Прејди на содржината

Миралем Пјаниќ

Од Википедија — слободната енциклопедија
Миралем Пјаниќ
Лични податоци
Роден на 2 април 1990(1990-04-02) (36 г.)
Роден во Тузла, Босна и Херцеговина
Држава Луксембург Луксембург
Босна и Херцеговина Босна и Херцеговина (од 2007)
Висина &100000000000001780000001,78 м[1]
Позиција среден ред
Клупски податоци
Сегашен клуб Барселона Барселона
Број TBA
Младинска кариера
Шифланге 95
Мец Мец
Кариера*
Години Клуб Наст. (Гол.)
2007-2008 Мец Мец 32 (4)
2008-2011 Олимпик Лион Олимпик Лион 90 (10)
2011-2016 Рома Рома 159 (27)
2016-2020 Јувентус Јувентус 122 (15)
2020- Барселона Барселона 0 (0)
Репрезентација ‡
2006 Луксембург Луксембург 17 4 (5)
2006-2007 Луксембург Луксембург 19 3 (1)
2008- Босна и Херцеговина Босна и Херцеговина 92 (15)
* Ажурирано на: 6 јануари 2011
** Ажурирано на: 17 ноември 2010

Миралем Пјаниќ (роден на 2 април 1990, во Тузла) — босанскохерцеговачки фудбалер, играч од средниот ред на Барселона и на репрезентацијата на Босна и Херцеговина.

Животопис

[уреди | уреди извор]

Играчот е син на Фахрудин исто така некогашен фудбалер во третата југословенска лига и Фатима. Миралем има двојно државјанство:босанско и луксембуршко, земјата каде што се засолнил со своето семејство за кратко време по бегството од Војната во Босна.[2] Има прекар Џото[3], зборува шест јазици: босански, англиски, германски, луксембуршки, француски и италијански јазик.[4]

Во 2014 година го добил своето прво дете, синот Един, со својата долгогодишна девојка Јосефа од Ница, Франција.[5]

Технички одлики

[уреди | уреди извор]

Се смета за еден од најголемите таленти на неговата позиција во својата генерација,[6] Пјаниќ е вешт играч од средниот ред поседува квалитетен дриблинг[2][7][8] и одличен шут од далечина.[9] Во поглед на позицијата најчесто се користи како внатрешен играч од средниот ред пред одбраната, но може да игра и како офанзивен играч за врска зад напаѓачите.[10][11] Тој е специјалист за слободни удари,[2][12] во времето кога играл за Лион често тренирал шутирање на слободни удари заедно со Бразилецот Жунињо,[13] од кој бил сметан за наследник во францускиот клуб.[2]

Клупска кариера

[уреди | уреди извор]

Почетоци

[уреди | уреди извор]

Пјаниќ ја започнал својата кариера во луксембуршкиот клуб ФК Шифланге (Прва лига на Луксембург), откако на возраст од само седум години неговиот татко го открил неговиот талент и интерес за фудбалот. Додека бил во Шифланге Пјаниќ бил следен од скаути на неколку клубови од Белгија, Холандија и Германија, меѓутоа тој се одлучил да му се приклучи на францускиот Мец во 2004 година. Мец го откриле талентот на играчот преку поранешниот луксембуршки репрезентативец Гај Хелерс.

Мец

[уреди | уреди извор]

Пјаниќ му се приклучил на Мец на 14-годишна возраст со договор за млади играчи и поминал околу три години во академијата на клубот. Во сезоната 2005-2006, тој играше за тимот под-16 години кој го освоил Државното првенство за играчи под 16 години, а по завршувањето на таа сезона, потпишал петгодишен елит договор со клубот.[14] Откако сезоната 2006-2007 ја поминал настапувајќи за тимот под-18 години, Пјаниќ бил унапреден да игра за аматерскиот тим на клубот во Аматерското првенство на Франција за сезоната 2007-2008. Тој се појавил во игра во првите два натпревари од кампањата пред да заработи повик во сениорскиот тим од тренерот Френсис Де Тадео. На 18 август 2007, Пјаниќ го направил своето професионално фудбалско деби, на возраст од само 17 години во лигашки натпревар против Париз Сен Жермен, влегувајќи како замена во натпреварот што завршил без голови 0-0.[15] Веќе следната недела, тој го направил својот прв старт во поразот со 2-0 од Рен.[16]

По низа солидни настапи, на 30 ноември 2007 година, Пјаниќ го потпишал својот прв професионален договор во вредност од три години, кој го обврзал за клубот до 2010 година.[17] Откако станал професионалец, му бил доделен дресот со број 15. Пјаниќ го постигнал својот прв професионален гол за Мец на 15 декември 2007 година, во поразот со 2-1 од Сошо реализирајќи од пенал во 88-мата минута, со што станал еден од најмладите играчи во историјата кој успеале да постигнат гол во Лига 1.[18] Меѓу другите негови позитивни остварувања биле уште еден гол од пенал во поразот со 2-1 од Ница и погодокот во последното коло од сезоната против Ле Ман во возбудливата победа со 4-3.[19][20] Сезоната ја завршил со вкупно 38 настапи во сите натпреварувања и 4 постигнати гола.[21] Тој бил номиниран за наградата Млад играч на сезоната во Лига 1, која отишла во рацете на Хатем Бен Арфа. Со одличната форма и добрите игри во текот на целата сезона, Пјаниќ брзо го привлекол вниманието на поголемите клубови во Европа, но благдарение и на фактот што неговиот Мец испаднал во Лига 2.

