Неправилната галаксија Секстант A од Месната група е оддалечена 4,3 милиони светлосни години. Сјајните жолтеникави ѕвезди во преден план му припаѓат на Млечниот Пат. Зад нив се ѕвездите од Секстант A со јасно видливи јата од млади сини ѕвезди.
Месна Група (наречена и „Локална Група“) — група на галаксии во која спаѓа и Земјината галаксија — Млечниот Пат (Кумовата Слама). Групата се состои од над 30 галаксии (вклучувајќи џуџести), со гравитациското средиште (тежиштето) некаде помеѓу Млечниот Пат и галаксијата Андромеда. Групата има пречник од 10 милиони светлосни години, а галаксиите имаа бинарен облик (облик на тег)[1]. Се смета дека групата има вкупна маса од (1,29 ± 0,14)×1012Ms.[1]
Самата група е дел од Месното Суперјато (Девица).[2]
Галаксијата Триаголник, која е трета по големина и единствената обична спирална галаксија во групата може да е придружник на галаксијата Андромеда, но веројатно нејзин придружник е Риби.
Припадноста на NGC 3109, и нејзините придружници Секстант A и Пумпа не е со сигурност утврдено поради нивната извонредно голема оддалеченост од Месната Група.
Поимот „Месна Група“ го вовел астрономот Едвин Хабл во Глава VI од неговото дело „Царството на маглините“ (The Realm of the Nebulae) (Hubble 1936, стр. 124–151). Таму тој ја опишува како „типична мала група маглини што е изолирана во општото поле.“ Хабл ги наведува објектите што ја сочинуваат по надолен редослед на сјајност: M31, Млечниот Пат, M33, Големиот Магеланов Облак, Малиот Магеланов Облак, M32, NGC 205, NGC 6822, NGC 185, IC 1613 и NGC 147 (и IC 10 можен припадник). Во 2003 г. бројот на составни објекти изнесувал триесет и шест (од првичните дванаесет), со откривањето на речиси две дузини нискосјајни галаксии.[3]
Смитов облак - големобрзински облак, оддалечен помеѓу 32.000 и 49.000 светлосни години од Земјата,[6] и 8000 светлосни години од дискот на Млечниот Пат.[7]
↑ 1,01,1Karachentsev, I. D.; Kashibadze, O. G. (2006). „Masses of the local group and of the M81 group estimated from distortions in the local velocity field“. Astrophysics. 49 (1): 3–18. Bibcode:2006Ap.....49....3K. doi:10.1007/s10511-006-0002-6.CS1-одржување: повеќе имиња: список на автори (link)
↑van den Bergh, Sidney (мај 2003). „History of the Local Group“. To be published in: "The Local Group as an Astrophysical Laboratory". Cambridge University Press. Bibcode:2003astro.ph..5042V.
↑van den Bergh, Sidney (април 2000). „Updated Information on the Local Group“. The Publications of the Astronomical Society of the Pacific. 112 (770): 529–536. Bibcode:2000PASP..112..529V. doi:10.1086/316548.
↑Wakker, B. P.; York, D. G.; Wilhelm, R.; Barentine, J. C.; Richter, P.; Beers, T. C.; Ivezić, Ž.; Howk, J. C. (2008). „Distances to Galactic High‐Velocity Clouds. I. Cohen Stream, Complex GCP, Cloud g1“. The Astrophysical Journal. 672 (1): 298. doi:10.1086/523845.
.jpg){kind=link}
