област.

Потекло на името[уреди | уреди извор]

Името на градот потекнува од словенскиот збор „мир“. Името било извлечено од „вила мирове“, што означува место на мирот.

Географија[уреди | уреди извор]

Миров се наоѓа во средишниот дел на Мекленбуршката Езерска Област (Mecklenburgische Seenplatte) на јужниот брег на истоименото езеро, кое е поврзано со Мириц и со Хафел преку систем на езера, реки и канали. Постојат уште неколку езера на територијата на градот. Селата Димиц, Флет, Гранцов, Печ и Штарзов биле припоени кон градот во 2004 и сега се дел од него.

Историја[уреди | уреди извор]

Во 1227, Редот на Св. Јован основал бург на брегот на езерото Миров откако војводата Борвин Втори им дал земја тука; во горниот лев дел на грбот на градот сè уште е прикажан крстот на Редот на Св. Јован. Во 1701, градот станува дел од војводството Мекленбург-Штрелиц. Во 1919 добил градски права. Миров е родно место на Шарлота фон Мекленбург-Штрелиц, сопруга на Џорџ III.

Барокниот дворец, во изградба од 1749 до 1760, бил проектиран од Кристоф Јулиус Леве. Познат е по неговата балска сала и Црвениот салон со свилени завеси во кинески стил. Во англискиот парк на дворецот е погребан последниот голем војвода на Мекленбург-Штрелиц, кој умрел во 1918. Гробот на големиот војвода се наоѓа во готската црква на Св. Јован, која била повторно изградена по нејзиното целосно уништување во 1945.[2]

Галерија[уреди | уреди извор]

Наводи[уреди | уреди извор]

  1. „Населеност на окрузите, општините и месните заедници во Мекленбург-Западна Померанија на 31 декември 2020 г.“. Статистичка служба на Мекленбург-Западна Померанија. јули 2021. (германски)
  2. „Знаменитости и атракции во и околу Миров“.

Надворешни врски[уреди | уреди извор]