Прејди на содржината

Мигел Лајун

Од Википедија — слободната енциклопедија
Мигел Лајун
Лични податоци
Полно име Мигел Артуро Лајун Прадо[1]
Роден на 25 јуни 1988(1988-06-25) (37 г.)[2]
Роден во Кордоба, Мексико
Држава Мексико Мексико
Висина &100000000000001760000001,76 м[3]
Играчки податоци
Позиција одбрана, среден ред
Повлекување 2023 (35 г.)
Кариера*
Години Клуб Наст.† (Гол.)†
2007-2009 Веракрус Веракрус 58 (1)
2009-2010 Аталанта Аталанта 2 (0)
2010-2015 Клуб Америка Клуб Америка 142 (15)
2015 Вотфорд Вотфорд 20 (1)
2015-2018 Порто Порто 50 (6)
2018 →Севиља Севиља 16 (2)
2018-2019 Виљареал Виљареал 8 (0)
2019-2021 Монтереј Монтереј 73 (3)
2021-2023 Клуб Америка Клуб Америка 68 (1)
Репрезентација
2013-2020 Мексико Мексико 73 (6)

Мигел Артуро Лајун Прадо (роден на 25 јуни 1988 во Кордоба) — мексикански поранешен фудбалер, играч од одбраната или од средниот ред.

Биографија

[уреди | уреди извор]

Тој има либанско потекло (родителите емигрирале од селото Беит Мелет, во близина на Акар).[4] Во 2019 година, му бил дијагностициран рак, кој подоцна бил отстранет.[5][6]

Технички карактеристики

[уреди | уреди извор]

Неговата примарна позиција била лев бек,[4] но можел да игра и како страничен играч за врска[4] и како десен бек.[4] Опремен со добра техника,[4] тој ја претпочита офанзивната фаза, каде се прославил по добриот центаршут и давањето асистенции за соиграчите, но не ретко и самиот знаел да постигнува голови.[4]

Клупска кариера

[уреди | уреди извор]

Почетоци и Веракрус

[уреди | уреди извор]

Во 2006 година, Лајун ја започнал својата професионална кариера со екипата на Галос Калиенте Тихуана,[7] која била резервен тим на тогашниот второлигаш, Керетаро.[8][9] Тој го направил своето деби во натпреварот против Монаркас Морелија Примера „А“ на 5 октомври 2006 година.

Лајун со Веракрус во 2008

На почетокот на 2007 година, Лајун се преселил во Веракрус, клубот од неговата родна мексиканска држава, со кој дебитирал во Примера Дивисион за време на Клаусура 2007 во натпреварот против Некакса што завршил нерешено 1-1 на 28 април 2007. Во Апертура 2007, тој забележал 13 настапи, додека во Клаусура 2008 забележал 17 настапи.[10] По завршувањето на Клаусура 2008, тимот испаднал во Лига де Асенсо.[11]

И покрај испаѓањето, Лајун останал во Веракрус и забележал 27 настапи и еден гол во втората мексиканска лига. Својот прв и единствен погодок за Веракрус, Лајун го постигнал на 25 февруари 2009, во победата со 5-1 над Тампико Мадеро, постигнувајќи го петтиот и последен гол во натпреварот.[12][13]

Аталанта

[уреди | уреди извор]

Во летото 2009 година, тој пристигнал во Италија на пробен период во Аталанта, кој на крајот се покажал успешен и клубот од Бергамо потпишал договор со него со намера да го користи како бек.[14]

На 27 септември 2009, тој го направил своето деби во Серија А, влегувајќи во второто полувреме на местото на Хаиме Валдес во ремито 1-1 на гостувањето кај Кјево во Верона, со што станал првиот мексиканец кој играл во натпревар од највисоката италијанска фудбалска лига.[15] Вториот настап го забележал против Каљари на 1 ноември, повторно влегувајќи како замена, овојпaт место Никола Мадона во 66-тата минута од натпреварот, кој заврши со пораз на неговиот тим од 3–0.

Сепак, не успевајќи да се избори за поголема минутажа, веќе во зимскиот преоден рок тој се вратил назад во Мексико каде бил позајмен на Клуб Америка.[16]

Клуб Америка

[уреди | уреди извор]
Лајун со Клуб Америка во 2012

На 21 декември 2009 година, Лајун официјално се префрлил во Клуб Америка за Клаусура 2010 турнирот, со што станал второто засилување на клубот во зимскиот преоден рок.[17]

Лајун го постигнал својот прв гол за Клуб Америка на 2 мај 2010 година за време на првиот натпревар од четвртфиналниот двомеч против Толука на стадионот Ацтека, кој завршил нерешено 2–2.