Олимпик Лион

[уреди | уреди извор]

И покрај тоа што Мец добиле бројни понуди за услугите на играчот, на 6 јуни 2008 година, Пјаниќ и Мец постигнале договор со Олимпик Лион за трансфер на играчот во седумкратниот едноподруго шампион на Франција.[22] Сумата на трансферот изнесувала 7,5 милиони €, а Пјаниќ потпишал петгодишен договор.[23] Етикетиран како идна замена за ветеранот Жунињо, на презентацијата во новиот клуб на Пјаниќ му бил доделен дресот со бројот 18. Своето деби за Лион го направил во Суперкупот на Франција против Бордо во поразот по изведувањето на пенали.[24][25] Дебито во лигата го направил во победата со 3-0 на домашен терен над Тулуза на 10 август 2008.[26] Иако не бил постојан стартер, Пјаниќ често добивал шанса во првите три месеци од сезоната сè до повредата во натпреварот против Сошо кога ја скршил неговата мала писка по ужасниот старт врз него од страна на Стефан Далма.[27] Иако првично било дијагностицирано дека ќе биде надвор од акција еден месец, тој пропуштил два месеци и се вратил на 3 јануари 2009 година, во победата со 6-0 над аматерскиот клуб Конкерне во Купот на Франција играјќи 66 минути. На 24 февруари го направил своето деби во Лигата на шампионите, влегувајќи во игра во 89-тата минута на местото на Абдул Кадер Кеита во првиот натпревар од осминафиналето на домашен терен против Барселона што завршил 1-1.[28] Својата прва сезона во Олимпик ја завршил со вкупно 24 настапи во сите натпреварувања (20 во лигата, 2 во Купот на Франција, еден во Лигата на шампионите и еден во Суперкупот на Франција) без постигнат погодок.

За сезоната 2009-2010, Пјаниќ го сменил бројот на дресот земајќи го бројот 8, претходно носен од страна на Жунињо. Тој силно ја започнал сезоната постигнувајќи постигнувајќи го својот прв погодок во дресот на Лион од слободен удар во победата со 5-1 над белгискиот Андерлехт во плејоф рундата од Лигата на шампионите.[29] Неколку дена подоцна, тој го постигнал својот прв гол за Лион во лигата, во победата на неговиот тим со 3-0 над Осер.[30] Пјаниќ продолжил со одличните игри и во првото коло од групната фаза на Лигата на шампионите го постигнал единствениот гол за победа (1-0) на домашен терен над италијанската Фјорентина.[31] Во вториот натпревар на Лион од групата против унгарскиот Дебрецен, тој повторно постигнал гол, и повторно од слободен удар, но исто така имал и две асистенции за други два гола во победата со 4-0 на гости.[32] На 10 март 2010 година, Пјаниќ го постигнал израмнувачкиот гол за Лион во ремито 1-1 против Реал Мадрид со кој му помогнал на својот тим да се пласира во четвртфиналето на Лигата на шампионите по победата со 1-0 во првиот натпревар во Франција.[33] Фантастичната сезоната во која бил еден од главните играчи во својата екипа ја завршил со вкупно 53 настапи (37 во лигата 2 во Лига купот и 14 во Лигата на шампионите) и 11 постигнати гола (6 во лигата и 5 во Лигата на шампионите).

Следната сезона Пјаниќ ја започнал играјќи како стартер во првите три натпревари на клубот. Сепак, по доаѓањето на Јоан Гуркуф, тој останал на клупата, појавувајќи се како замена во следните седум натпревари на тимот последователно. На 29 септември 2010 година, Пјаниќ го постигна својот прв гол за сезоната во победата со 3-1 над израелскиот клуб Хапоел Тел Авив во Лигата на шампионите.[34] Како резултат на својата добра форма, тренерот Клод Пуел експериментирал со почетната постава започнувајќи и со Гуркуф и со Пјаниќ во средниот ред, но по само два натпревари победата со 2-0 над Бенфика во Лигата на шампионите и ремито 1-1 со Рен во лигата, оваа тактика била напуштена.[35][36] Својата последна целосна сезона во Лион, Пјаниќ ја завршил со вкупно 39 настапи и 4 гола.

Рома

[уреди | уреди извор]
Пјаниќ во Рома во 2012

На 31 август 2011 година, Пјаниќ потпишал четиригодишен договор со Рома за надомест од 11 милиони евра.[37][38] На 11 септември 2011 го направил своето деби за Рома во поразот на домашен натпревар од Каљари со 1-2.[39] Својот прв гол во италијанскиот фудбал го постигнал на 20 ноември 2011 против Лече, првиот за Рома во победата со 2-1.[40] Во неговата прва сезона во Италија одиграл забележал севкупно 31 настап и 3 гола, и бил еден од ретките кој ги избегнале критиките во катастрофалната сезона на Рома со тренерот Луис Енрике.

