Прејди на содржината

Меша (месец)

Од Википедија — слободната енциклопедија
Симбол на месецот меша.

Меша (मेष) ― месец во индискиот сончев календар.[1][2] Тој одговара на хороскопскиот знак овен и се преклопува со околу втората половина на април и околу првата половина на мај во Грегоријанскиот календар.[1] Општо земено, месецот меша започнува на 13 или 14 април, наречен меша санкранти.

Во ведските текстови, месецот меша е наречен маду, но во овие древни текстови, нема зодијачни поврзувања.[3] Сончевиот месец меша се преклопува со неговиот месечев месец ваисаха, во хиндуските месечево-сончеви календари.[4][5] На меша претходник му е сончевиот месец мина, а потоа следува сончевиот месец врсаба.[2]

Месецот меша е наречен читирај во тамилскиот календар и е негов прв месец.[1] Санскритските текстови во Индија од античката и средновековната ера се разликуваат во нивните пресметки за времетраењето на меша, исто како и со другите месеци. На пример, делото „Сурја Сиданта“ го пресметува времетраењето на меша да биде 30 дена, 22 часа, 26 минути и 48 секунди.[5] Спротивно на тоа, делото „Арја Сиданта“ го пресметува времетраењето на меша да биде 30 дена 22 часа 12 минути.[5]

Меша е исто така астролошки знак во индиските хороскопски системи, што одговара на овен.[6]

Меша е исто така десеттиот месец во Дарискиот календар за планетата Марс, кога Сонцето го преминува средишниот дел на соѕвездието Овен гледано од Марс.

Наводи[уреди | уреди извор]

  1. 1,0 1,1 1,2 James G. Lochtefeld (2002). The Illustrated Encyclopedia of Hinduism: A-M. The Rosen Publishing Group. стр. 151. ISBN 978-0-8239-3179-8.
  2. 2,0 2,1 Robert Sewell; Śaṅkara Bālakr̥shṇa Dīkshita (1896). The Indian Calendar. S. Sonnenschein & Company. стр. 5–11.
  3. Nachum Dershowitz; Edward M. Reingold (2008). Calendrical Calculations. Cambridge University Press. стр. 123–128. ISBN 978-0-521-88540-9.
  4. Christopher John Fuller (2004). The Camphor Flame: Popular Hinduism and Society in India. Princeton University Press. стр. 291–293. ISBN 978-0-69112-04-85.
  5. 5,0 5,1 5,2 Robert Sewell; Śaṅkara Bālakr̥shṇa Dīkshita (1896). The Indian Calendar. S. Sonnenschein & Company. стр. 10–11.
  6. Bangalore V. Raman (2003). Studies in Jaimini Astrology. Motilal Banarsidass. стр. 10–19. ISBN 978-81-208-1397-7.