На 16 февруари 2011 година, го одиграл својот прв натпревар во Копа Либертадорес, играјќи ги сите деведесет минути во победата на Америка над Насионал (2-0). Вкупно, Лајун одиграл 5 натпревари во меѓународното натпреварување. Во лигата, сезоната за клубот завршила во четвртфиналето на плејофот во Апертура 2011.

На 26 мај 2013 година, Лајун го реализирал последниот пенал во победата на пенали над Крус Асул во финалето на Клаусура 2013, освојувајќи ја првата првенствена титула во својата кариера. Тој влегол како замена, заменувајќи го Диего Рејес во првото полувреме од натпреварот.[18][19]

Пред почетокот на Апертура 2014, Лајун бил именуван за еден од четворицата играчи кои ќе бидат капитени на клубот во текот на целиот турнир. Тој ја носел капитенската лента на тимот за првпат на 2 август во првенствениот натпревар против Пуебла, кој Америка го добила со 4–0.[20] На 26 септември, Лајун постигнал четири гола во победата од 4–1 над Сантос Лагуна.[21]

На 14 декември 2014 година, Лајун како капитен ја предводел Америка до првенствената титулата по победата со вкупен резултат 3–1 над УАНЛ Тигрес во финалето.[22][23]

Вотфорд

[уреди | уреди извор]
Лајун за време на загревањето пред натпревар на Вотфорд во јануари 2014

На 30 декември 2014 година, Лајун потпишал петгодишен договор со шпанскиот клубот од Примера Дивисион, Гранада; сепак, како што било очекувано тој веднаш заминал на позајмица до крајот на сезоната во англискиот клуб Вотфорд, во сопственост на истиот сопственик кој ја поседувал и Гранада.[24]

На 9 јануари 2015 година, сепак било објавено дека Лајун потпишал траен четири и пол годишен договор со Вотфорд, и дека ќе го носи дресот со број 7 во овој клуб.[25] Тој го направил своето деби во Чемпионшип лигата следниот ден, играјќи ги сите деведесет минути во поразот со 1–3 од Хадерсфилд Таун.

Во неговата прва сезона со клубот, Лајун одиграл 17 натпревари, помагајќи му на Вотфорд да избори промоција во Премиер лигата.[26] На 8 август, Лајун постигна гол на своето деби во Премиер лигата во ремито 2–2 против Евертон на Гудисон Парк.[27] Сепак, откако одиграл три натпревари за Вотфорд во Премиер лигата, тој го напуштил клубот во последните денови од летниот преоден рок.

Порто

[уреди | уреди извор]
Лајун играјќи за Порто во Лигата на шампионите во 2015

На 31 август 2015 година, Лајун му се приклучил на Порто на едногодишна позајмица со опција за трајно купување на играчот за износ од 6 милиони евра.[28] На 12 септември 2015 година, Лајун го направил своето деби во победата со 3-1 над Ароука, играјќи ги сите 90 минути. На 4 ноември, тој го постигнал својот прв гол за Порто во победата со 3-1 над Макаби Тел Авив во Лигата на шампионите.[29] Четири дена подоцна, Лајун го постигнал својот прв гол во португалското првенство во победата со 2–0 над Виторија Сетубал.[30] По импресивната прва сезона во која Лајун забележал 27 настапи, постигнал 5 гола и забележал 15 асистенции (најмногу во целата лига за сезоната, изедначен со Николас Гајтан од Бенфика) во првенството, тој бил откупен од Порто на 28 мај 2016.[31]

Втората сезона во Порто, Лајун ја започнал добро постигнувајќи гол во победата со 3-0 над Рома во Рим, во квалификациската рунда за пласман во групната фаза на Лигата на шампионите. Во првенството, исто така, играл стандардно и забележал неколку асистенции во првите неколку натпревари. Сепак, кон крајот на ноември тој се здобил со повреда на адукторот, поради која отсуствал од терените околу месец дена. По враќањето од повредата, тој испаднал од стартната постава и неговите настапи во вториот дел од сезоната значително се намалиле. Сезоната ја завршил со само 16 настапи во првенството, постигнувајќи еден гол во победата со 7-0 над Насионал на 4 март 2017.