Во првиот дел од следната сезона Пјаниќ започнувал најчесто од клупата, поради лошиот однос што го имал со новиот тренер Зденек Земан завршувајќи ја сезоната со само 29 натпревари и 4 гола;[41] меѓутоа со доаѓањето на клупата на Руди Гарсија од сезоната 2013-2014, Пјаниќ станал незаменлива фигура во средниот ред на Рома. Тој ја имал клучната улога во остварувањето на клупскиот рекорд од десет победи во првите десет кола во Серија А. Својот прв гол за сезоната го постигнал на 1 септември 2013 во победата со 3-0 над Верона на домашен терен и асистирал за третиот гол што го постигнал Адем Љајиќ. На 18 октомври 2013 во осмото коло од првенството Пјаниќ го решил дербито против Наполи на Олимпико со два гола за победа на џалоросите со 2-0.[42] На 25 април 2014, Пјаниќ постигнал еден од најубавите голови во Серија А за сезоната со фантастичен соло продор против Милан во победата со 2-0. Сезоната ја завршил со вкупно 38 настапи (35 во лигата и 3 во купот) и 6 гола (сите во лигата), помагајќи и на Рома да заврши на второто место зад шампионот Јувентус.

Следната сезона повторно Пјаниќ играл одлично. На 17 септември 2014 го одиграл првиот натпревар во Лигата на шампионите во дресот на Рома во победата со 5-1 над ЦСКА Москва. На 30 ноември 2014 постигнал два гола во победата на домашен терен над Интер со 4-2.[43] На крајот на сезоната Пјаниќ и Рома повторно неуспеале да дојдат до скудетото откако повторно ја загубиле битката со Јувентус, завршувајќи одново на второто место.

Во сезоната 2015-2016 Руди Гарсија добил отказ и на негово место во средината на сезоната дошол Лучано Спалети, но ситуацјата за Пјаниќ останала непроменета бидејќи тој добивал голема минутажа и кај двајцата тренери. Пјаниќ ја започнал сезоната со прекрасен гол од слободен удар на 30 август 2015 во победата со 2-1 над Јувентус. Тој постигнал 10 гола во Серија А што е негов личен рекорд по бројот на постигнати голови во едно првенство (претходниот изнесувал 6 гола во сезоната 2009-2010 со Лион и 2013-2014 со Рома). Исто така тој бил најдобриот асистент во лигата со 12 асистенции колку што имал и Пол Погба од Јувентус.

Јувентус

[уреди | уреди извор]

На 13 јуни 2016 година, Јувентус го купил Пјаниќ од Рома за 32 милиони евра, потпишувајќи петгодишен договор со играчот во вредност од 4,5 милиони евра по сезона плус бонуси.[44][45] На неговата презентација на 12 јули, Пјаниќ избрал да го носи дресот со број 5.[46] Откако ги пропуштил првите два натпревари во Серија А, Пјаниќ дебитирал во третиот првенствен натпревар на својот клуб започнувајќи како стартер во победата со 3-1 на домашен терен против Сасуоло, притоа во истиот го постигнал својот гол првенец за Јувентус.[47]

Репрезентативна кариера

[уреди | уреди извор]

Луксембург

[уреди | уреди извор]
Миралем Пјаниќ во дресот на репрезентацијата на Босна и Херцеговина.

Во 2006 година Пјаниќ играл за репрезентацијата на Луксембург под 17 години на Европското првенство за играчи под 17 години, каде Луксембург како домаќин автоматски се квалификувал. Тој го постигнал единствениот погодок за Луксембург на турнирот, со прекрасен лоб удар од далечина, во поразот со 7-1 од Шпанија. Истата година тој постигнал 4 гола против Белгија во натпревар кој завршил 5-5. Иако играл за младите селекции на Луксембург, во 2007 година Пјаниќ истакнал дека во иднина сака да игра само за репрезентацијата на Босна и Херцеговина, од каде му се по потекло и двајцата родители. Таа негова одлука наишла на големо негодување и неразбирање во Луксембург. Некое време бил изложен под голем притисок на медиумите и Фудбалскиот сојуз на Луксембург па дури и под уцени, но сепак тој останал цврсто при својата одлука. Во тоа го поддржал и неговиот татко Фахрудин.

Босна и Херцеговина

[уреди | уреди извор]

Во 2007 година најпрво бил повикан во репрезентацијата на Босна и Херцеговина под 21 година. Меѓутоа поради административни проблеми, односно поради тоа што не поседувал босански пасош не му било дозволено да дебитира. Меѓутоа во почетокот на 2008 година добил пасош и ги исполнил сите услови за да може да заигра за репрезентацијата на Босна и Херцеговина. Дебитирал на 20 октомври 2008 во Зеница во пријателски натпревар против Бугарија. Својот прв гол за репрезентацијата на БиХ го постигнал на 3 март 2010 во пријателски натпревар против Гана во победата со 2-1.

