Методи Чепреганов
Методи Чепреганов | ||
Роден | 1936 Штип, Македонија | |
---|---|---|
Починал | 9 јули 2022 Скопје | |
Националност | Македонец | |
Занимање | Невропсихијатар, епилептолог |
Методи Чепреганов (Штип, 1936 - Скопје, 9 јули 2022) — македонски лекар, специјалист во областа на невропсихијатрија и епилептологија.
Образование[уреди | уреди извор]
- 1962 год. Медицински факултет – Скопје;
- 1968 год. Специјализација по невропсихијатрија на Медицински факултет – Скопје;
- 1972-1973 год. Постдипломски субспецијалистички студии во Белгија во Клиниката за Електроенцефалографија;
- 1974-1975 год. Специјалистички студии по Клиничка електроенцефалографија во лабораторија и епилептологија LENA во Париз, Франција;
- 1978 год. Стручно доусовршување за компјутерска томографија во Белгија и Англија;
- 1994-1996 год. Субспецијализација по анатамна морфологија (компјутерска томографија и магнетна резонанца);
Работно искуство[уреди | уреди извор]
Од 1969 г. работел на Клиниката за нервни и душевни болести при Медицински факултет во Скопје. Повеќе од 25 години учествувал во наставата како професор, одржувајќи предавања од областа на: Неврологијата и психијатрија со медицинска психологија на студентите на Медицинскиот факултет – Скопје;
Од 2006 г. работел во Болницата Невромедика во Скопје
Научно и професионално достигнување[уреди | уреди извор]
Учествувал на бројни европски и светски конгреси, а објавил и над 260 научни трудови и 130 монографии од областа на Неврологијата и епилептологијата меѓу кои позначајни се:
- Imagerie des épilepsies, Paris 1996;
- Neuro-imagerie diagnostique-Epilepsies Paris, 2006;
- Neuro-imagerie diagnostique-Еpilepsies Paris, 2007;
- Neuro-imagerie diagnostique-Epilepsies Paris, 2012.
Признанија и оставштина[уреди | уреди извор]
Методи Чепреганов како невропсихијатар-епилептолог беше во самиот врв на македонската медицинска наука. Членувал во Европска асоцијација за клиничка неврофизиологија и епилептологија за земјите од Француско говорно подрачје и во Невролошка асоцијација на Франција. Награден е со орденот „Palmes Academiques“ од страна на претседателот на француската влада, во име на Министерството за наука.[1]
- 2022 - Награда „11 Октомври“ за животно дело од областа на науката (постхумно).[2]
Наводи[уреди | уреди извор]
- ↑ „Почина проф. д-р Методи Чепреганов“. Fakulteti.mk. 9 јули 2022. Посетено на 23 август 2022.
- ↑ „НАГРАДАТА „11 ОКТОМВРИ" ЗА МЕТОДИ ЧЕПРЕГАНОВ, ЛИНДИТА АХМЕТИ, ТОМИСЛАВ ОСМАНЛИ И МИЦЕ ЈАНКУЛОВСКИ“. СДК. 28 септември 2022. Посетено на 28 септември 2022.