Откако во сезоната 2017-2018, неговите настапи продолжиле да се намалуваат и тој поминал само 213 минути на теренот, било објавено дека постои можност Лајун да го напушти Порто во јануари 2018.[32]

Севиља и Виљареал

[уреди | уреди извор]

На 30 јануари 2018 година, Лајун се преселил во шпанската Примера Дивисион, каде го облекол дресот на Севиља на позајмица до крајот на сезоната 2017–2018, со право на откуп.[33] На тој начин, Севиља ја добила битката за неговиот потпис со градскиот ривал Бетис, кој исто така бил заинтересиран за услугите на Лајун.[34] Дебитирал за андалузијците на 3 февруари 2018, играјќи ги како десен бек сите 90 минути во поразот со 5-1 од Ејбар. На 18 март, тој го постигнал својот прв гол во поразот со 2-1 на гостувањето кај Леганес.[35] За Севиља играл само шест месеци, забележувајќи 18 настапи и два гола.

Лајун (лево) со Виљареал

На 11 јули 2018 година, Лајун му се приклучил на Виљареал, потпишувајќи тригодишен договор.[36] На 31 август 2018 година, тој ќе го направил своето деби за жолтата подморница влегувајќи како замена за Санти Касорла во 75-тата минута од натпреварот против Жирона, кој Виљареал го загубил со 1–0.[37] Откако за Виљареал одиграл само 15 натпревари во сите натпреварувања во првиот дел од сезоната, Лајун го напуштил клубот во јануари 2019 и се вратил во татковината.

Монтереј и враќање во Клуб Америка

[уреди | уреди извор]

Во јануари 2019 година, тој се преселил во Монтереј.[38] И покрај интересот за неговите услуги од некои европски клубови како Селта Виго и Милан за време на зимскиот трансферен преоден рок, Лајун одлучил дека финансиски и лично за него е подобра одлука да се врати во Мексико.[39] Во мај истата година, го освоил првиот трофеј со Монтереј, триумфирајќи во КОНКАКАФ Лигата на шампионите против УАНЛ Тигрес во мексиканското финале. Во декември, Лајун станал шампион на Мексико по трет пат во својата кариера, првпат со Монтереј, откако тимот го совладал по изведување пенали неговиот некогашен клуб Клуб Америка во финалето на Апертура 2019. Тој одиграл две ипол сезони во дресот на Монтереј, пред да го раскине договорот со клубот со взаемна согласност на 2 јуни 2021.

На 3 јуни 2021 година, Лајун се вратил во Клуб Америка потпишувајќи едногодишен договор, со опција за дополнителна година.[40]

На 8 октомври 2023 година, тој објавил дека ќе се повлече од професионалниот фудбал на крајот на годината.[41] Својот последен натпревар го одиграл во финалето на првенството Апертура 2023, во кое го победиле УАНЛ Тигрес што му овозможило да се пензионира како шампион во мексиканското првенство.

Репрезентативна кариера

[уреди | уреди извор]
Лајун играјќи за Мексико

Во 2013 година, Лајун го добил својот прв повик во репрезентацијата од селекторот Хосе Мануел де ла Торе по неговите настапи за Клуб Америка за време на првенството Клаусура 2013. Тој бил избран во тимот за КОНКАКАФ Голд купот 2013 одржан во САД, за кој целиот тим бил составен од играчи од мексиканската лига. Тој го направил своето деби на 11 јули во натпреварот од групната фаза против Канада на СенчриЛинк Филд во Сиетл. Тој ги одиграл сите деведесет минути во победата на Мексико од 2-0. Мексико на крајот бил елиминиран од натпреварувањето од Панама во полуфиналето.

Лајун повторно бил повикан од привремениот селектор Виктор Мануел Вучетич да учествува на последните два натпревари на Мексико во квалификациите за Светското првенство против Панама и Костарика; тој играл и во двата меча. Мексико речиси ја пропуштил шансата да се квалификува за првенството по поразот од Костарика со 2-1, но сепак на крајот успеале да се пласираат за Интерконтиненталниот плејоф против Нов Зеланд. Лајун повторно бил повикан од новиот селектор на Мексико, Мигел Ерера - неговиот тренер во Клуб Америка во тоа време - да игра на првиот натпревар, обезбедувајќи две асистенции за Орибе Пералта во победата од 5-1 на Ацтека. Така, мексиканците се квалификувале за Мундијалот, совладувајќи го Нов Зеланд со вкупен резултат од 9-3.