Во 2014 година Пјаниќ се нашол на списокот од 23 играчи на селекторот Сафет Сушиќ за Светското првенство во Бразил и дебитирал во првиот натпревар на репрезентацијата против Аргентина во поразот со 2-1 на Маракана.[48] На 25 јуни, за време на последниот натпревар од групата против Иран, Пјаниќ постигнал гол во победата со 3-1 што била прва историска победа за Босна и Херцеговина на Светските првенства.[49]

Хронологија на репрезентативните настапи

[уреди | уреди извор]
Хронологија на настапи и постигнати голови за националната селекција ― Босна и Херцеговина
Дата Град Домашни Резултат Гости Натпреварување Голови Инфо Детали
20-8-2008ЗеницаБосна и Херцеговина Босна и Херцеговина2 – 1Бугарија БугаријаПријателска-
6-9-2008ЕлчеШпанија Шпанија1 – 0Босна и Херцеговина Босна и ХерцеговинаКвал. за СП 2010-влегол во игра 85'
10-9-2008ЗеницаБосна и Херцеговина Босна и Херцеговина7 – 0Естонија ЕстонијаКвал. за СП 2010-влегол во игра 66'
11-10-2008ИстанбулТурција Турција2 – 1Босна и Херцеговина Босна и ХерцеговинаКвал. за СП 2010-влегол во игра 80' добил жолт картон во 88-мата минута 88'
28-3-2009БриселБелгија Белгија2 – 4Босна и Херцеговина Босна и ХерцеговинаКвал. за СП 2010-влегол во игра 85'
1-4-2009ЗеницаБосна и Херцеговина Босна и Херцеговина2 – 1Белгија БелгијаКвал. за СП 2010-влегол во игра 77'
9-6-2009КанОман Оман1 – 2Босна и Херцеговина Босна и ХерцеговинаПријателска-влегол во игра 67'
12-8-2009СараевоБосна и Херцеговина Босна и Херцеговина2 – 3Иран ИранПријателска-заменет 69'
5-9-2009ЕреванЕрменија Ерменија0 – 2Босна и Херцеговина Босна и ХерцеговинаКвал. за СП 2010-влегол во игра 64'
9-9-2009ЗеницаБосна и Херцеговина Босна и Херцеговина1 – 1Турција ТурцијаКвал. за СП 2010-влегол во игра 61'
14-10-2009ЗеницаБосна и Херцеговина Босна и Херцеговина2 – 5Шпанија ШпанијаКвал. за СП 2010-
14-11-2009ЛисабонПортугалија Португалија1 – 0Босна и Херцеговина Босна и ХерцеговинаКвал. за СП 2010-влегол во игра 87'
18-11-2009ЗеницаБосна и Херцеговина Босна и Херцеговина0 – 1Португалија ПортугалијаКвал. за СП 2010-
3-3-2010СараевоБосна и Херцеговина Босна и Херцеговина2 – 1Гана ГанаПријателска1
29-5-2010СолнаШведска Шведска4 – 2Босна и Херцеговина Босна и ХерцеговинаПријателска-
3-6-2010ФранкфуртГерманија Германија3 – 1Босна и Херцеговина Босна и ХерцеговинаПријателска-
10-8-2010СараевоБосна и Херцеговина Босна и Херцеговина1 – 1Катар КатарПријателска-заменет 78'
3-9-2010ЛуксембургЛуксембург Луксембург0 – 3Босна и Херцеговина Босна и ХерцеговинаКвал. за Евро 20121заменет 78'
7-9-2010ЗеницаБосна и Херцеговина Босна и Херцеговина0 – 2Франција ФранцијаКвал. за Евро 2012-добил жолт картон во 45-тата минута 45'
8-10-2010ТиранаАлбанија Албанија1 – 1Босна и Херцеговина Босна и ХерцеговинаКвал. за Евро 2012-
17-11-2010БратиславаСловачка Словачка2 – 3Босна и Херцеговина Босна и ХерцеговинаПријателска1заменет 85'
10-2-2011АтлантаМексико Мексико2 – 0Босна и Херцеговина Босна и ХерцеговинаПријателска-
26-3-2011ЗеницаБосна и Херцеговина Босна и Херцеговина2 – 1Романија РоманијаКвал. за Евро 2012-
3-6-2011БукурештРоманија Романија3 – 0Босна и Херцеговина Босна и ХерцеговинаКвал. за Евро 2012-
7-6-2011ЗеницаБосна и Херцеговина Босна и Херцеговина2 – 0Албанија АлбанијаКвал. за Евро 2012-заменет 77'
