Меѓународна датумска граница

Од Википедија — слободната енциклопедија
Прејди на прегледникот Прејди на пребарувањето
Меѓународната датумска граница, околу 180°

Меѓународна датумска граница — замислена линија на Земјината топка наспроти нултиот меридијан (Гринич), на која се менува датата во мерењето на времето. Таа се наоѓа главно на 180° географска должина, со мали исправки кои минуваат преку одредени територии, главно острови во Тихиот Океан.

Првиот проблем со одредувањето на датумската граница се појавил кога Фернандо Магелан опловил околу Земјата (1519-1522). Преживеаниот екипаж се вратил во шпанското пристаниште водејќи уредно и секојдневно бродски дневник, но оние на копното инсистирале дека датата не им е точна. Иако денес ова е сосема сфатливо, во тоа време предизвикало голема возбуда, до таа мерка што специјална делегација била испратена до папата да им ја објасни појавата.