Месински Проток

Од Википедија — слободната енциклопедија
Прејди на прегледникот Прејди на пребарувањето
Месински Проток
stretto di Messina
Strait of Messina from Dinnammare.jpg
Поглед на протокот од планината Динамаре, Сицилија.
Locatie Straat van Messina.PNG
Местоположба на протокот
Подрачје Тиренско МореЈонско Море
Координати 38°14′45″ СГШ 15°37′57″ ИГД / 
Вид проток
Сливни земји Италија
Населени места Месина, Вила Сан Џовани, Реџо Калабрија, Шила

Месински Проток (италијански: stretto di Messina, сицилиски: strittu di Missina) — тесен проток помеѓу Сицилија и јужниот крај на Калабрија, јужна Италија. Го поврзува Тиренското Море на север со Јонското Море на југ. Широк 3,1 км во најтесниот дел меѓу Торе Фаро и Вила Сан Џовани, а 5,1 км кај градот Месина. Достигнува најголема длабочина од 250 м.

Протокот има силни плимни струи кои создале мошне својствен екосистем.[1] Во северниот дел се јавува природен вртлог, поврзан со старогрчката легенда за Сцила и Харибда.[2]

Во 1957 г. преку протокот е поставен далекувод од 220 kV, чии столбови се меѓуа највисоките во светот. Подоцна истиот е заменет со подводни кабли, но кулите се запазени како историски споменици.

Преселба на птиците[уреди | уреди извор]

Месинскиот Проток го прелетуваат многу видови птици во нивната годишна преселба кон северна Европа. Поради стеснетиот облик на земјиштето, местото е минувалиште за дури 300 вида преселници, вклучувајќи 35.000 грабливки во пролетниот период.[3] Меѓу нив најчести се осојадот и блатната еја, а редовно летаат и планинскиот орел и египетскиот мршојадец. Во крајбрежните солени езера одмораат видови како црниот ибис, пламенецот (фламинго), долгоногата шлука и разни штркови. Динамаре и другите планини од венецот Пелоритани се особено погодни места за набљудување на птици во лет.

Морски видови[уреди | уреди извор]

Поради посебните хидрогеолошки услови, протокот се одликува со голема биоразновидност и бројни ендемски видови. Мошне застапени се длабоководните риби како иглозабот кои повремено се насукуваат на брегот поради силните струи. Низ овие води се одвива и преселба на многу видови риби од Средоземното Море.

Сообраќај[уреди | уреди извор]

Бродски сообраќај преку протокот. Во позадината се гледа градот Месина.

Помеѓу Месина во Сицилија е поврзан со Апенинскиот Полуостров со траект до Вила Сан Џовани, на неколку километри северно од Реџо Калабрија; на него се превезуваат и вагоните од железничката линија Палермо-Неапол. Помеѓу Месина до Реџо Калабрија сообраќа и хидроглисер.

Веќе неколку децении постои проект за изградба на мост преку протокот, поврзувајќи го Апенинскиот Полуостров со Сицилија. Последенп пат овој проект е заживеан во 2000-тите, но откажан во февруари 2013 г.[4]

Поврзано[уреди | уреди извор]

Наводи[уреди | уреди извор]

Надворешни врски[уреди | уреди извор]