3-9-2011МинскБелорусија Белорусија0 – 2Босна и Херцеговина Босна и ХерцеговинаКвал. за Евро 2012-добил жолт картон во 79-тата минута 79'
7-10-2011ЗеницаБосна и Херцеговина Босна и Херцеговина5 – 0Луксембург ЛуксембургКвал. за Евро 20121
11-10-2011Сен ДениФранција Франција1 – 1Босна и Херцеговина Босна и ХерцеговинаКвал. за Евро 2012)-
11-11-2011ЗеницаБосна и Херцеговина Босна и Херцеговина0 – 0Португалија ПортугалијаКвал. за Евро 2012 (Бараж)-
15-11-2011ЛисабонПортугалија Португалија6 – 2Босна и Херцеговина Босна и ХерцеговинаКвал. за Евро 2012 (Бараж)-заменет 65'
28-2-2012Санкт ГаленБосна и Херцеговина Босна и Херцеговина1 – 2Бразил БразилПријателска-заменет 81'
26-5-2012ДаблинИрска Ирска1 – 0Босна и Херцеговина Босна и ХерцеговинаПријателска-
1-6-2012ЧикагоМексико Мексико2 – 1Босна и Херцеговина Босна и ХерцеговинаПријателска-заменет 89'
15-8-2012ЛанелиВелс Велс0 – 2Босна и Херцеговина Босна и ХерцеговинаПријателска-заменет 82'
7-9-2012ВадуцЛихтенштајн Лихтенштајн1 – 8Босна и Херцеговина Босна и ХерцеговинаКвал. за СП 2014-заменет 79'
11-9-2012ЗеницаБосна и Херцеговина Босна и Херцеговина4 – 1Латвија ЛатвијаКвал. за СП 20141
16-10-2012ЗеницаБосна и Херцеговина Босна и Херцеговина3 – 0Литванија ЛитванијаКвал. за СП 20141заменет 67'
14-11-2012АлжирАлжир Алжир0 – 1Босна и Херцеговина Босна и ХерцеговинаПријателска-
6-2-2013КоперСловенија Словенија0 – 3Босна и Херцеговина Босна и ХерцеговинаПријателска1
7-6-2013РигаЛатвија Латвија0 – 5Босна и Херцеговина Босна и ХерцеговинаКвал. за СП 20141
14-8-2013СараевоБосна и Херцеговина Босна и Херцеговина3 – 4САД САДПријателска-заменет 61'
6-9-2013ЗеницаБосна и Херцеговина Босна и Херцеговина0 – 1Словачка СловачкаКвал. за СП 2014-
10-9-2013ЖилинаСловачка Словачка1 – 2Босна и Херцеговина Босна и ХерцеговинаКвал. за СП 2014-добил жолт картон во 29-тата минута 29'
11-10-2013ЗеницаБосна и Херцеговина Босна и Херцеговина4 – 1Лихтенштајн ЛихтенштајнКвал. за СП 2014-заменет 61'
15-10-2013КаунасЛитванија Литванија0 – 1Босна и Херцеговина Босна и ХерцеговинаКвал. за СП 2014-
19-11-2013Сан ЛуисАргентина Аргентина2 – 0Босна и Херцеговина Босна и ХерцеговинаПријателска-
30-5-2014Сент ЛуисБосна и Херцеговина Босна и Херцеговина2 – 1Брег на Слоновата Коска Брег на Слоновата КоскаПријателска-
3-6-2014ЧикагоМексико Мексико0 – 1Босна и Херцеговина Босна и ХерцеговинаПријателска-заменет 75'
15-6-2014Рио де ЖанеироАргентина Аргентина2 – 1Босна и Херцеговина Босна и ХерцеговинаСП 2014 - Прва фаза-
21-6-2014КујабаНигерија Нигерија1 – 0Босна и Херцеговина Босна и ХерцеговинаСП 2014 - Прва фаза-
25-6-2014СалвадорБосна и Херцеговина Босна и Херцеговина3 – 1Иран ИранСП 2014 - Прва фаза1
4-9-2014ТузлаБосна и Херцеговина Босна и Херцеговина3 – 0Лихтенштајн ЛихтенштајнПријателска-заменет 46'
9-9-2014ЗеницаБосна и Херцеговина Босна и Херцеговина1 – 2Кипар КипарКвал. за Евро 2016-
10-10-2014КардифВелс Велс0 – 0Босна и Херцеговина Босна и ХерцеговинаКвал. за Евро 2016-добил жолт картон во 34-тата минута 34'
13-10-2014ЗеницаБосна и Херцеговина Босна и Херцеговина1 – 1Белгија БелгијаКвал. за Евро 2016-
16-11-2014ХаифаИзраел Израел3 – 0Босна и Херцеговина Босна и ХерцеговинаКвал. за Евро 2016-заменет 62'
28-3-2015Андора ла ВељаАндора Андора0 – 3Босна и Херцеговина Босна и ХерцеговинаКвал. за Евро 2016-