На 8 мај 2014, Лајун бил вклучен во составот од 23 играчи на Мексико за Светското првенство 2014. Тој го направил своето мундијалско деби на 13 јуни против Камерун, играјќи како лев бек, во победата со 1-0.[42] Лајун започнал во сите три натпревари во групата преку која Мексико се пласирал во осминафиналето, каде што потоа биле елиминирани од Холандија со гол во последните минути.

Следната година, Лајун бил во составот на репрезентацијата на КОНКАКАФ Голд купот 2015, каде Мексико триумфирал и ја освоил својата 10-та титула на ова натпреварување. Лајун ги одиграл сите шест натпревари за својата земја на турнирот, вклучително и финалето против Јамајка добиено со 3-1, во кое го играл сите 90 минути.

Во мај 2018 година, Лајун бил повикан за Мексико да настапува на Светското првенство 2018 во Русија.[43] Тој играл во сите четири натпревари на турнирот, на кој Мексико уште еднаш бил запрен во осминафиналето.

Хронологија на репрезентативните настапи

[уреди | уреди извор]
Хронологија на настапи и постигнати голови за националната селекција ― Мексико
Дата Град Домашни Резултат Гости Натпреварување Голови Инфо Детали
11-7-2013СиетлМексико Мексико2 – 0Канада КанадаГолд куп 2013 - Прва фаза-
14-7-2013ДенверМартиник Мартиник1 – 3Мексико МексикоГолд куп 2013 - Прва фаза-
20-7-2013АтлантаМексико Мексико1 – 0Тринидад и Тобаго Тринидад и ТобагоГолд куп 2013 - Четвртфинале-
24-7-2013АрлингтонПанама Панама2 – 1Мексико МексикоГолд куп 2013 - Полуфинале-
14-8-2013Ист РатерфордМексико Мексико4 – 1Брег на Слоновата Коска Брег на Слоновата КоскаПријателска-влегол во игра 78'
11-10-2013МексикоМексико Мексико2 – 1Панама ПанамаКвал. за СП 2014-
15-10-2013Сан ХосеКостарика Костарика2 – 1Мексико МексикоКвал. за СП 2014-
30-10-2013Сан ДиегоМексико Мексико4 – 2Финска ФинскаПријателска-заменет 67'
13-11-2013МексикоМексико Мексико5 – 1Нов Зеланд Нов ЗеландКвал. за СП 2014-
19-11-2013ВелингтонНов Зеланд Нов Зеланд2 – 4Мексико МексикоКвал. за СП 2014-
2-4-2014ГлендејлСАД САД2 – 2Мексико МексикоПријателска-заменет 68'
28-5-2014МексикоМексико Мексико3 – 0Израел ИзраелПријателска2заменет 72'
31-5-2014АрлингтонМексико Мексико3 – 1Еквадор ЕквадорПријателска-влегол во игра 50'
3-6-2014ЧикагоМексико Мексико0 – 1Босна и Херцеговина Босна и ХерцеговинаПријателска-добил жолт картон во 20-тата минута 20'
6-6-2014ФоксбороМексико Мексико0 – 1Португалија ПортугалијаПријателска-
13-6-2014НаталМексико Мексико1 – 0Камерун КамерунСП 2014 - Прва фаза-
17-6-2014ФорталецаБразил Бразил0 – 0Мексико МексикоСП 2014 - Прва фаза-
23-6-2014РесифеХрватска Хрватска1 – 3Мексико МексикоСП 2014 - Прва фаза-
29-6-2014ФорталецаХоландија Холандија2 – 1Мексико МексикоСП 2014 - Осминафинале-
6-9-2014Санта КлараЧиле Чиле0 – 0Мексико МексикоПријателска-влегол во игра 65'
9-9-2014ДенверБоливија Боливија0 – 1Мексико МексикоПријателска1
9-10-2014Тукстла ГутиересМексико Мексико2 – 0Хондурас ХондурасПријателска-заменет 80'
12-10-2014Сантјаго де КеретароМексико Мексико1 – 0Панама ПанамаПријателска-заменет 90+2'
28-3-2015Лос АнџелесМексико Мексико1 – 0Еквадор ЕквадорПријателска-
27-6-2015ОрландоМексико Мексико2 – 2Костарика КостарикаПријателска-
1-7-2015ХјустонМексико Мексико0 – 0Хондурас ХондурасПријателска-
9-7-2015ЧикагоМексико Мексико6 – 0Куба КубаГолд куп 2015 - Прва фаза-
12-7-2015ГлендејлГватемала Гватемала0 – 0Мексико МексикоГолд куп 2015 - Прва фаза-добил жолт картон во 51-вата минута 51'
15-7-2015ШарлотМексико Мексико4 – 4Тринидад и Тобаго Тринидад и ТобагоГолд куп 2015 - Прва фаза-
19-7-2015Ист РатерфордМексико Мексико1 – 0Костарика КостарикаГолд куп 2015 - Четвртфинале-
22-7-2015АтлантаПанама Панама1 – 2Мексико МексикоГолд куп 2015 - Полуфинале-заменет 77'
