Метеорит

Од Википедија — слободната енциклопедија
Метеоритот пронајден во долината Виламет во Орегон, САД

Метеорит е парче од метеороид што од вселената поминал низ атмосферата и паднал на површината на Земјата или на некое друго небесно тело. Во случај на посилен удар се појавува кратер.

Метеороидите потекнуваат уште од периодот на настанувањето на Сончевиот Систем, при што голем број од нив паднале на Земјината површина. Општо земено, метеорит на површината на некое небесно тело претставува физички објект што дошол од друго место во вселената. Метеорити се пронајдени на Месечината[1][2] и на Марс[3]. До февруари 2010 година, имало околу 1086 паднати метеорити што биле забележани од сведоци, а од кои постојат и примероци. Од друга страна, постојат повеќе од 38.660 добро документирани метеоритски наоди.[4] Годишно на Земјата паѓаат околу 2000 метеорити. Најголемиот метеорит што досега паднал на Земјата бил тежок 60 тони. Втор по големина метеорит од 33 тони е пронајден на Гренланд во 1815 година. Метеоритите претежно паѓаат во морињата, океаните, поларните предели, пустините и ретко населените места.

Метеоритите се делат на три основни групи: железни (сидерити), камени (аеролити) и железно-камени (сидеролити). Околу 60% од метеоритите се со камен состав, а остатокот се железни метеорити.

Метеоритот како тема во уметноста и во популарната култура[уреди | уреди извор]

Поврзано[уреди | уреди извор]

Надворешни врски[уреди | уреди извор]

Наводи[уреди | уреди извор]

  1. McSween Jr., Harry Y. (1976). „A new type of chondritic meteorite found in lunar soil“. Earth and Planetary Science Letters. 31 (2): 193–199. Bibcode:1976E&PSL..31..193M. doi:10.1016/0012-821X(76)90211-9.
  2. Rubin, Alan E. (1997). „The Hadley Rille enstatite chondrite and its agglutinate-like rim: Impact melting during accretion to the Moon“. Meteoritics & Planetary Science. 32 (1): 135–141. Bibcode:1997M&PS...32..135R. doi:10.1111/j.1945-5100.1997.tb01248.x.
  3. „Opportunity Rover Finds an Iron Meteorite on Mars“. JPL. January 19, 2005.
  4. Meteoritical Bulletin Database
  5. Italo Kalvino, Nove kosmikomike. Beograd: Rad, 1999, стр. 26-35.