31-3-2015ВиенаАвстрија Австрија1 – 1Босна и Херцеговина Босна и ХерцеговинаПријателска-заменет 46'
12-6-2015ЗеницаБосна и Херцеговина Босна и Херцеговина3 – 1Израел ИзраелКвал. за Евро 2016-заменет 88'
3-9-2015БриселБелгија Белгија3 – 1Босна и Херцеговина Босна и ХерцеговинаКвал. за Евро 2016-
6-9-2015ЗеницаБосна и Херцеговина Босна и Херцеговина3 – 0Андора АндораКвал. за Евро 2016-заменет 45'
10-10-2015ЗеницаБосна и Херцеговина Босна и Херцеговина2 – 0Велс ВелсКвал. за Евро 2016-
13-10-2015НикозијаКипар Кипар2 – 3Босна и Херцеговина Босна и ХерцеговинаКвал. за Евро 2016-добил жолт картон во 64-тата минута 64' заменет 85'
13-11-2015ЗеницаБосна и Херцеговина Босна и Херцеговина1 – 1Ирска ИрскаКвал. за Евро 2016 (Бараж)-
16-11-2015ДаблинИрска Ирска2 – 0Босна и Херцеговина Босна и ХерцеговинаКвал. за Евро 2016 (Бараж)-
25-3-2016ЛуксембургЛуксембург Луксембург0 – 3Босна и Херцеговина Босна и ХерцеговинаПријателска1влегол во игра 67'
29-3-2016ЦирихШвајцарија Швајцарија0 – 2Босна и Херцеговина Босна и ХерцеговинаПријателска1заменет 73'
29-5-2016Санкт ГаленШпанија Шпанија3 – 1Босна и Херцеговина Босна и ХерцеговинаПријателска-
6-9-2016ЗеницаБосна и Херцеговина Босна и Херцеговина5 – 0Естонија ЕстонијаКвал. за СП 2018-
7-10-2016БриселБелгија Белгија4 – 0Босна и Херцеговина Босна и ХерцеговинаКвал. за СП 2018-заменет 81'
10-10-2016ЗеницаБосна и Херцеговина Босна и Херцеговина2 – 0Кипар КипарКвал. за СП 2018-
13-11-2016АтинаГрција Грција1 – 1Босна и Херцеговина Босна и ХерцеговинаКвал. за СП 2018-добил жолт картон во 66-тата минута 66'
25-3-2017ЗеницаБосна и Херцеговина Босна и Херцеговина5 – 0Гибралтар ГибралтарКвал. за СП 2018-заменет 56'
9-6-2017ЗеницаБосна и Херцеговина Босна и Херцеговина0 – 0Грција ГрцијаКвал. за СП 2018-
31-8-2017НикозијаКипар Кипар3 – 2Босна и Херцеговина Босна и ХерцеговинаКвал. за СП 2018-добил жолт картон во 70-тата минута 70'
23-3-2018СофијаБугарија Бугарија0 – 1Босна и Херцеговина Босна и ХерцеговинаПријателска-
27-3-2018Ле АврСенегал Сенегал0 – 0Босна и Херцеговина Босна и ХерцеговинаПријателска-заменет 72'
28-5-2018ЗеницаБосна и Херцеговина Босна и Херцеговина0 – 0Црна Гора Црна ГораПријателска-
1-6-2018ЧонџуЈужна Кореја Јужна Кореја1 – 3Босна и Херцеговина Босна и ХерцеговинаПријателска-заменет 57'
8-9-2018БелфастСеверна Ирска Северна Ирска1 – 2Босна и Херцеговина Босна и ХерцеговинаУЕФА Лига на нации 2018-2019 - Прва фаза-добил жолт картон во 30-тата минута 30' заменет 83'
11-9-2018ЗеницаБосна и Херцеговина Босна и Херцеговина1 – 0Австрија АвстријаУЕФА Лига на нации 2018-2019 - Прва фаза-заменет 89'
11-10-2018РизеТурција Турција0 – 0Босна и Херцеговина Босна и ХерцеговинаПријателска-заменет 46'
15-10-2018СараевоБосна и Херцеговина Босна и Херцеговина2 – 0Северна Ирска Северна ИрскаУЕФА Лига на нации 2018-2019 - Прва фаза-
15-11-2018ВиенаАвстрија Австрија0 – 0Босна и Херцеговина Босна и ХерцеговинаУЕФА Лига на нации 2018-2019 - Прва фаза-заменет 87'
23-3-2019СараевоБосна и Херцеговина Босна и Херцеговина2 – 1Ерменија ЕрменијаКвал. за Евро 2020-
26-3-2019ЗеницаБосна и Херцеговина Босна и Херцеговина2 – 2Грција ГрцијаКвал. за Евро 20201Red card 65'
11-6-2019ТориноИталија Италија2 – 1Босна и Херцеговина Босна и ХерцеговинаКвал. за Евро 2020-
Вкупно Настапи (3. место) 87 Голови (7. место) 12