26-7-2015ФиладелфијаЈамајка Јамајка1 – 3Мексико МексикоГолд куп 2015 - Финале-
8-9-2015АрлингтонАргентина Аргентина2 – 2Мексико МексикоПријателска-
10-10-2015ПасаденаСАД САД2 – 3Мексико МексикоКуп на конф. 2017 - Плејоф-
13-10-2015ТолукаМексико Мексико1 – 0Панама ПанамаПријателска-влегол во игра 79'
13-11-2015МексикоМексико Мексико3 – 0Ел Салвадор Ел СалвадорКвал. за СП 2018-
17-11-2015Сан Педро СулаХондурас Хондурас0 – 2Мексико МексикоКвал. за СП 2018-
25-3-2016ВанкуверКанада Канада0 – 3Мексико МексикоКвал. за СП 2018-
29-3-2016МексикоМексико Мексико2 – 0Канада КанадаКвал. за СП 2018-
1-6-2016Сан ДиегоМексико Мексико1 – 0Чиле ЧилеПријателска-добил жолт картон во 55-тата минута 55'
5-6-2016ГлендејлМексико Мексико3 – 1Уругвај УругвајКопа Америка Сентенарио - Прва фаза-
9-6-2016ПасаденаМексико Мексико2 – 0Јамајка ЈамајкаКопа Америка Сентенарио - Прва фаза-
13-6-2016ХјустонМексико Мексико1 – 1Венецуела ВенецуелаКопа Америка Сентенарио - Прва фаза-влегол во игра 46'
18-6-2016Санта КлараМексико Мексико0 – 7Чиле ЧилеКопа Америка Сентенарио - Четвртфинале-добил жолт картон во 64-тата минута 64'
2-9-2016Сан СалвадорЕл Салвадор Ел Салвадор1 – 3Мексико МексикоКвал. за СП 2018-
6-9-2016МексикоМексико Мексико0 – 0Хондурас ХондурасКвал. за СП 2018-
11-11-2016КолумбусСАД САД1 – 2Мексико МексикоКвал. за СП 20181добил жолт картон во 70-тата минута 70'
15-11-2016ПанамаПанама Панама0 – 0Мексико МексикоКвал. за СП 2018-
24-3-2017МексикоМексико Мексико2 – 0Костарика КостарикаКвал. за СП 2018-
28-3-2017Порт оф СпејнТринидад и Тобаго Тринидад и Тобаго0 – 1Мексико МексикоКвал. за СП 2018-
27-5-2017Лос АнџелесМексико Мексико1 – 2Хрватска ХрватскаПријателска-
1-6-2017Ист РатерфордИрска Ирска1 – 3Мексико МексикоПријателска-влегол во игра 46'
18-6-2017КазањПортугалија Португалија2 – 2Мексико МексикоКуп на конф. 2017 - Прва фаза-
24-6-2017КазањМексико Мексико2 – 1Русија РусијаКуп на конф. 2017 - Прва фаза-
29-6-2017СочиГерманија Германија4 – 1Мексико МексикоКуп на конф. 2017 - Полуфинале-
2-7-2017МоскваПортугалија Португалија2 – 1 прод.Мексико МексикоКуп на конф. 2017 - натп. за 3. место-
6-10-2017Сан Луис ПотосиМексико Мексико3 – 1Тринидад и Тобаго Тринидад и ТобагоКвал. за СП 2018-
10-10-2017Сан Педро СулаХондурас Хондурас3 – 2Мексико МексикоКвал. за СП 2018-
10-11-2017БриселБелгија Белгија3 – 3Мексико МексикоПријателска-заменет 88'
13-11-2017ГдањскПолска Полска0 – 1Мексико МексикоПријателска-
23-3-2018Санта КлараМексико Мексико3 – 0Исланд ИсландПријателска2добил жолт картон во 85-тата минута 85'
27-3-2018АрлингтонМексико Мексико0 – 1Хрватска ХрватскаПријателска-влегол во игра 46'
3-6-2017МексикоМексико Мексико1 – 0Шкотска ШкотскаПријателска-
9-6-2018БрондбиДанска Данска2 – 0Мексико МексикоПријателска-влегол во игра 60' добил жолт картон во 70-тата минута 70'
17-6-2018МоскваГерманија Германија0 – 1Мексико МексикоСП 2018 - Прва фаза-
23-6-2018РостовЈужна Кореја Јужна Кореја1 – 2Мексико МексикоСП 2018 - Прва фаза-
27-6-2018ЕкатеринбургМексико Мексико0 – 3Шведска ШведскаСП 2018 - Прва фаза-добил жолт картон во 86-тата минута 86' заменет 89'
2-7-2018СамараБразил Бразил2 – 0Мексико МексикоСП 2018 - Осминафинале-влегол во игра 46'
16-11-2018КордобаАргентина Аргентина2 – 0Мексико МексикоПријателска- заменет 79'
23-3-2019Сан ДиегоМексико Мексико3 – 1Чиле ЧилеПријателска-влегол во игра 90'
27-3-2019Санта КлараМексико Мексико4 – 2Парагвај ПарагвајПријателска- добил жолт картон во 64-тата минута 64'
10-9-2019Сан АнтониоАргентина Аргентина4 – 0Мексико МексикоПријателска-
30-9-2020МексикоМексико Мексико3 – 0Гватемала ГватемалаПријателска-влегол во игра 61'
Вкупно Настапи 73 Голови 6