Клупска статистика

[уреди | уреди извор]

Статистиката е ажурирана на 14 мај 2016

Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2007-2008Франција МецЛ1324КФ+ЛКФ4+21+0------385
2008-2009Франција Олимпик ЛионЛ1200КФ+ЛКФ2+00ЛШ10СФ10240
2009-2010Л1376КФ+ЛКФ0+20ЛШ14[50]5[51]---5311
2010-2011L1303КФ+ЛКФ0+10ЛШ81---394
ago. 2011L131КФ+ЛКФ--ЛШ2[52]0---51
Вкупно Лион9010502561012116
2011-2012Италија РомаА303КИ10ЛЕ--313
2012-2013А273КИ21------294
2013-2014А356КИ30------386
2014-2015А345КИ20ЛШ+ЛЕ6+40---465
2015-2016А3310КИ10ЛШ72---4112
Вкупно Рома1592791172--18530
2016-2017Италија ЈувентусА285КИ42ЛШ111СИ10448
Вкупно во кариерата309462445392038859

Титули

[уреди | уреди извор]

Италија Јувентус

[уреди | уреди извор]

Наводи

[уреди | уреди извор]
  1. ↑ „Pjanić | 2022/2023 player page | Midfielder | FC Barcelona Official website“. www.fcbarcelona.com (англиски). Посетено на 2024-09-27.
  2. 1 2 3 4 Christian Châtelet (25 септември 2009). uefa.com (уред.). „L'erede di Juninho si chiama Pjanić“. Посетено на 9 септември 2014.
  3. ↑ ilgiallorosso.com, уред. (14 јуни 2014). „Il Romanista – E domani Pjanic sfida Messi“. Архивирано од изворникот на 2016-03-04. Посетено на 28 јуни 2014.
  4. ↑ ilgiornale.it, уред. (3 јануари 2014). „Altri 4 anni per blindare Pjanic“. Посетено на 27 ноември 2014.
  5. ↑ „архивски примерок“. Архивирано од изворникот на 2016-03-03. Посетено на 2016-07-11.
  6. ↑ thespoiler.co.uk, уред. (2 ноември 2010). „Don Balon's list of the 100 best young players in the world“ (англиски). Посетено на 19 октомври 2014.
  7. ↑ gazzetta.it, уред. (25 април 2014). „Roma-Milan 2-0, Pjanic e Gervinho affondano i rossoneri e avvertono al Juventus“. Посетено на 19 октомври 2014.
  8. ↑ gazzetta.it, уред. (12 јуни 2014). „Ok, l'Argentina passa Poi Dzeko o Obi Mikel?“. стр. 37. Посетено на 12 септември 2014.
  9. ↑ gazzetta.it, уред. (27 јули 2014). „Roma, Pjanic, supergol e sfottò: "Il piede è a posto..."“. Посетено на 19 октомври 2014.
  10. ↑ Vanni Spinella (8 ноември 2015). Sky Sport (уред.). „Roma, derby senza Pjanic: ecco perché è un problema per Garcia“. Посетено на 16 јуни 2016.[мртва врска]
  11. ↑ Antonino Milone (9 јуни 2016). Tuttosport (уред.). „Calciomercato Juventus, due ruoli e tanta "tecnica": ecco perché Allegri vuole Pjanic“.
  12. ↑ „A Pirlo l'abbraccio di Juninho: tu e Pjanic i più grandi“. 11 јуни 2014. Архивирано од изворникот на 2016-03-05. Посетено на 9 септември 2014.
  13. ↑ gazzetta.it, уред. (12 јуни 2014). „Il maestro Juninho lo incorona“. стр. 9. Архивирано од изворникот на 2020-07-24. Посетено на 9 септември 2014.
  14. ↑ „5 ans pour Pjanic“ (француски). FC Metz. 15 June 2006. Посетено на 20 July 2010.
  15. ↑ „Metz v. PSG Match Report“ (француски). Ligue de Football Professionnel. 18 August 2007. Посетено на 20 July 2010.[мртва врска]
  16. ↑ „Rennes v. Metz Match Report“ (француски). Ligue de Football Professionnel. 25 August 2007. Архивирано од изворникот на 2007-10-01. Посетено на 20 July 2010.
  17. ↑ „Pjanic signe trois ans“ (француски). FC Metz. 30 November 2007. Архивирано од изворникот на 2008-12-11. Посетено на 20 July 2010.
  18. ↑ „Metz v. Sochaux Match Report“ (француски). Ligue de Football Professionnel. 15 December 2007. Архивирано од изворникот на 2008-05-25. Посетено на 20 July 2010.
  19. ↑ „Metz v. Sochaux Match Report“ (француски). Ligue de Football Professionnel. 15 March 2008. Архивирано од изворникот на 2008-04-19. Посетено на 20 July 2010.
  20. ↑ „Metz v. Le Mans Match Report“ (француски). Ligue de Football Professionnel. 17 May 2008. Архивирано од изворникот на 2008-05-21. Посетено на 20 July 2010.
  21. ↑ fcmetz.com (уред.). „Miralem Pjanić“ (француски). Архивирано од изворникот на 2008-12-31. Посетено на 19 октомври 2010.
  22. ↑ „Miralem Pjanic est Lyonnais“ (француски). Lyonnais F.C. 6 June 2008. Посетено на 20 July 2010.
  23. ↑ http://www.actusnews.com/documents_communiques/ACTUS-0-12794-718-CP_080606.pdf
  24. ↑ „Pjanic, le nouveau Juninho?“ (француски). Foot01. 10 July 2008. Посетено на 20 July 2010.
  25. ↑ „Miralem Pjanic – Lyon's New Juninho“. Just Football. 30 September 2009. Архивирано од изворникот на 2009-10-03. Посетено на 20 July 2010.
  26. ↑ „Lyon v. Toulouse Match Report“ (француски). Ligue de Football Professionnel. 10 August 2008. Архивирано од изворникот на 2009-04-30. Посетено на 20 July 2010.
  27. ↑ „Pjanic fractures fibula“. Sign On San Diego. 31 October 2008. Посетено на 20 July 2010.
  28. ↑ gazzetta.it, уред. (24 февруари 2009). „Henry salva il Barça - Porto, un pari pesante“. Посетено на 27 ноември 2014.
  29. ↑ „On-fire new boys revive Lyon of old“. Union of European Football Associations. 19 August 2009. Архивирано од изворникот на 2016-01-18. Посетено на 20 July 2010.
  30. ↑ „Auxerre v. Lyon Match Report“ (француски). Ligue de Football Professionnel. 22 August 2009. Посетено на 20 July 2010.
  31. ↑ „Pjanić punishes ten man Viola“. Union of European Football Associations. 16 September 2009. Архивирано од изворникот на 2016-01-18. Посетено на 20 July 2010.
  32. ↑ „Debrecen floored by early Lyon blitz“. Union of European Football Associations. 29 September 2009. Архивирано од изворникот на 2016-01-18. Посетено на 20 July 2010.
  33. ↑ „Real Madrid 1–1 Lyon“. ESPN. 11 March 2010. Архивирано од изворникот на 2011-06-29. Посетено на 12 March 2010.
  34. ↑ „Lyon hold off Hapoel thanks to Bastos double“. Union of European Football Associations. 29 September 2010. Посетено на 22 November 2010.
  35. ↑ „Lyon cruise to victory against ten-man Benfica“. Union of European Football Associations. 20 October 2010. Посетено на 22 November 2010.
  36. ↑ „Rennes v. Lyon Match Report“. Ligue de Football Professionnel. 6 November 2010. Архивирано од изворникот на 2010-11-14. Посетено на 22 November 2010.
  37. ↑ asroma.it, уред. (31 август 2011). „Acquisizione a titolo definitivo dei diritti alle prestazioni sportive del calciatore Miralem Pjanić“ (PDF). Посетено на 19 октомври 2014.
  38. ↑ „Lyon confirm agreement with Roma for transfer of Miralem Pjanic“. Goal.com. 31 August 2011. Посетено на 31 August 2011.
  39. ↑ gazzetta.it, уред. (11 септември 2011). „Luis Enrique: "Roma, serve tempo"De Rossi: "Mancaconcretezza"“. Посетено на 19 октомври 2014.
  40. ↑ corrieredellosport.it, уред. (20 ноември 2011). „Pjanic-Gago, la Roma sale“. Архивирано од изворникот на 2015-09-24. Посетено на 21 ноември 2011.
  41. ↑ ilmessaggero.it, уред. (3 ноември 2012). „Roma, Pjanic e il mercato: queste voci mi lusingano“. Архивирано од изворникот на 2015-11-21. Посетено на 12 ноември 2012.
  42. ↑ Mandara, Paolo. „Serie A: Roma-Napoli 2-0, doppietta di Pjanic - Calcio - Sportmediaset“. Sportmediaset.it. Архивирано од изворникот на 2016-08-28. Посетено на 2016-06-21.
  43. ↑ „Roma-Inter 4-2: doppio Pjanic fa piangere Mancini“. La Gazzetta dello Sport - Tutto il rosa della vita. Посетено на 2016-06-21.
  44. ↑ Јувентус, уред. (13 јуни 2016). „Pjanic è bianconero!“. juventus.com.
  45. ↑ Рома, уред. (13 јуни 2016). „L'AS Roma ufficializza il trasferimento di Miralem Pjanic alla Juventus FC“. asroma.com.[мртва врска]
  46. ↑ Alberto Mauro (12 јули 2016). gazzetta.it (уред.). „Pjanic: "La Juve vince, qui ho capito perché. Avrò il 5 di Zidane"“.
  47. ↑ Valerio Clari (10 септември 2016). gazzetta.it (уред.). „Juve-Sassuolo 3-1: Higuain doppietta, segna anche Pjanic, Allegri fa festa“.
  48. ↑ „Arg 2–1 Bos-Herce“. BBC. 16 June 2014. Посетено на 22 June 2014.
  49. ↑ „Bos-Herce 3–1 Iran“. BBC. 25 June 2014. Посетено на 27 June 2014.
  50. ↑ 2 настапи во плејоф рундата.
  51. ↑ 1 гол во плејоф рундата.
  52. ↑ Во плејоф рундата.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Миралем_Пјаниќ&oldid=5611413“