Статистика

[уреди | уреди извор]

Клупска статистика

[уреди | уреди извор]
Сезона Клуб Првенство Национален куп Континентален куп Останати купови Вкупно
Лига Наст Гол Лига Наст Гол Лига Наст Гол Лига Наст Гол Наст Гол
2006-2007Мексико ВеракрусПД10---------110
2007-2008ПД300---------300
2008-2009ПДА261---------261
Вкупно Веракрус581-------581
2009-јан. 2010Италија АталантаА20КИ00------20
јан.-јун. 2010Мексико Клуб АмерикаПД8+2[44]0+1[45]ИЛ10------111
2010-2011ПД33+5[46]1+0[47]---КЛ50---431
2011-2012ПД10+1[48]0---------110
2012-2013ПД24+9[49]1+1[50]КП11[51]3[52]------445
2013-2014ПД26+7[53]5+0[54]---КЛШ30---365
2014-јан. 2015ПД11+6[55]6+0[56]---КЛШ00---176
Вкупно Америка111+3113+212380--16218
јан.-јун. 2015Англија ВотфордФЛЧ170ФАКуп+ЛК0+00------170
јун.-авг. 2015ПЛ31ФАКуп+ЛК0+10------41
Вкупно Вотфорд20110----211
авг. 2015-2016Португалија ПортоПЛ275КП+ЛКП6+00ЛШ+ЛЕ6+21+0---416
2016-2017ПЛ161КП+ЛКП1+00ЛШ82---253
2017-јан. 2018ПЛ70КП+ЛКП2+31+0ЛШ21---142
Вкупно Порто506121184--8011
јан.-јун. 2018Шпанија СевиљаПД162КШ20ЛШ00---182
2018-јан. 2019Шпанија ВиљареалПД80КШ40ЛЕ30---150
јан.-јун. 2019Мексико МонтерејПД110КМ32КЛШ81Скп30253
2019-2020ПД303КМ00------303
2020-2021ПД320---КЛШ21---341
Вкупно Монтереј7333210230899
2021-2022Мексико Клуб АмерикаПД280------КЛ20300
2022-2023ПД271------КЛ30301
јун.-дек. 2023ПД140---------140
Вкупно Клуб Америка691----50741
Вкупно во кариерата438293463968051941

Репрезентативна статистика

[уреди | уреди извор]
РепрезентацијаГодинаНастапиГолови
Мексико Мексико 2013100
2014133
2015140
2016111
2017120
201892
201930
202010
Вкупно736

Титули

[уреди | уреди извор]

Клупски

[уреди | уреди извор]

Клуб Америка

[уреди | уреди извор]
Клаусура 2013, Апертура 2014, Апертура 2023

Порто

[уреди | уреди извор]
2017-2018

Монтереј

[уреди | уреди извор]
Апертура 2019
2019-2020
2019, 2021

Репрезентативни

[уреди | уреди извор]
Мексико
2015

Наводи

[уреди | уреди извор]
  1. ↑ „The Football League Limited: Club list of registered players as at 16th May 2015“ (PDF). The Football League. 16 May 2015. стр. 35. Архивирано од изворникот (PDF) на 21 December 2015. Посетено на 19 June 2015.
  2. ↑ „2018 FIFA World Cup: List of players“ (PDF). FIFA. 29 June 2018. стр. 17. Архивирано од изворникот (PDF) на 2 December 2019. Посетено на 29 June 2018.
  3. ↑ „FIFA Club World Cup Qatar 2019: List of Players: CF Monterrey“ (PDF). FIFA. 5 December 2019. стр. 3. Архивирано од изворникот (PDF) на 5 December 2019.
  4. 1 2 3 4 5 6 „Miguel Layun, a Lebanese in the Mexican football team“ (англиски). Архивирано од изворникот на 3 декември 2019. Посетено на 3 декември 2019. Занемарен непознатиот параметар |dead-link= (help)
  5. ↑ „Layún vince la partita più importante, sconfitto il cancro“. Numero Diez (италијански). 9 јуни 2019. Архивирано од изворникот на 2025-01-26. Посетено на 3 декември 2019.
  6. ↑ „Layun, no al Messico per curare il cancro: "La mia vittoria più bella"“. Посетено на 3 декември 2019.
  7. ↑ Miguel Arturo Layún Prado - Ficha Jugador
  8. ↑ El rival: Tijuana
  9. ↑ Grupo caliente, dueño de Gallos y Xolos: dos equipos con violencia en sus barras
  10. ↑ (шпански) Información, noticias y estadísticas de Miguel Layún
  11. ↑ „Mexico 2007/08“ (англиски). Посетено на 29 јули 2009.
  12. ↑ „Ficha: Tampico Madero vs Veracruz – Ascenso MX – ESPN Deportes“. ESPN. Посетено на 11 August 2015.
  13. ↑ „Tampico Madero – Veracruz (Soccer, Liga de Ascenso 2008/2009)“. Sportstats.com. 26 February 2009. Архивирано од изворникот на 2016-03-14. Посетено на 11 August 2015.
  14. ↑ „Miguel Layun: il primo messicano in nerazzurro“. Архивирано од изворникот на |archive-url= requires |archive-date= (help). Занемарен непознатиот параметар |accesso= (се препорачува |access-date=) (help); Занемарен непознатиот параметар |dead-link= (help)
  15. ↑ „Layún, feliz por haber debutado en Italia“ (шпански). 27 септември 2019.
  16. ↑ „Miguel Layún y Alonso Sandoval, al América“ (шпански). Посетено на 3 декември 2019.
  17. ↑ „Miguel Layún y Alonso Sandoval al América“. Medio Tiempo. 21 December 2009. Посетено на 21 December 2009.
  18. ↑ „¡América, Campeón del Clausura 2013! – Futbol – México“. mediotiempo.com. 27 May 2013. Посетено на 11 August 2015.
  19. ↑ „Amιrica vence en penales a Cruz Azul y es campeσn del futbol mexicano - Deportes - CNNMexico.com“. Mexico.cnn.com. 26 May 2013. Посетено на 11 August 2015.
  20. ↑ „América probará a cuatro capitanes: Sambueza, Layún, Aguilar y el 'Topo' – Univision“. Futbol.univision.com. 17 July 2014. Посетено на 11 August 2015.
  21. ↑ „Miguel Layún colgó a Santos en su Laguna“. Medio Tiempo. Посетено на 4 January 2015.
  22. ↑ „Layún le dedica el título a Paul Aguilar y dice que es ahora fue muy diferente – Futbol – ESPN Deportes“. ESPN. 15 December 2014. Посетено на 11 August 2015.
  23. ↑ Layún levanta el título de Campeón. „'Vivir un campeonato así habla maravillas del grupo': Layún – RÉCORD“. Record.com.mx. Архивирано од изворникот на 2016-09-16. Посетено на 11 August 2015.
  24. ↑ „Mexico's Layun finalizes move to Granada“. ESPN.com. 31 December 2014.
  25. ↑ „WATFORD FC OFFICIAL: Miguel Layun Signs“. Watford Football Club. Архивирано од изворникот на 9 January 2015. Посетено на 9 January 2015.
  26. ↑ „Watford's Miguel Layun admits he struggled in 'the amazing Championship' but is determined to prove himself at Vicarage Road“. Watford Observer. Посетено на 20 June 2015.
  27. ↑ „Everton 2–2 Watford“. BBC Sport. Посетено на 8 August 2015.
  28. ↑ „Miguel Layun, Jesus Corona seal Porto deals ahead of deadline“. ESPN FC. Архивирано од изворникот на 1 September 2015. Посетено на 31 August 2015.
  29. ↑ „Porto have last 16 in sights after victory at Maccabi Tel Aviv“. The Guardian. 4 November 2015. Посетено на 4 November 2015.
  30. ↑ „Miguel Layún le dio la victoria al Porto sobre Vitória Setúbal“ [Miguel Layún gave Porto victory over Vitória Setúbal]. Goal.com (шпански). Посетено на 8 November 2015.
  31. ↑ „Porto confirm permanent signing of Watford defender Miguel Layun“. Watford Observer. 28 May 2016. Посетено на 28 May 2016.
  32. ↑ „Mexicanos por el mundo: Miguel Layún se mantendrá como jugador del Porto“ (шпански). 15 јануари 2018. Посетено на 3 декември 2019.
  33. ↑ „Layún: "Que esto pueda ser una historia a largo plazo"“. Sevilla FC. Посетено на 30 January 2018.
  34. ↑ „El presidente del Betis no le desea lo mejor a Miguel Layún“ (шпански). 31 јануари 2018. Посетено на 3 декември 2019.
  35. ↑ „Anota Miguel Layún en derrota del Sevilla ante Leganés“. cronica mx. 18 март 2018. Посетено на 29 јануари 2024.
  36. ↑ „Welcome, Layún!“. villarrealcf.es. Villarreal CF. Посетено на 12 July 2018.
  37. ↑ „Villarreal vs. Girona - Football Match Commentary“. espn.com. ESPN. 31 August 2018. Посетено на 5 April 2020.
  38. ↑ „¡BIENVENIDO A RAYADOS, MIGUEL LAYÚN!“. CF Monterrey. 30 January 2019. Посетено на 7 February 2019.
  39. ↑ „Miguel Layun's Monterrey move makes sense for player, club“. Goal.com. 30 January 2019. Посетено на 7 February 2019.
  40. ↑ „Miguel Layún regresa al América“. ESPN Deportes. 3 June 2021.
  41. ↑ „América defender Miguel Layún announces retirement“. Diario AS. 8 October 2023.
  42. ↑ „2014 FIFA World Cup Brazil – Matches“. FIFA.com. 13 June 2014. Архивирано од изворникот на 16 June 2014. Посетено на 11 August 2015.
  43. ↑ „Convocatoria de la Selección Nacional de México“. MiSeleccion.mx (шпански). Посетено на 4 June 2018.
  44. ↑ 2 настапи во плејофот на Клаусура 2010.
  45. ↑ 1 гол во плејофот на Клаусура 2010.
  46. ↑ 4 настапи во плејофот на Апертура 2010 и 1 настап во плејофот на Клаусура 2011.
  47. ↑ Плејоф Апертура 2010 и Клаусура 2011.
  48. ↑ Плејоф Клаусура 2012.
  49. ↑ 3 настапи во плејофот Апертура 2012 и 5 настапи во плејофот Клаусура 2013.
  50. ↑ 1 гол во плејофот Апертура 2012.
  51. ↑ 6 настапи во Апертура 2012 и 5 настапи во Клаусура 2013.
  52. ↑ 2 гола во Апертура 2012 и 1 гол во Клаусура 2013.
  53. ↑ 6 настапи во плејофот Апертура 2013 и 1 настап во плејофот Клаусура 2014.
  54. ↑ Плејоф Апертура 2013 и Клаусура 2014.
  55. ↑ 6 настапи во плејофот Апертура 2014.
  56. ↑ Плејоф Апертура 2014.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Мигел_Лајун&oldid=5379492“